Jwak 9:8 - Chiyawo Bible

⁸ Ndaŵi syosope mwoneceje ŵakusangalala ni ŵakusengwa.

Jwak 9:8 Iomraidhean Croise

2 Sam 14:2

Ni ŵatumile ŵandu ku Tekowa kuti akamjigale jwamkongwe jwa kalamuka kweleko. Ŵamsalile jwamkongwejo kuti, “Mlambucisye kuŵa mpela mundu jwakuwilwa, m'wale yakuwala ya pa malilo. Mkapakala mawuta nambo mgambe kuŵa mpela jwamkongwe jwatemi ali mkulila pa malilo kwa masiku gamajinji.

2 Sam 19:24

Mefiboseti cisukulu ca Saulo, ŵapite kukuwonegana ni mwenye. Nginacesa ngongolo, nginamyola ndewu, soni nginacapa yakuwala yawo kutandila lisiku lyele mwenye lyatyosile, mpaka lisiku lyawusile mwa mtendele.

Esitele 8:15

Modekayi ŵatyosile ku nyumba ja mwenyejo ali awete yakuwala ya ucimwene yeswela mwine mwa buluwu ni cisoti ca ucimwene ca golidi. Ŵawete soni mkanjo wa bafuta wecejewu, nipo ŵandu ŵa mu msinda wa Susa ŵaliji ŵakusangalala ni ŵakondwa.

Masalimo 23:5

Ŵalakwe akulinganyicisya yakulya, pameso pa amagongo ŵangu; ŵalakwe akumbocela une cenene pakuwupakasya mtwe ŵangu ni mawuta, nipo akusagumbasya mgawo wangu mpaka kwasicila.

Daniele 10:3

Nalesile kulya yakulya yosope yambone. Nginindya nyama kapena kumwa finyo, soni nganimbakala mawuta pa cilu cangu yijuma yitatu yosopeyo.

Amosi 6:6

Mkusamwela finyo mu migawo jegumbale, ni kupakala mawuta gakununjila mnope, nambo ŵangadandawula ni konasika kwa cilambo ca Yosefe.

Matayo 6:17

Nambo m'mwejo pamkulijima yakulya, msukusule cenene ngope jenu ni kupakala mawuta mu mtwe,

Luka 7:46

M'mwejo nganimumbakasya mawuta mu mtwe mwangu nambo jwalakweju apakesye mawuta gakununjila sajo syangu.

Chunukuko 16:15

“Mpikane, ngwisa mpela jwawiyi. Jwana upile mundu jwakuŵa mesope, acisungaga yakuwala yakwe, kogopela kuti atakwenda jwangawala, soni ŵandu atakuwuwona umakonope wakwe.”

Chunukuko 19:14

Makuga ga ngondo ga kwinani gamkuyaga gali gakwesile pa mahaci geswela soni gali gawete yakuwala yayiswela yakutependala.

Chunukuko 19:8

Jwalakwejo apegwile nguwo jetakate jakunyesima jakutependala kuti awale, jegumbidwe cenene.” (Yakuwala yeswelayo yakunyesima yakutependala yikugopolela yitendo yambone ya ŵandu ŵa Mlungu.)

Chunukuko 7:9

Yili yitendekwe yeleyi, nalolite ni naliweni likuga lya ŵandu ŵangaŵalanjika. Ŵanduwo ŵaliji ŵakutyocela ku mitundu josope ja ŵandu, ngosyo syosope, yilambo yosope ni soni ŵa yiŵeceto yosope nipo ŵajimi pameso pa citengu ni pa Mwanace Jwangondolo. Ŵanduwo ŵaliji ali awete mikanjo jeswela nipo ŵanyakwile kanjesa m'myala mwawo.

Lute 3:3

Myoyo mjoje cenene mwanangu, soni mpakale mawuta gambone gakununjila, nipo m'wale yakuwala yambone. Kaneko mjawule kumalo gakupwagulila balele, nambo akaja kumanyilila kuti m'mwejo mli kweleko, mpaka pitakamalisye kulya ni kumwa.