Jwak 9:5 - Chiyawo Bible

⁵ Ŵandu ŵali cijumi akusamanyilila kuti taciwa, nambo ŵawe ŵangamanyilila cilicose; nipo ŵangali soni mbote jine jilijose soni naga awile ŵangakumbucilika.

Jwak 9:5 Iomraidhean Croise

2 Sam 14:14

Naga mesi gajasice gangakokoleka soni, tukumanyilila kuti wosopewe tukwenela kuwa nditu. Nambo Mlungu ngakusasaka kuti umi wa mundu kuti ujasice nambo akusakolosya litala lyakuti mundu jwakutopoledwa akaŵa jwakwasika mnope.

Yobu 14:21

Ŵandu akusiŵacimbicisya ŵanace ŵa jwakuwajo, nambo jwalakwejo akusaŵa ali jwangamanyililila kane kalikose. Ŵandu ŵane pakwatendesya jemanjajo soni, ŵelewo ŵangayiwona.

Yobu 30:23

Sambano ngumanyilila kuti ŵalakwe tacinjigalila une ku cilambo ca ŵandu ŵawe, kutacijawulako jwalijose.

Masalimo 109:15

AMBUJE ayikumbucile yakulemwa yawo kwa yaka yosope; aliŵalicice ŵele ŵanduwo pa cilambo capasi.

Masalimo 6:5

Ŵandu ŵawe ngaŵa mkupakombola kwalumba ŵalakwe ku malembe; pangali jwampaka jwalumbe ŵalakwe kumalo ga ŵandu ŵawe.

Masalimo 88:13

Nambo une ngwalilila Ŵalakwe AMBUJE, kundaŵi lipopelo lyangu likusayika kwa ŵalakwe.

Jwak 1:11

Pangali jwakusakumbucila yindu yiyatendekwe kalakala, soni pangali mundu jutacikumbucila yayikutendekwa sambano jino.

Jwak 2:16

Pakuti mundu jwalunda, pamo ni jwakuloŵela jwakwe, wosopewo ŵangakumbucilidwa kwa ndaŵi jelewu naga ali awile. M'masiku gakwisago, wosopewo taciliŵalika. Mpela yakuti pakuŵa mundu jwakuloŵela ni m'momo soni mwakusawila mundu jwalunda.

Jwak 7:2

Kuli kwambone kwawula ku nyumba ja malilo kulekangana ni kwawula ku nyumba ja cindimba, pakuti ciwa cili mbesi ja ŵandu wosope, myoyo ŵandu ŵali cijumi akumbucileje yeleyi kuti ciwa cikutujembecela.

Jwak 8:10

Naweni ŵandu ŵakutenda yakusakala ali mkusicidwa m'malembe mwawo, nipo pakuwuja ku malembeko ŵandu ŵalumbaga jemanjajo ligongo lya yitendo yawo. Yeleyi soni yili yangali mate.

Jwak 9:10

Masengo galigose gimkuti mkamuleje, mgakamuleje ni macili genu gosope. Pakuti sampano timjawule ku malembe kukuli kwangali kukamula masengo, kwangali kuganisya, kwangali kumanyilila cilicose, soni kwangali lunda.

Jwak 9:4

Nambo ŵali ni umi akwete cikulupi, pakuti m'mbwa ja umi jili bola kulekangana ni lisimba lyaliwe.

Yesaya 26:14

Sambano amagongo ŵangalwe awile, ngasaŵa soni cijumi, ngasayika soni kutulagasya. Mwapele cilango nipo ajonasice, pangali jutacakumbucila soni.

Yesaya 63:16

Wawo ali Atati ŵetu nditu, atamose Abulahamu* ngakutumanyilila, atamose Isalaeli ngakutujiticisya. Nambo Wawo, AMBUJE, ali Atati ŵetu, wawo ali mkulupusyo jwetu kutandila kalakala.

Luka 20:32

Pambesi pakwe nombe najo jwamkongwe jula jwawile.

Ŵaeblania 9:27

Mundu jwalijose akwenela kuwa kampepe basi, panyuma pakwe ni kulamulidwa ni Mlungu.