Jwak 9:3 - Chiyawo Bible

³ Celeci cili cakusakala cekulungwa cacikutendekwa pacilambo capasi pano cakuti likungu limpepe likusilyagwila ŵandu wosope. Cindu cine soni cili cakuti mitima ja ŵandu jili jegumbale ni yakusakala. Mu mtima mwawo mukusagumbala ni masoka pa ndaŵi jali cijumi, nambo mbesi jakwe ja jemanjajo ni kuwa basi.

Jwak 9:3 Iomraidhean Croise

Genesesi 6:5

AMBUJE piŵayiweni kuti yitendo ya ŵandu ŵa pa cilambo capasi yili yakusakala mnope, ni kuti soni nganisyo sya mitima jawo sili syakusakala ndaŵi syosope,

Genesesi 8:21

Nipo AMBUJE piŵakupikene kununjila kwa liwungo lyambone lya mbopesijo ŵatite mu mtima mwakwe kuti, “Ngasinacilwesa soni cilambo capasi ligongo lya yitendo ya ŵandu kutandilila lelo, pakuŵa ngumanyilila kuti nganisyo sya ŵandu sili syakusakala kutandila ucanda wawo. Ngasinjonanga soni yindu yacijumi mpela mundendelemu.

Yobu 15:16

Nambi uli mundu, jwali jwakusakala soni jwa cabecabepe, akusatenda yindu yakusakala mpela akumwa mesi.

Yobu 21:26

Nambo ŵakusicila ni ŵakulaga ŵakwe, wosopewo akusawa ni kwasika m'malembe nipo yilu yawo yikusalidwa ni mbisu.

Yobu 9:22

Pangali soni cambone kwa une, ali ni ligongo lyakwe nguti, Mlungu akusiŵawulaga ŵandu ŵakusakala ni ŵambone ŵakwe.

Masalimo 51:5

Ngumanyilila kuti, napagwile mu ulemwa,* ni natemi jwakulemwa kutandilila mcitumbo ca mama ŵangu.

Masalimo 64:7

Nambo Mlungu tacaponyela jemanjajo mipamba; taciwulala mwangajembeceya.

Misyungu 14:32

Ŵandu ŵakutenda yakusakala akusiŵagwisya, nambo ŵandu ŵakutenda yambone akusacenjeledwa.

Jwak 1:17

Nalinjile kulijiganya soni kulekangana kwakwe kwa umanyilisi ni kuloŵela, lunda ni masoka. Nambo nayiweni kuti kutenda myoyo kwaliji kwamba kulisawusya.

Jwak 12:7

Yilu yetu tiyiciwujila kwitaka mpela kuyatyocele, nipo msimu tiwuciwujila kwa Mlungu juŵawupelece kwa uweji.

Jwak 2:14

Ŵandu ŵalunda akusajenda acilolaga kusogolo, nambo ŵakuloŵela akusajenda mwangalimanyilila.” Nambo namanyilile kuti cindu cacimtendekwele mundu jwalundajo, cicoco ticicimtendekwela soni mundu jwakuloŵelajo.

Jwak 7:2

Kuli kwambone kwawula ku nyumba ja malilo kulekangana ni kwawula ku nyumba ja cindimba, pakuti ciwa cili mbesi ja ŵandu wosope, myoyo ŵandu ŵali cijumi akumbucileje yeleyi kuti ciwa cikutujembecela.

Jwak 7:25

Myoyo naŵisilepo mtima wangu kuti manyilile, wungunye ni kusosasosa lunda ni muyikusaŵela yindu. Nasacile soni kuti mbikanicisye kusakala kwakwe kwa kuloŵela, kuloŵela kwakwe kwa masoka.

Jwak 8:11

Ŵakulamula naga akucelewasya cilango ca ŵandu ŵa magambo, ŵandu ŵane akusalimba mtima ni kusakaga kutenda yakusakala nombe nawo.

Jwak 9:11

Nayiweni soni kuti pa cilambo capasi pano kuti ŵakusawutuka mnope pa mpikisano wakuwutuka ŵangakangala kupunda pa mpikisanowo soni ŵakulimba mitima ŵangakangala kupunda pa ngondo. Ŵandu ŵakusakola yakulya ngaŵa ŵalunda, ni ŵakusasicila, soni afundi ŵangakwesyedwa ma ukumu ga pa masengo. Wosope ŵenewo upile ukusagamba kwagwila mu ndaŵi jakwe.

Jwak 9:2

Yosope yayikusiyawonecela ŵandu ŵagoloka ni ŵangagoloka, ŵambone ni ŵakusakala ŵakwe, ŵakusamala ya dini ni ŵangasamala ya dini, jwakusapeleka mbopesi ni jwangapeleka mbopesi. Mundu jwambone akusalandana ni jwakusakala. Jwakusalumbila akusalandana ni jwakusajogopa kulumbila.*

Jwak 9:4

Nambo ŵali ni umi akwete cikulupi, pakuti m'mbwa ja umi jili bola kulekangana ni lisimba lyaliwe.

Yelemiya 16:12

Nambo soni jemanja mlemwisye mnope kwapunda acinangolo ŵenu. Jwalijose jwa jemanja akukuya yakusakala ni mtima wakwe wakanika, m'malo mwakumbikanila une.

Yelemiya 17:10

Une AMBUJE ngusawungunya nganisyo sya mundu ni kuwupima mtimawo. Ngusinamtendela mundu jwalijose mwakulingana ni ndamo syakwe nambo soni mwakwenela ni masengo gakwe.”

Yelemiya 17:9

“Mtima wa mundu uli cindu cakunyenga mnope kupunda yindu yosope; kusakala kwakwe kuli kwangapikana mtela kula. Ana ŵani ŵampaka apakombole kuwupikanicisya?

Luka 15:17

Piŵamanyilile kuti atesile yindu yangalumbana jwalakwejo jwatite kuti, ‘Ŵamasengo ŵa baba ŵangu akwete yakulya yejinji, nambo une akuno nguwa ni sala.

Luka 6:11

Nambo Aciŵalimu ni Afalisi ŵala ŵatumbile mnope, mwakuti ŵatandite kupangana yitajile najo Yesu.

Masengo 12:23

Papopo lilayika lya Ambuje, lyamputile Helodi ni ŵagwile pasi ligongo nganapeleka ulemu kwa Mlungu. Mbisu syamlile nipo ŵawile.

Masengo 26:11

Nalagasyaga kaŵilikaŵili m'nyumba syakupopelela ni kulinga kwakanganicisya kuti amnyosye Yesujo. Natendelaga ukali wakogoya, mwakuti nasawusyaga atamose ku misinda ja yilambo ya cilendo.

Masengo 26:24

Paulo piŵaliji mkulicenjela, Fesito* ŵamkalipile acitiji, “Paulo, ana mtandite masoka! Kulijiganya kwenu kukumtendekasya masoka.”

Tito 3:3

Pajatu uwe kala twaliji ŵakuloŵela, ŵangapikanila, ŵasokonecele, acikapolo ku yilakolako yakusakala ni yakusangalasya ya mitundu mitundu. Masiku gosope tuŵeleje tuli mkutenda yakusakala, wiwu, kuŵenjedwa ni ŵandu ni kuŵengana jwine ni mjakwe.

2 Petulo 2:16

Nambo bulu jwamjamwice jwalakwejo ligongo lyakutenda yindu yangalumbana. Jwaŵecete mpela mundu, ni kulekasya yakuloŵela ya jwakulocesyajo.