Jwak 9:2 - Chiyawo Bible

² Yosope yayikusiyawonecela ŵandu ŵagoloka ni ŵangagoloka, ŵambone ni ŵakusakala ŵakwe, ŵakusamala ya dini ni ŵangasamala ya dini, jwakusapeleka mbopesi ni jwangapeleka mbopesi. Mundu jwambone akusalandana ni jwakusakala. Jwakusalumbila akusalandana ni jwakusajogopa kulumbila.*

Jwak 9:2 Iomraidhean Croise

Genesesi 24:3

Ngusaka kuti mlumbile mu lina lya AMBUJE, Mlungu jwa cilambo ca kwinani ni cilambo capasi, kuti ngasimumjigalila jwamkongwe mwanace jwanguju jwakuti alombele, kutyocela mwa ŵanace ŵacakongwe ŵa ku Kenani ŵangutama nawo akunoŵa,

Yobu 9:22

Pangali soni cambone kwa une, ali ni ligongo lyakwe nguti, Mlungu akusiŵawulaga ŵandu ŵakusakala ni ŵambone ŵakwe.

Masalimo 73:3

Pakuŵa naliji mkutenda wiwu ni ŵandu ŵakulikwesya, panaweni ŵandu ŵangalumbana acisicilaga.

Jwak 2:26

Mlungu akusapeleka lunda, umanyilisi ni lukondwa kwa mundu jwakusamsangalasya jwalakwejo. Nambo kwa mundu jwa ulemwa, Mlungu akusampa masengo ga kusonganya ni kusunga kuti yapatileyo yipelecedwe kwa mundu jwakumsangalasya Mlungu. Yeleyi soni yili yangali mate, nambo soni kuti uyipikanicisye kuli kwamba kulisawusya.

Jwak 3:19

Yindu yayikusatendekwa kwa ŵandu iyoyo soni yikusatendekwa kwa yinyama. Mundu akusaŵaga mucikusaŵela cinyama, soni yosopeyi yikusapumula mpweya umpepe, nipo pangali cakupunda cijakwe. Yosopeyi yili yangali mate.

Jwak 6:6

atamose kuti ŵatemi cijumi yaka yejinji ngayiwona yambone. Wosopewo akusajawula ku malo gampepe.

Jwak 7:18

Kuli kwambone kuti mkuye litala limpepe, nambo soni mkasimleka kwenda litala linelyo. Naga mkumjogopa Mlungu timcipindula ni matala gaŵili gosopego.

Jwak 7:2

Kuli kwambone kwawula ku nyumba ja malilo kulekangana ni kwawula ku nyumba ja cindimba, pakuti ciwa cili mbesi ja ŵandu wosope, myoyo ŵandu ŵali cijumi akumbucileje yeleyi kuti ciwa cikutujembecela.

Jwak 9:11

Nayiweni soni kuti pa cilambo capasi pano kuti ŵakusawutuka mnope pa mpikisano wakuwutuka ŵangakangala kupunda pa mpikisanowo soni ŵakulimba mitima ŵangakangala kupunda pa ngondo. Ŵandu ŵakusakola yakulya ngaŵa ŵalunda, ni ŵakusasicila, soni afundi ŵangakwesyedwa ma ukumu ga pa masengo. Wosope ŵenewo upile ukusagamba kwagwila mu ndaŵi jakwe.

Jwak 9:3

Celeci cili cakusakala cekulungwa cacikutendekwa pacilambo capasi pano cakuti likungu limpepe likusilyagwila ŵandu wosope. Cindu cine soni cili cakuti mitima ja ŵandu jili jegumbale ni yakusakala. Mu mtima mwawo mukusagumbala ni masoka pa ndaŵi jali cijumi, nambo mbesi jakwe ja jemanjajo ni kuwa basi.

Yelemiya 43:6

Ŵanduwo ŵaliji aŵa: acalume, acakongwe ni ŵanace, kupwatikapo ŵanace ŵa acakongwe ŵa mwenye, nambo soni ŵandu wosope ŵele Nebusaladani mlongola jwa ngondo uŵalesile kwa Gedaliya mwanace jwa Ahikamu, cisukulu ca Shafani. Ŵamjigele soni jwakulocesya* Yelemiya ni Baluki mwanace jwa Neliya.

Mala 3:15

Nambo uwe tukuganisya kuti ŵandu ŵakulikwesya ni ŵali ŵakusangalala. Ŵandu ŵakutenda yakusakala ni yindu yangajenela cenene, nambo akusakulinga kuwusimana mtima kwa Mlungu pakutenda yindu yakusakala, atamose amtande Mlungu akusakulupuka nditu.’ ”

Mala 3:18

Pelepo timcilekanganya pasikati pa ŵandu ŵakulungama ni ŵangalumbana, pasikati pa ŵandu ŵakutumicila Mlungu ni ŵangamtumicila.”

Mala 3:5

AMBUJE Ŵamaciligosope akuŵeceta kuti, “Tinjimyicila pakuŵandika kuti tinamjimbe magambo. Myoyo tinjiŵeceta maloŵe gakusisyana ni ŵakutenda ya matipwi, ŵandu ŵacikululu, ŵakupeleka umboni wa unami, ŵakwajiŵila malipilo ŵamasengo ŵawo, ŵakwasawusya acakongwe ni ŵanace ŵamasije, ni ŵakwatendela acalendo yindu yangalumbana nipo soni ŵele ŵangamjogopa Une.

1 Sam 14:26

Yitela yosope yagumbele ni uci uwagwilaga pasi, nambo pangali mundu jumo juŵalile ligongo ŵajogopaga malweso ga Saulo.