Jwak 9:10 - Chiyawo Bible

¹⁰ Masengo galigose gimkuti mkamuleje, mgakamuleje ni macili genu gosope. Pakuti sampano timjawule ku malembe kukuli kwangali kukamula masengo, kwangali kuganisya, kwangali kumanyilila cilicose, soni kwangali lunda.

Jwak 9:10 Iomraidhean Croise

Genesesi 37:35

Ŵanace ŵakwe wosope ŵacalume ni ŵacakongwe ŵayice kuti amtondoye, nambo Yakobo ŵakanile, ŵatite, “Timbe ndili mkulilila mwanangu mpaka mutinjiwila une.” Myoyo jwalakwe ŵapitilisye kumlilila Yosefe mwanagwawo.

1 Mbi 22:19

Sambano mwatumicile AMBUJE Mlungu jwenu ni mtima wenu wosope ni umi wenu wosope. Mtandeje kutaŵa Nyumba ja AMBUJE, kuti mŵicemo Libokosi lya Cilanga ca AMBUJE ni yida yesope yakusosekwa kukamulisya masengo pakwalambila AMBUJE.”

1 Mbi 28:20

Daudi ŵamsalile soni Solomoni kuti, “Mŵe ŵamacili nipo myitende yeleyi mwakulimba mtima. Mkajogopa soni mkajasa mtima, pakuŵa AMBUJE Mlungu jwangu ngasaleka kumsamalila m'mwejo, nambo taciŵa ni m'mwejo pa masengo gosope ga Nyumba ja AMBUJEJI.

Nehemiya 2:12

najimwice pakati cilo ni najigele ŵandu ŵane pakuti nganinamsalila jwalijose yiŵasakaga Mlungu kuti nawutendele msinda wa Yelusalemu. Paliji pangali bulu jwine akaŵe junakwesile une pejo.

Nehemiya 4:2

Ŵaŵecete pameso pa acalongo acimjakwe ni pameso pa likuga lya asilikali ŵa ngondo ŵa ku Samaliya ni kwawusya kuti, “Ana Ayuda ŵangali mateŵa akutenda cici? Ana asimicisye m'mitima mwawo kuti akusaka kutaŵa soni msindawu? Ana jemanjaji akuganisya kuti tataŵe soni lipupa ni kupeleka mbopesi pa lisiku limpepe? Ana maganga gitataŵilego talokotanyeje geŵawuce ni motoga?”

Nehemiya 4:6

Myoyo twamasile kutaŵa lipupa lyosope mpaka hafu ja msingu wakwe ligongo lyakuti ŵandu ŵakamwile masengogo mwakulipeleka.

Yobu 10:21

mkaninjawule kumalo kwangakukumanyilila, cilambo ca ŵandu ŵawe, ku cili cipi cakogoya,

Yobu 10:22

ku cilambo ca cipi ni njojo, kulikusasanduka lilanguka kuŵa cipi.

Yobu 21:13

Acinangolo ŵangalumbanawo akusatama ali mkukondwa pa masiku gosope ga umi wawo, naga ali awile, akusasicidwa m'malembe mwa mtendele.

Masalimo 6:5

Ŵandu ŵawe ngaŵa mkupakombola kwalumba ŵalakwe ku malembe; pangali jwampaka jwalumbe ŵalakwe kumalo ga ŵandu ŵawe.

Misyungu 3:28

Mkasimumsalila mjenu kuti, “Pepani, mkawuje soni malaŵi tinjimpa” nambo kutendaga pa jele ndaŵijo ni mli mkwete yindu yakuti nikumkamucisya nayo mjenujo.

Jwak 11:3

Liwunde lya ula likusayicisya ula, nipo citela cikusagonela kwele kucigwilile.

Jwak 11:6

Mpandeje mbeju syenu kundaŵi, nipo mkamuleje masengo mpaka ligulo. Pakutipo ngamkumanyilila kuti timcipata cici, ana mbeju aji kapena ajo? Mwine soni mbeju siŵilisyo komboleka kutenda cenene.

Yesaya 38:10

Naganisyaga kuti tinjawuleje ku cilambo ca ŵawe ndili ciŵela mcanda jwamnono, nipo kuti tinjitama kukoko umi wangu wosope.

Yelemiya 29:13

Timcisosasosa, nipo timcisimana pa ligongo lyakuti timciŵa mli mkusosasosa une ni mtima wenu wosope.

Numeli 13:30

Nambo Kalebu ŵatondweye ŵandu ŵiŵadandawulaga mwakusisyana ni Mose, ni ŵatite kuti, “Kwende tukatande sambano jino nipo tukacijigale cilamboco, tuli ŵakulimba mnope mwakuti tutukacisumule cenenepe.”

Matayo 20:7

Jemanjajo ŵajanjile kuti, ‘Ligongo pangali jwatulembile masengo.’ Jwalakwe jula ŵasalile kuti, ‘Cambone, jemanja soni mjawule mkakamule masengo ku mgunda wangu wa mpeleya.’

Matayo 6:33

M'malo mwa yeleyi mtande kusosasosa yindu yayili yakusosekwa mnope mu Ucimwene wa Mlungu,* ni tacimpa yine yosope yimkulajila.

Yohana 4:34

Yesu ŵasalile kuti, “Yakulya yangu ni kupikanila yakusosa ŵele ŵiŵandumile une ni kumalisya kutenda masengo giŵambele.

Yohana 9:4

Pikuli ciŵela musi myiyi, tukwenela kupitilisya kutenda masengo ga jwele juŵandumile une, pakuŵapo cilo cikwisa ni pangali jutacipakombola kutenda masengo galigose.

Ŵaloma 12:11

Mkamule masengo mwakulimbika, mkatenda ulesi. Mwatumicile Ambuje ni mtima wakulipeleka.

1 Akoli 15:10

Nambo kupitila mu umbone mtima wa Mlungu, une ndili mpela mumbelele muno. Umbone mtima wa jwalakwejo ngaŵaga kuti waliji wangali mate, pakuti ngamwile masengo kwapunda ŵandumetume ŵane wosope. Nambo ngaŵagatu une ni unagakamwile masengogo, nambo macili ga Mlungu giŵambele mwa umbone wakwe mtima.

1 Akoli 16:10

Naga akwika Timoteo kumangwenuko, mlolecesye kuti pakasimanikwa kandu kalikose pasikati penu kakumjogoya jwalakwejo, pakuti jwalakwejo akukamula masengo ga Ambuje mpela gingutenda une.

1 Akoli 9:24

Ana jemanja ngamkumanyilila kuti pa mpikisano wakuwutuka wosope akusawutuka, nambo jumpepe ni jwakusapocela mbote? Myoyo mwutuce kuti mkapocele nawo mbotejo.

1 Akoli 9:26

Ali ni ligongo lyakwe ngusawutuka mpela mundu jwakumanyilila cakulinga cakwe. Ali ni ligongo lyakwe ndili mpela mundu jwakusatenda mpikisano wakumenyana jwakusaputa mwangakulusya.

Ŵaefeso 5:16

Mkamulisye cenene masengo ndaŵi jenu jimkwete, ligongo masiku agano gali gakusakala.

Ŵakolosai 3:23

Cilicose cele cicimtendeje, mcitendeje ni mtima wosope, mpela kuti mkwatendela Ambuje, ngaŵa ŵandu iyayi.

1 Sam 10:7

Myoyo pitimyiwone yimanyisyo yeleyi, mtende cilicose citamlongole Mlungu kuti mcitende.