Jwak 8:8 - Chiyawo Bible

⁸ Mundu jwangali macili gakulamulila mpweya wa umi, myoyo soni jwalakwejo jwangali macili gakulamulila lyuŵa lya kuwa kwakwe. Ngondo jangatilika, myoyo ŵandu ŵakusatenda yakusakala ngasakulupuka.

Jwak 8:8 Iomraidhean Croise

2 Sam 14:14

Naga mesi gajasice gangakokoleka soni, tukumanyilila kuti wosopewe tukwenela kuwa nditu. Nambo Mlungu ngakusasaka kuti umi wa mundu kuti ujasice nambo akusakolosya litala lyakuti mundu jwakutopoledwa akaŵa jwakwasika mnope.

2 Ayi 7:15

Ŵandu ŵala ŵajesile mpaka ŵajile kwika ku Lusulo lwa Yolodani. Ŵaliji mkuyisimana mwitala mosope yakuwala yili mbwe, ni katundu juŵapitaga mcijasa asilikali ŵa ku Siliya piŵaliji mkutila. Nipo ŵanduwo ŵawujile kwa mwenye ni ŵamsalile yosope yiŵayiweni.

Yobu 14:5

Masiku ga mundu gakutama pa cilambo capasi pano gali gapanandi, soni ciŵalanjilo ca miesi jakwe jakutama pa cilambo capasi ŵalakwe akujimanyilila.

Yobu 34:14

Mlungu akasumule umi wakwe uŵatupele uwe,

Masalimo 89:48

Ana ŵani ŵitacitama ni umi ŵangaciwona ciwa? Ŵani ŵa mpaka awukulupusye umi wawo ku macili ga mwilembe?

Masalimo 9:17

Ŵangalumbana tacijinjila kumalo ga ŵawe, ni wosope ŵakumkana Mlungu.

Misyungu 12:3

Mundu ngasatamilicika cenene pakutenda yakusakala, nambo yilimbilimbi ya ŵandu ŵakulungama ngasicitenganyika kose.

Misyungu 14:32

Ŵandu ŵakutenda yakusakala akusiŵagwisya, nambo ŵandu ŵakutenda yambone akusacenjeledwa.

Jwak 3:21

Ana mundu mpaka asimicisye uli kuti msimu wa mundu ukusajawula kwinani nipo msimu wa cinyama ukusajawula pasi mwitaka?

Jwak 8:13

Nambo ŵa ulemwa* yindu ngasiyajendela cenene, pakuti umi wawo tiwuciŵa wangatamilisya mpela ciwilili, pakutipo ali ŵangampikanila Mlungu.”

Jwak 9:12

Mundu jwangamanyilila ndaŵi jitiyimtendecele yindu yine yakwe. Mpela musikusatanjilila somba mu likoka, soni mpela muyikusatanjilila yijuni mu lwawu, ŵandu soni ali yalumo, akusatenda mpela kutanjila mu lwawu pa ndaŵi ja yakusakala, pilyagwilile likungu mwakusisimucisya.

Yesaya 28:15

Jemanja mkusimŵeceta kuti, “Uwe twatesile cilanga* ni ciwa, nipo malembe gangatujogoya. Pacikwisa conasiko ngasiciyika kose pa uwe. Jemanja mkusimkulupilila mabosa kuŵa pakutilila, nipo mkusimŵeceta ya unami kuti mkulupuce.”

Yesaya 28:18

Cilanga cimwatesile ni ciwa ticicimala, kwakuti malembe tigacitanda kumjogoya. Pakwisa conasiko ticicimpunda.

Yesaya 47:10

“Mwalikulupililaga jika mu ulemwa* wenu, mwaliji mkuganisya kuti pangali ŵakumlola. Kukalamuka ni lunda lwenu lwamsokonesye, nipo mu mtima mwenu mwaganisyaga kuti, ‘Une ndili Mlungu pangali soni ŵane mpela une.’

1 Akoli 15:43

Pandaŵi jiticisicidwe mwilembe cikusaŵa cakunyosyeka soni cangali macili, nambo pitacicijimusya kutyocela ku ŵawe ticiciŵa cilu cakusalala nambo soni cakulimbangana.

2 Akoli 13:4

Jwaliji jwakulepetala ndaŵi jiŵamkomelaga pa msalaba, nambope sambano ali cijumi mwamacili ga Mlungu. Uwe soni tuli ŵakulepetala mwa jwalakwe, nambo tuciŵa ni umi pampepe najo ni macili ga Mlungu, pakamula masengo getu pasikati penu.

Ŵaeblania 9:27

Mundu jwalijose akwenela kuwa kampepe basi, panyuma pakwe ni kulamulidwa ni Mlungu.