Jwak 8:7 - Chiyawo Bible

⁷ Pangali mundu jwakusamanyilila yitiyitendekwe, soni pangali mundu jwa mpaka atusalile mutiyiciŵela.

Jwak 8:7 Iomraidhean Croise

Esitele 5:12

Hamani ŵapitilisye soni kuŵeceta kuti, “Atamose Esitele ŵamkwawo mwenye nganakunda kuti mundu jwalijose alongane ni mwenye ku cindimba ciŵalinganyisye Esitelewo, nambo unepe basi. Ŵelewo ambilasile soni une pamo ni mwenye ku cindimba cine.

Misyungu 24:22

Pakuti AMBUJE nambo soni mwenye tacagwicisya jemanjajo yisawusyo mwangajembecela. Soni, ana nduni jwakumanyilila kogoya kwa conasiko campaka cagwisye ŵaŵiliŵa?

Misyungu 27:1

Mkapocela ya malaŵi, pakuŵa ngamkuyimanyilila yitiyicitendekwa pa lyele lisikulyo.

Misyungu 29:1

Mundu jwakumusya mtima wakwe ŵandu ŵajinji ali amjamwice, tacijonasika mwacisisimucila, ngasapola soni.

Jwak 10:14

Jwakuloŵela akusagamba kuculuya maloŵe, ana ŵani ŵitacimanyilila yitiyicitendekwa msogolo pitaciwapo?

Jwak 3:22

Myoyo nayiweni kuti pangali cindu cambone cakupunda kuti mundu asangalalileje masengo gakwe, pakuti cakwe cisyesyene ni celeci. Ana ŵani mpaka apakombole kumanyilila yitiyicimtendekwela pitaciwa?

Jwak 6:12

Ana mundu mpaka amanyilile uli yindu yakumnonyelesya mundu kwa ndaŵi ja panandi pali cijumi jwalakwejo? Ana mundu mpaka amanyilile uli yitiyicitendekwa pa cilambo capasi cino jwalakwejo pitaciwa?

Jwak 7:14

Naga yindu yikumjendela cenene, msangalaleje, nambo naga yikwika yisawusyo mgambeje kumbucila kuti, Mlungu akusatumisya lukondwa ni yisawusyo; kuti mkamanyilila yiticitendekwa msogolo.

Jwak 9:1

Yosope yimbeceteyi nayiganisisye kala mu mtima mwangu, nipo nayiweni kuti ŵandu wosope ŵalunda ni ŵagoloka wosopewo ali myala mwa Mlungu pamo ni yitendo yawo yakwe. Nambo pangali mundu jwakusamanyilila ya msogolo mwakwe atamose yiŵe yacinonyelo kapena ya uŵengani.

Jwak 9:12

Mundu jwangamanyilila ndaŵi jitiyimtendecele yindu yine yakwe. Mpela musikusatanjilila somba mu likoka, soni mpela muyikusatanjilila yijuni mu lwawu, ŵandu soni ali yalumo, akusatenda mpela kutanjila mu lwawu pa ndaŵi ja yakusakala, pilyagwilile likungu mwakusisimucisya.

Matayo 24:44

Myoyo soni jemanja mŵeje ŵa cile ndaŵi syosope, ligongo Mwanace jwa Mundu taciyika pa ndaŵi jingamkwembeceya jemanja kuti tayice.

Matayo 24:50

Sambano mbujegwe jwamasengo jula taciyika mwacisisimucisya, pa lisiku lyele jwalakwe ngakumanyilila.