Jwak 8:4 - Chiyawo Bible

⁴ Maloŵe ga mwenye gali gakupunda, soni pangali jwa mpaka awusye yakutenda mwenye.

Jwak 8:4 Iomraidhean Croise

2 Sam 24:4

Nambo maloŵe ga mwenye gapikanice kupunda maloŵe ga Yowabu ni acakulungwa ŵa ngondo ŵala. Myoyo Yowabu ni acakulungwa ŵa ngondowo ŵatyosile ulendo wakukwaŵalanga Aisalaeli.

1 Ayi 1:30

mpela munatendele cilanga kwenumwe pakulumbila mu lina lya AMBUJE, Mlungu jwa Aisalaeli, kuti mwanagwenu Solomoni ni jutacijinjila ucimwene m'malo mwa une, nguwilisya soni gele maloŵego lelo jino.”

1 Ayi 2:25

Myoyo Mwenye Solomoni ŵamlamwile Benaya mwanace jwa Yehoyada kuti akamwulaje Adoniya, nipo Adoniya ŵawile.

1 Ayi 2:46

Papopo Mwenye Solomoni ŵamlamwile Benaya kuti amwulaje Shimeyi. Nipo Benaya ŵamkopwesye kusa Shimeyi ni ŵamwuleje. Sambano Mwenye Solomoni ŵakwete macili gakulamulila cilambo cosope, pangali jwine jwakumjogopa.

Esala 6:13

Kaneko bwanamkubwa Tatenayi jwa mbali ja kungapilo lyuŵa kwa Lusulo lwa Yufuleti, Setali Bosenayi, ni acimjawo ŵagakuyisye malamusigo mwakusamalila mpela muŵalamulile Mwenye Daliyasi.

Yobu 9:12

Naga Mlungu akusumula cindu, pangali jwa mpaka amlekasye jwalakwejo. Pangali soni jwa mpaka amwusye Mlungu kuti, “Ana akutenda cici?”

Ekisodo 1:18

Myoyo Mwenye jwa ku Iguputo jula, ŵaŵilasile acakongwe ŵakuŵelesya ŵala, ni ŵawusisye kuti, “Ligongo cici mkwaleka ŵanace ŵacalume ŵangawulaga?”

Misyungu 19:12

Kutumbila kwa mwenye kuli mpela kutwamula kwa lisimba, nambo kusalala mtima kwawo kuli mpela mangame pa manyasi.

Misyungu 20:2

Kutumbila kwa mwenye kuli mpela kutwamula kwa lisimba, mundu jwakusakutanda melepe kutumbilako, akusajasa umi wakwe.

Misyungu 30:31

Tambala jwakwenda mwamacili, cinyacinya, ni tonde, soni mwenye jwakwenda mtima uli m'malo pasikati ja ŵandu ŵakwe.

Daniele 3:15

Naga mli cile kuti pitimpikane kulila kwa lipenga, yitolilo, micekece ni kwimba kwa mtundu wine uliwose, timligwisye camakuku, nipo timumlambile mlungu junamjimice, cambone. Nambo naga ngakumlambila, cimponyedwe mu ng'aso jamoto. Nipo pangali mlungu jwine jwalijose jwampaka amkulupusye myala mwangu.”

Daniele 4:35

Ŵandu wosope ŵa pacilambo capasi nganaŵa kandu kose pameso pakwe. Pangali atamose jumo jwampaka ŵalekasye kutenda yakuyisosa, kapena kwawusya yele yakutenda.

Ŵaloma 9:20

Nambo m'mwe ana mkuganisya kuti mli ŵani kuti msisyaneje ni Mlungu? Ana ciŵiga mpaka cipakombole kumwusya jwacigumbile kuti, “Ana ligongo cici mungumbile mwamti myiyi?”