Jwak 8:3 - Chiyawo Bible

³ Yindu naga ngayikumsangalasya mwenye, mtyoce mwacitema pameso pakwe, pakuti akusatenda cilicose citicimsangalasye.

Jwak 8:3 Iomraidhean Croise

Genesesi 47:9

Yakobo ŵajanjile kuti, “Yaka ya umi wangu wakwendajenda yikwanile 130. Yaka yeleyi yili yamnono soni ya yisawusyo yejinji, yangalandana kose ni yaka ya acinangolo ŵangu, pa ndaŵijawo josope piŵaliji ni umi.”

Misyungu 14:29

Mundu jwangapya mtima mwacitema, akusapikanicisya yindu mnope, nambo mundu jwakwanguya kupya mtima akusalosya usilu wakwe wosope.

Misyungu 24:21

Mwanangu, mwajogopeje AMBUJE nambo soni mwenye, mkasimkamulana nawo ŵandu ŵakusaka kwajimucila.

Misyungu 30:31

Tambala jwakwenda mwamacili, cinyacinya, ni tonde, soni mwenye jwakwenda mtima uli m'malo pasikati ja ŵandu ŵakwe.

Jwak 10:4

Naga jwakumlamulila akumtumbilisya m'mwejo, mkaleka masengo genu, pakuti kuwusimana mtima kukusakolosya atamose yakulemweceka yekulungwa.

Yesaya 48:4

Namanyilile kuti ngasimkomboleka, lukosi lwenu luli mpela ayiloni soni wusyo jenu jili mpela bulonsi.

Daniele 4:35

Ŵandu wosope ŵa pacilambo capasi nganaŵa kandu kose pameso pakwe. Pangali atamose jumo jwampaka ŵalekasye kutenda yakuyisosa, kapena kwawusya yele yakutenda.

Daniele 5:19

Ligongo lya macili giŵapelego, ŵandu ŵa mitundu josope, yilambo yosope ni yiŵeceto yakulekanganalekangana, ŵatetemelaga pameso pawo ni kutenda woga. Naga asacile kumwulaga mundu, ŵamwulagaga nditu; ali asacile kumleka, ŵamlekaga. Naga ali asacile kumkwesya mundu, ŵamkwesyaga; ali asacile kumtulusya mundu, ŵamtulusyaga nditu.