Jwak 8:16 - Chiyawo Bible

¹⁶ Nalinjililaga kuti manyilile lunda ni masengo gosope gagakutendekwa pacilambo capasi pano, ngagona cilo ni musi.

Jwak 8:16 Iomraidhean Croise

Genesesi 31:40

Masiku gamajinji naliji mkulaga ni citukuta ndaŵi ja musi, cilo naliji mkulaga soni ni kusisima. Une nganinalupataga lugono.

Masalimo 127:2

Mkulisawusya kulaŵa kundaŵindaŵipe ni kugona mwakucelewa, kamula masengo mwakulajila kuti mpate yakulya, pakuŵa AMBUJE akwapa ŵakunonyelwa ŵakwe yikwasoŵa, jemanjajo ali mlugono.

Jwak 1:13

Mu mtima mwangu nasacile kupikanicisya mnope yosope yene yayikusatendekwa pa cilambo capasi pano. Aga ni masengo gakusawusya giŵatupele Mlungu kuti tutendeje.

Jwak 1:14

Nayiweni yindu yosope yayikutendekwa pa cilambo capasi pano, nipo ngumsalila kuti yosope yili yangali mate, soni kuyisosa yeleyo kuli mpela kwamba kulisawusya.

Jwak 1:17

Nalinjile kulijiganya soni kulekangana kwakwe kwa umanyilisi ni kuloŵela, lunda ni masoka. Nambo nayiweni kuti kutenda myoyo kwaliji kwamba kulisawusya.

Jwak 2:23

Pa masiku gakwe gosope gakusaŵaga ga yipwetesi soni gakudandawulisya. Atamose cilo mtima wa mundujo ŵangapumula ligongo lya masengo. Yeleyi soni yili yangali mate.

Jwak 4:8

Jwapali mundu juŵaliji jikape, nganakola mwanace kapena mlongo mjakwe, nambo jwalakweju jwapitilisye kukamula masengo gakwe nipo nganajikutila ni yipanje yiŵakwete. Myoyo nganaliwusya kuti, “Ana masengo gosope gingukamulaga ni kulikanya kusangalala namsyene ngwakamulila ŵani?” Yeleyitu yili yangali mate soni yili yakutesya canasa.

Jwak 5:12

Jwamasengo akusagona lugono lwambone atamose kuti alye panandi kapena kwejinji. Nambo ŵakusicila ŵangagona lugono ligongo lya yipanje.

Jwak 7:25

Myoyo naŵisilepo mtima wangu kuti manyilile, wungunye ni kusosasosa lunda ni muyikusaŵela yindu. Nasacile soni kuti mbikanicisye kusakala kwakwe kwa kuloŵela, kuloŵela kwakwe kwa masoka.

Jwak 8:7

Pangali mundu jwakusamanyilila yitiyitendekwe, soni pangali mundu jwa mpaka atusalile mutiyiciŵela.

Jwak 8:9

Nayiweni yosope yeneyi pa ndaŵi jinaganisyaga mu mtima mwangu yindu yosope yayikutendekwa pacilambo capasi pano. Pana ŵandu ŵakusiŵalamulilaga acimjawo mwa ngalwe.