Jwak 8:12 - Chiyawo Bible

¹² Atamose kuti mundu jwakulemwa akusatenda yindu yakusakala yejinji, jwalakwejo akusatama ni umi kwa ndaŵi jelewu. Nambo ngumanyilila kuti, “Naga mkumpikanila Mlungu yindu tiyicimjendela cenene.

Jwak 8:12 Iomraidhean Croise

1 Ayi 21:25

Paliji pangali mundu jwine juŵalipelece mnope kutenda yindu yakusakala, ni kumlemwecesya AMBUJE mpela Ahabu, juŵanyenjece ni Yesebele ŵamkwakwe.

1 Mbi 16:30

Mtetemele pameso pawo, jemanja ŵandu wosope ŵa cilambo capasi. Cilambo capasi citemi nji, nipo ngasicitenganyika.

Yobu 35:15

Mlungu jwangapeleka cilango mu lutumbilo lwakwe, soni akusatenda mpela jwalakwejo jwangasamala mnope, yitendo yakusakala ya ŵandu.

Masalimo 112:1

Mwalumbe AMBUJE!* Jwana upile mundu jwakwajogopa AMBUJE. Jwakunonyela kusunga malamusi gakwe.

Masalimo 115:13

Tacapa upile ŵele ŵakumcimbicisya, ŵakumanyika ni ŵangamanyika ŵakwe.

Masalimo 128:2

Timcilya yimyimtendele masengo ni makono genu; timcisangalala, soni yindu tiyicimjendela cenene.

Masalimo 37:11

Nambo ŵakulitulusya tacipocela cilambo kuti ciŵe cawo, ni taciŵa pa mtendele ŵakupundanganya.

Masalimo 96:9

Mumpopele AMBUJE mciwalaga yayiswela, tetemelani pameso pakwe, jemanja ŵandu ŵa cilambo capasi cosope.

Ekisodo 1:20

Ligongo lyakuti ŵakuŵelesya ŵanace ŵala, ŵamjogwepe Mlungu, ŵatendele yambone ni ŵapele maŵasa. Aisalaeli ŵapundile kutupa, ni ŵaliji ŵandu ŵamacili mnope.

Misyungu 13:21

Yakusakala yikusiyalondalonda ŵandu ŵa ulemwa, nambo mundu jwakutenda yindu ya cilungamo akusapocela yindu yambone.

Misyungu 28:14

Jwana upile mundu jwakusaŵa jwakwajogopa AMBUJE ndaŵi josope, nambo mundu jwakujumusya mtima wakwe tacigwa mu yisawusyo.

Jwak 12:13

Basi, yosope yipikanice, cindu cine cili cakuti: Mumpikanileje Mlungu, nipo mgasunjeje malamusi gakwe, pakuti ali ni ligongo lyakwe jwalakwejo ŵatupanganyisye.

Jwak 3:14

Ngumanyilila kuti yosope yakusatenda Mlungu ngasiyimala mpaka kalakala. Pangali ya mpaka yikombolece kuyityosya kapena konjecesya pa yele yinduyo. Mlungu ŵayipanganyisye mwamti myiyi, kuti uwe twalambileje ŵalakwewo.

Jwak 5:16

Yeleyi nganiyiŵa yambone kuti mundu ajawuleje ku malembe mpela muŵayicile. Ana cakupindulisya cakwe ni cici pakuti jwalakwejo ŵakamwile masengo gamtega?

Jwak 5:7

Sagamisi naga situpile yakuŵeceta ya ŵandu nombe nayo yikusaŵa yejinji. Nambo m'mwejo mumjogopeje Mlungu.

Jwak 7:15

Pa umi wangu wangali matewu nayiweni yindu yosope. Naweni kuti ŵandu ŵambone akusawa mwacitema ligongo lyakutenda yindu yambone, nipo naweni ŵandu ŵangalumbana ali mkutama ni umi kwa ndaŵi jelewu, yakusakalayo ali mkutendape.

Jwak 7:18

Kuli kwambone kuti mkuye litala limpepe, nambo soni mkasimleka kwenda litala linelyo. Naga mkumjogopa Mlungu timcipindula ni matala gaŵili gosopego.

Yelemiya 44:10

Nganimlinondiyepe mpaka sambano, nganimtenda woga, nganimkuya malamusi gangu ginamŵicile jemanja pamo ni acinangolo ŵenu.

Matayo 25:34

Sambano jwalakwejo mpela mwenye tacasalila ŵa ku mkono wamlyo kuti, ‘Yikani akuno jemanja ŵampegwile upile ni Atati ŵangu. Jinjilani mu Ucimwene uŵamlinganyicisye cipanganyicisye cilambo capasi.

Luka 1:50

Jwalakwejo ŵatendele canasa ŵandu ŵa mipago jakulekanganalekangana ŵele ŵakusamjogopa jwalakwejo.

Ŵaloma 2:5

Nambo m'mwejo mkusajumusya mtima ni kukana kupitikucila kwa Mlungu. Myoyo mkulisalacisya mwasyene lutumbilo lwa Mlungu pa lisiku litacilosya lutumbilo lwakwe nambo soni tacilamula cilambo capasi mwakulungama.

Ŵaloma 9:22

Mlungu ŵasosaga kulosya lutumbilo lwakwe ni kugatenda macili gakwe kuti gamanyice. Nambope ŵapilile mwakuwusimana mtima pa yitendo ya ŵandu ŵele jwalakwejo ŵiŵatumbilile, ni ŵele ŵaŵajenele konanjidwa.

Detulonomo 12:25

Naga mkuja kulipikanicisya lilamusi lyeleli, AMBUJE takaŵe ŵakusengwa, nipo yindu tiyikamjendele cenene, jemanja pamo ni yisukulu yenu.

Detulonomo 12:28

Myipikanile mwakulupicika yosope yene yinamlamwile, mkatende yindu yambone yakwanonyelesya AMBUJE Mlungu jwenu, kuti yindu yikamjendele cenene jemanja pamo ni yisukulu yenu.

Detulonomo 4:40

Mgapikanileje malamusi gawo gosope ginampele lelo jinoga. Naga mkutenda myoyo, yindu tiyikamjendele cenene jemanja ni yisukulu yenu. Soni timkatamilicice mcilambo citampe AMBUJE Mlungu jwenu, kuti ciŵe cenu kwa yaka yosope.”

2 Petulo 2:9

Ayi yikulosya kuti Ambuje akusamanyilila kwakulupusya ŵandu ŵangalungama kwineku ali mkwembeceya lisiku lyakuti alamulidwe.