Jwak 8:11 - Chiyawo Bible

¹¹ Ŵakulamula naga akucelewasya cilango ca ŵandu ŵa magambo, ŵandu ŵane akusalimba mtima ni kusakaga kutenda yakusakala nombe nawo.

Jwak 8:11 Iomraidhean Croise

2 Sam 11:15

Mcikalatamo ŵalembile kuti, “Uliyajo mumŵice pasogolo pasyesyene pajijogoyisye mnope ngondo, ni mumlecele jika kuti amsome ni kuwulajidwa.”

Yobu 24:23

Mlungu akusiŵacinjilicisya ŵandu ŵakusakala ni kwapa mtendele, nambo jwalakwejo akusaŵa ali mkulolecesya litala lya ŵakusakalawo.

Masalimo 10:4

Mundu jwakusakala jwangasamalila kose ya AMBUJE; ligongo lyakutwanga kwakwe. Mu mtima mwakwe akusatiji, “Kwangali Mlungu.”

Masalimo 10:6

Jwalakwe akusaganisya mu mtima mwakwe acitiji, “Une ngapagwa patinjilepela; ngisiyikomboleka kose une kuŵa m'yisawusyo.”

Masalimo 86:15

Nambo Ŵalakwe AMBUJE ŵali Mlungu ŵa canasa ni wambone mtima, ŵangatumbila citema, ŵakwete cinonyelo cangamala soni ŵakulupicika.

Ekisodo 34:6

Ŵajesile pameso pa Mose ni ŵaŵecete mwakwesya maloŵe kuti, “Une, AMBUJE, ndili Mlungu jwa canasa, ni jwambone mtima, jwangatumbila citema, ŵakugumbala ni cinonyelo cangamala, soni jwakulupicika kwa ŵandu ŵakwe.

Ekisodo 8:15

Nambo Mwenye jwa ku Iguputo piŵalolite kuti yindu yitandite kutama cenene, ŵatandite kumusya mtima wakwe, ni nginasosa soni kumpikanila Mose ni Aloni, ni kutenda yindu mpela muŵaŵecetele AMBUJE mula.

Ekisodo 8:32

Nambo pa ndaŵi soni jeleji, Mwenye jwa ku Iguputo ŵajumwile mtima, nganiŵakunda Aisalaeli kuti atyoce.

Jwak 9:3

Celeci cili cakusakala cekulungwa cacikutendekwa pacilambo capasi pano cakuti likungu limpepe likusilyagwila ŵandu wosope. Cindu cine soni cili cakuti mitima ja ŵandu jili jegumbale ni yakusakala. Mu mtima mwawo mukusagumbala ni masoka pa ndaŵi jali cijumi, nambo mbesi jakwe ja jemanjajo ni kuwa basi.

Yesaya 26:10

Atamose kuti ŵalakwe akwatendela canasa ŵandu ŵakusakala, jemanjajo ŵangalijiganya kose kutenda cilungamo. Atamose amuno mcilambo ca ŵandu ŵakulungamika akusatenda yakusakala, nipo akusalepela kulumanyilila lumbili lwa AMBUJE.

Yesaya 57:11

“Ana milungu japi jimwajiweni ni kutenda najo woga, mwakuti mwalambwisye ni kundiŵalila mwakuti ngaganisya kose ya une? Ana mlesile kunjogopa ligongo lyakuti ndemi jii kwa ndaŵi jelewu?

Yelemiya 48:11

AMBUJE atite, “Ŵandu ŵa mu msinda wa Mowabu aŵele ali pa mtendele kutyocela ndaŵi ja ucanda wawo, mpela finyo jwamlesile kuti jutamilice cenene mkanamjanganye kutyoka mu lulo lwine ni kutaga mu lulo lujakwe. Nganajigalidwa kwawula ku ukapolo. Ali ni ligongo lyakwe ndamo jakwe jili jangacenga, soni liwungo lyakwe lili lilalila.