Jwak 8:1 - Chiyawo Bible

¹ Ana ŵani ŵampaka alandane ni mundu jwalunda? Ana ŵani mpaka amanyilile kugopolela yindu? Mundu jwalunda lwakwe lukusilumpa lukondwa nipo sinya sikusatyoka pa ngope jakwe.

Jwak 8:1 Iomraidhean Croise

Genesesi 40:8

Wosopewo ŵajanjile kuti, “Uwe tusagamile sagamisi ciloci, nipo pangali mundu jwakutugopolela mate gakwe.” Yosefe ŵasalile kuti, “Mlungu jika ni jwakusapeleka lunda lwa kugopolela sagamisi. Musalile yimsagamile.”

Yobu 33:23

Nambo pakaŵe kuti pana lilayika limo mwa malayika gejinjiga, likayice kuti limkumbusye jwalakwejo ya yindu yili yakwenela kwa jwalakwejo.

Ekisodo 34:35

Ŵanduwo ŵajiwonaga ngope ja Mose kuti jaliji jakunyesimila, Mosejo ŵaliji mkuliwunicila ngope jakwe mpaka ndaŵi jine jakuti ajawule soni kuja kuŵecetana ni AMBUJE.

Misyungu 1:6

nambo soni kuti apikanicisyeje ngopolelo syakusisika sya misyungu ni maloŵe ga ŵandu ŵalunda.

Misyungu 12:8

Mundu akusamtogolelaga mwakulingana ni lunda lwakwe, nambo mundu jumkinakola mtima wagoloka akusanyosedwa.

Misyungu 17:24

Mundu jwakupikanicisya yindu cenene nganisyo syakwe akusasiŵika pa lunda basi, nambo cisilu cikusagambaga kuti meso mwalamwala pa cilambo cosope.

Misyungu 21:29

Mundu jwakusakala akusasaka kulilosya mpela jwakulimba mtima, nambo mundu jwagoloka akusaganicisya cenene yitendo yakwe.

Misyungu 24:5

Mundu jwalunda ali jwamacili, kupunda mundu jwamangolomela, mundu jwamlijiganye akusampunda mundu jwamacili.

Daniele 2:22

Jwalakwejo akusajuwula yakusokoka ni yakusisika. Jwalakwejo akusamanyilila yayili mu cipi soni lilanguka likusaŵa ni jwalakwejo. Ngwatogolela ni kwalumba ŵalakwe Mlungu jwa acinangolo ŵangu, pakuti ŵalakwe ambele lunda ni macili. Sambano anjuwulile yele yitwaŵendile uwe soni atumanyisye yakusisika ya mwenye.

Daniele 2:47

Mwenye jwatite kuti, “Yakuwona, Mlungu jwenu ali Mlungu jwa milungu josope, soni ali AMBUJE ŵakulamulila ayimwene wosope. Jwalakwejo ali jwakusala yakusisika, pakuti m'mwejo mpakombwele kunjuwulila yakusisika yeleyi.”

Matayo 17:2

Papopo uwonece wa ngope ja Yesu wasindile, jemanjajo acilolaga. Ngope jakwe jaŵasile mpela lyuŵa, soni yakuwala yakwe yagambile kuti mbee, kuswejela.

Masengo 4:13

Ŵapanganya ŵala ŵasimonjile piŵaweni kulimba mtima kwa Petulo ni Yohane nipo soni pakumanyilila kuti ŵaliji ŵandu wamba ni ŵangalijiganya mnope. Pele ni piŵamanyilile kuti ŵaliji mkutama pamo ni Yesu.

Masengo 4:29

Ni sambano Ambuje, alole akutujogoya, atukunde uwe ŵakutumicila ŵawo kuti tuŵecete maloŵe gawo mwakulimba mtima,

Masengo 6:15

Nipo wosope ŵele ŵaliji panganyapo, ŵamlolecesye Sitefanojo ni ŵajiweni ngope ja Sitefano jili mpela ngope ja lilayika.

Ŵaloma 13:5

Ali ni ligongo lyakwe mwapikanileje ŵakulamulila, ngaŵaga ligongo lya kogopa lutumbilo lwa Mlungu, nambo ligongo lyakumanyilila kuti cili cindu cakwenela kucitenda.

Ŵaefeso 6:19

Mumbopeleleje une soni, kuti Mlungu ambe maloŵe ndaŵi jitimbeceteje, kuti namanyisye ŵandu yakusisika ya Ngani Syambone mwakulimba mtima.

Detulonomo 28:50

Ŵanduwo taciŵa ŵaukali, soni ngisamtendela canasa mundu jwalijose, atamose aŵe mwanace kapena ngalamba.

2 Timoseo 4:17

Nambo Ambuje ŵaliji pampepe ni une, ni ŵalimbisye mtima kuti lalicile maloŵe gosope ga Ngani Syambone, kuti ŵandu ŵa mitundu jine* agapikane. Myoyo nakulupwice mkamwa mwa lisimba.

2 Petulo 1:20

Nambo pandanda mpikanicisye kuti mundu pajikape ngaŵa mkomboleka gopolela maloŵe ga ŵakulocesya gakulembedwa m'Malemba.