Jwak 7:9 - Chiyawo Bible

⁹ Mkajanguyaga kutumbila, pakuti kutumbila kukusikumsigalila jwakuloŵelajo.

Jwak 7:9 Iomraidhean Croise

Genesesi 4:8

Lisiku line Kayini ŵamsalile Abele mpwakwe kuti, “Kwende tukajendejende.” Ali ayice kumalo gaŵaŵilipe, Kayini ŵamjimucile mpwakwe jula Abele ni ŵamwuleje.

2 Sam 13:22

Nambo Abisalomu nginaŵeceta kandu kalikose kambone kapena kakusakala kwa Aminoni ligongo lyakuti ŵamkanganicisye Tamala mlumbugwe kutenda najo yindu yakusakala.

2 Sam 13:28

Abisalomu ŵalamwile ŵamasengo ŵakwe kuti, “Mlolecesye kuti ndaŵi jitaŵe Aminoni ali akolelwe finyo. Naga ngumsalila kuti ‘Mumcanyande Aminoni,’ ndaŵi jijojo mumwulaje. Mkatenda woga, ngati une ni junamlamulile? Mlimbe mtima, ni mtende ya cilumelume.”

2 Sam 13:32

Nambo Yehonadabu, mwanace jwa Shimeya, mkulugwe jwa Daudi, ŵatite kuti, “Ambuje, akaganisya kuti ŵanace wosope ŵa ŵalakwe mwenye awulajidwe, Aminonipe ni ŵawulajidwe. Ayi yitendekwe myoyo pakuŵa Abisalomu ŵasimicisye mu nganisyo syakwe kutenda yeleyi, kutandila lisiku lyele Aminoni liŵamkamulile Tamala, mlumbugwe jwa Abisalomu.

2 Sam 19:43

Apo Aisalaeli ŵajanjile Ayuda ŵala kuti, “Tukwete ma upande likumi mwa mwenyeŵa, ni mwa ucimwene wa Daudi uwe tukwete ma upande gejinji kupunda ga jemanja. Nambi ligongo cici akutunyosya? Ana uwe ngaŵa ŵitwaliji ŵandanda kuŵeceta kuti mwenye ŵetu awujile soni?” Nambo ŵandu ŵa ku Yuda ŵaŵecete mwakalipa mnope kupunda ŵandu ŵa ku Aisalaeli.

Misyungu 14:17

Mundu jwakupya mtima citema akusatenda yindu mwakuloŵela, mundu jwa ndamo ja unami, ŵandu akusaŵengana najo.

Misyungu 14:29

Mundu jwangapya mtima mwacitema, akusapikanicisya yindu mnope, nambo mundu jwakwanguya kupya mtima akusalosya usilu wakwe wosope.

Misyungu 16:32

Mundu jwangatumbila citemape akusampunda mundu jwamacili mnope, mundu jwakusawusimana mtima akusapunda msilikali jwakusumula msinda.

Misyungu 25:8

Yimyiweni ni meso genu, mkasimjanguya kuja nayo ku nganya ja magambo, ligongo timcitenda uli pambesi pakwe, naga mjenu jwakwimbana najo magambojo cikole umboni wakumsisya mwakutesya soni.

Jwak 7:10

Mkawusyaga kuti, “Ana ligongo cici kalakala yindu yaliji cenene kulekangana ni masiku agano?” Celeci nganiciŵa ciwusyo ca lunda.

Yona 4:3

Myoyo ŵalakwe AMBUJE, conde, agambe kumbulaga, kuli cenene kuti ngambe kuwa kulekangana ni kuti mbe cijumi.”

Yona 4:8

Lyuŵa pilyakopwece, AMBUJE ŵajitandisye mbungo jamtukuta kuti jipuje kutyocela kungopoko lyuŵa. Lyuŵa lyamjocile Yona pa mtwe mpaka ŵalembwice. Myoyo ŵamŵendile Mlungu kuti jwalakwejo bola agambe kuwa, ŵatite kuti, “Kuli cenene bola ngambe kuwa kulekangana ni kuti mbe cijumi.”

Yona 4:9

Nambo Mlungu ŵamwusisye kuti, “Ana mtesile cenene kutumbila ligongo lya citela ca mbalikaci?” Jwalakwejo jwatite kuti, “Elo, ndesile cenene kutumbila. Kutumbila kwakwe kuli kwakuwa nako.”

Maliko 6:19

Myoyo Helodiyasi ŵaŵenganaga nawo Yohane ni ŵasakaga kumwulaga nambo ŵalepelaga,

Maliko 6:24

Mwalijo ŵakopwece kuja kukwawusya mamagwe kuti, “Ana ngaŵende cici?” Mamagwe ŵajanjile kuti, “Mkaŵende mtwe wa Yohane M'batisi.”

Yakobo 1:19

Acalongo acimjangu ŵakunonyelwa, mundu jwalijose akwenela kuŵa jwacitema kupikana, jwakokoŵa kuŵeceta, soni jwangatumbila citema,