Jwak 7:5 - Chiyawo Bible

⁵ Kuli kwambone kuti mundu apikaneje kwamuka kwa ŵandu ŵalunda, kulekangana ni kupikanila nyimbo sya ŵakuloŵela.

Jwak 7:5 Iomraidhean Croise

Masalimo 141:5

Amkunde mundu jwagoloka kumbuta kapena kunjamuka mwa mtendele, nambo ngapocela ucimbicimbi kwa ŵandu ŵangalumbana. Pakuŵa ngusapopela mwakusisyana ni yitendo yawo yangalumbana.

Masalimo 69:12

Ŵandu ŵakutama pa yipata, akungamba une, nombe nayo yidakwa yikunjimba nyimbo.

Misyungu 13:13

Mundu jwakunyosya msyungu akusalijonanga msyene pejo, nambo jwakusapikanila lilamusi akusapocela mbote.

Misyungu 13:18

Mundu jwakunyosya msyungu tacilaga, soni tacinyosyedwa, nambo mundu jwakupikanila camuko, akusacimbicisidwa.

Misyungu 17:10

Mundu jwalunda akusapikanaga kampepe, kulekangana ni cisilu camti atamose acipute camtuli ngacikusapikana.

Misyungu 25:12

Kwa mundu jwakupikanicisya cenene, kwamuka mwalunda kuli mpela mbete ja golidi, pane cakusalalicisya cine cambone mnope ca golidi.

Misyungu 27:6

Kuli kwambone kukujamuka acimjakwe ligongo lyakukunonyela atamose yikupwetece, kulekangana ni cinyengo ca m'magongo jwakwe jwakukukomasya pa ngomo.

Misyungu 6:23

Pakuti malamusi gali mpela nyali, nombe nago soni majiganyo gali mpela lilanguka; Soni camuko ca msyungu ni ndamo jisyesyene pa umi wa mundu.

Misyungu 9:8

Kasimumjamuka mundu jwakunyosya, tagambe kuŵengana namwe, nambo naga mkumjamuka mundu jwalunda, tacimnonyela.

Jwak 12:11

Maloŵe ga mundu jwalunda gali mpela yitela yesongole, yele jwakucinga yakusacinjila ngondolo kuti sijende, nipo yakuŵeceta yakwe yiŵayisongenye malo gamo yili mpela misomali jekomedwe mnope. Yakuŵeceta yeleyi yikusatyocela kwa Mlungu, mkucinga jwetu.

Jwak 7:4

Mtima wa mundu jwalunda kaŵilikaŵili ukusaganisya ya ciwa. Nambo mtima wa mundu jwakuloŵela ukusaganisya ya lukondwa.

Jwak 9:17

Maloŵe ga mundu jwalunda gakuŵecetedwa mwakuwusimana mtima gali gambone kulekangana ni maloŵe ga kugumila ga mwenye sikati ja ŵandu ŵakuloŵela.

Chunukuko 3:19

Ŵosope ŵene ŵingusinanonyela, ngusinajamuka ni kwapa cilango mwamti myiyi. Myoyo mtende citema, mpitikuce mtima.