Jwak 7:18 - Chiyawo Bible

¹⁸ Kuli kwambone kuti mkuye litala limpepe, nambo soni mkasimleka kwenda litala linelyo. Naga mkumjogopa Mlungu timcipindula ni matala gaŵili gosopego.

Jwak 7:18 Iomraidhean Croise

Misyungu 12:21

Pangali cakusakala citicimgwila mundu jwakulungama, nambo mundu jwakusakala ngayikusamtyoka yakusawusya.

Misyungu 8:20

Ngusatenda yindu ya cilungamo, ngangusatyoka pane kuleka kwenda m'matala gagoloka.

Jwak 11:6

Mpandeje mbeju syenu kundaŵi, nipo mkamuleje masengo mpaka ligulo. Pakutipo ngamkumanyilila kuti timcipata cici, ana mbeju aji kapena ajo? Mwine soni mbeju siŵilisyo komboleka kutenda cenene.

Jwak 12:13

Basi, yosope yipikanice, cindu cine cili cakuti: Mumpikanileje Mlungu, nipo mgasunjeje malamusi gakwe, pakuti ali ni ligongo lyakwe jwalakwejo ŵatupanganyisye.

Jwak 3:14

Ngumanyilila kuti yosope yakusatenda Mlungu ngasiyimala mpaka kalakala. Pangali ya mpaka yikombolece kuyityosya kapena konjecesya pa yele yinduyo. Mlungu ŵayipanganyisye mwamti myiyi, kuti uwe twalambileje ŵalakwewo.

Jwak 5:7

Sagamisi naga situpile yakuŵeceta ya ŵandu nombe nayo yikusaŵa yejinji. Nambo m'mwejo mumjogopeje Mlungu.

Jwak 8:12

Atamose kuti mundu jwakulemwa akusatenda yindu yakusakala yejinji, jwalakwejo akusatama ni umi kwa ndaŵi jelewu. Nambo ngumanyilila kuti, “Naga mkumpikanila Mlungu yindu tiyicimjendela cenene.

Jwak 8:13

Nambo ŵa ulemwa* yindu ngasiyajendela cenene, pakuti umi wawo tiwuciŵa wangatamilisya mpela ciwilili, pakutipo ali ŵangampikanila Mlungu.”

Yelemiya 32:40

Tinjitenda nawo cilanga cangamala soni ngisindeka kwatendela yambone. Tinjapa mtima wakunjogopa, mwakuti ngisandeka soni.

Mala 4:2

Nambo jemanja ŵimkusambikanila une, macili gangu gakulupusya tigaciyika pa jemanja mpela kukopoka kwa lyuŵa ni kwikasya kuposya mpela kuŵala kwa lyuŵa. Timcigulukaguluka mwakusengwa mpela ŵanace ŵa ng'ombe ŵakutyocela mwicinga.

Luka 1:50

Jwalakwejo ŵatendele canasa ŵandu ŵa mipago jakulekanganalekangana ŵele ŵakusamjogopa jwalakwejo.

Luka 11:42

“Mkwete likungu jemanja Afalisi! Mkusapeleka calikumi* kwa Mlungu ca tumbeju twakununjila, ni tumbeju twakunonyesya yakulya, soni mbeju sya ku matimbe sya mtundu uliwose. Nambo jemanja mkusimnyosya cilungamo ni cinonyelo ca Mlungu. Mkaŵajilene kutenda yeleyi, nambo soni ngaleka yineyi.”