Jwak 7:16 - Chiyawo Bible

¹⁶ Myoyo mkasiŵa mundu jwambone kapena jwalunda mnope, ana ligongo cici mkusaka kuliwulaga mwasyene?

Jwak 7:16 Iomraidhean Croise

Genesesi 3:6

Jwamkongwejo ŵaciweni citelaco kuti caliji cakusalala, ni soni kuti yisogosi yakwe yikomboleka kuŵa yakunong'a kulya. Nipo ŵatandite kuyikumbila yisogosiyo kuti alye, ni kuti aŵe jwalunda. Myoyo jwamkongwejo ŵakaŵile yisogosi yine ya mcitelaco ni ŵalile. Ni ŵajigele yine soni kuja kukwapa ŵamkwawo, nipo jwalakwejo ŵalile.

Yobu 11:12

Paja akusatiji kuti, jwakuloŵela ali jwakuloŵela basi, nipo bulu jwamwitinji ni jwamwitinji basi.

Yobu 28:28

Myoyo ŵamsalile mundu kuti, “Naga mkusaka kuŵa jwalunda mkwenela kumjogopa Mlungu. Kuliŵambasya kutyocela ku matala gakusakala kweleko kuli kukalamuka.”

Misyungu 23:4

Mkasimlipesya mwasyene kusosasosa cipanje, mlijiganye kutenda yindu mwa lunda soni kuwusimana mtima.

Misyungu 25:16

Naga msimene uci, mlye nambo ngaŵa mwakupelenganya mpimo, kogopela kuti mtakululilwa nawo ni kutanda kutapika.

Jwak 12:12

Mwanangu, mkalamuce ni majiganyo gane kupunda gelega. Kulemba mabuku kwangali mbesi, soni kulijiganya kwejinji kukusapesya cilu.

Matayo 23:29

“Mkwete likungu, aciŵalimu ŵa Malamusi ni Afalisi, ŵandu ŵa unami! Mkusalinganyaga cenene malembe ga ŵakulocesya, nipo mkusasalalisya misati ja ŵandu ŵakulungama.

Matayo 23:38

Nditu nyumba jenu jekulungwaji tijicigalawuka kuŵa masame.

Matayo 23:5

Yosope yene yakusatenda akusagambaga kuyitenda kuti ŵandu ŵalole. Akusalitaŵilila tupukutu twatukulungwakulungwa twa maloŵe ga Mlungu pawusyo pawo ni m'makono mwawo. Akusalewuyaga soni nyenje sya yakuwala yawo.

Matayo 9:14

Kaneko ŵakulijiganya ŵa Yohane* M'batisi ŵayice kwa Yesu ni ŵamwusisye kuti, “Ana uli uwe pamo ni Afalisi tukusalijima yakulya kaŵilikaŵili, kutendaga ŵakulijiganya ŵenu ngakusalijima kose?”

Luka 18:12

Une ngusalijima kulya kaŵili pa cijuma, soni ngusapeleka ca likumi ca yindu yosope yingusaka.’ ”

Ŵaloma 10:2

Ngwatendela umboni jemanjajo kuti akwete mtima wakusaka kumtumicila Mlungu, nambo nganapikanicisya cenene.

Ŵaloma 11:25

Pana yamtemela, yingusaka kuti myimanyilile jemanja acalongo acimjangu, kogopela kuti mtakulilumba kuti mli ŵalunda. Mtemelawo uli wakuti, kulimbisya mitima kwa Aisalaeli ŵane nganikuŵa kwakutamilicika, nambo tikucimala mpaka ciŵalanjilo cakwanila ca ŵandu ŵa mitundu jine jili jiyice kwa Mlungu.

Ŵaloma 12:3

Ligongo lya umbone mtima wa Mlungu, jwalakwejo ŵasagwile une kuti mbe ndumetume,* ngumsalila jemanja wosope kuti mkalitenda kuti mli ŵalunda kupunda mumŵelele. Mnopemnope mŵeje ŵakulitimalika mu kuganisya kwenu, mwakulingana ni winji wa cikulupi capelece Mlungu kwa jwalijose jwa jemanja.

1 Akoli 3:18

Mundu jwalijose akalilambusya msyene. Naga jwine pa sikati jenu akulijigala msyene mpela jwalunda, kwambaga lunda lwa masiku aganolu, jwalakwejo akwenela kuŵa jwakuloŵela, ni cakulinga cakuti aŵe jwalunda.

1 Akoli 3:20

soni Malemba gakuti, “Mlungu akusamanyilila kuti nganisyo sya mundu jwakalamuka sili syakusakala.”

Ŵafilipi 3:6

nipo cangu caliji cekulungwa mwakuti nawusawisye mnope mpingo* wa Mlungu.

Ŵakolosai 2:18

Akamsumula jwine mbote jenu. Jemanjajo akusanonyela kulilosya mpela ŵakulinandiya acimsyene, ni pakulambila malayika,* ligongo lya yindu yele yiŵayiweni m'mesomkulola, soni akusalikwesyaga pali pangali ligongo pakuti akusagamba kuyaga lunda lwa ŵandu,

Ŵakolosai 2:23

Kusyene gele malamusiga gakuwoneka mpela kuti gakutyocela mlunda lwalukwacisya kugalambila malayika, ni unami wa pakulinondiya ni kucisawusya cilu cawo. Nambo nganiyikola macili kose gakulekasya ndamo sya cilu syakunonyela yangalumbana.

1 Timoseo 4:3

Jemanjajo akusiŵalekasya ŵandu kulombela kapena kulombedwa, ni kwalamulaga soni kuti akalyaga yakulya yine. Nambo citamileco Mlungu ni juŵayipanganyisye yakulyayo kuti ŵandu ŵali ŵakulupilila ni kumanyilila yakuwona yisyesyene, alyeje mwakumtogolela Mlungu.

Chunukuko 18:19

Ŵalitasile luwundu m'mitwe mwawo, aku ali mkulila kulosya canasa. Ŵagumilaga kuti, “Ukwete likungu, ukwete likungu msinda wakupikanikawu, msinda wele ŵandu wosope ŵakwete yombo ŵasicile mnope ni cipanje cakwe. Nambo kwandaŵi jamnono msindawu utendekwe kuŵa masame.”