Jwak 7:13 - Chiyawo Bible

¹³ Mganicisye ya masengo gapanganyisye Mlungu. Ana ŵani ŵampaka apakombole kongola cindu ciŵapanganyisye jwalakwejo cili cepindice?

Jwak 7:13 Iomraidhean Croise

Yobu 11:10

Naga Mlungu akwika ni kumŵika m'mwejo mu ukayidi ni kumjigalila m'mwejo ku nganya, ana ŵani mpaka amlekasye jwalakwejo?

Yobu 12:14

Mlungu naga apaswile cine cakwe, pangali soni mundu jwine jwa mpaka acitaŵe soni. Mlungu naga akumwugalila jwine jwakwe mu ukayidi ana pana mundu jwine jwampaka amwugulile mundujo kutyoka mu ukayidi?

Yobu 34:29

Ana Mlungu naga ali jii, ŵani ŵa mpaka aŵecete kuti jwalakwejo alemwisye? Naga jwalakwejo akusisa ngope jakwe, ŵani mpaka apakombole kumwona? Nambo jwalakwejo ni jwakusasamalila mundu kapena mtundu wa ŵandu,

Yobu 37:14

Yobu, apikane ayi, ajime kaje panandi ni kuganicisya masengo gakusimonjesya ga Mlungu.

Yobu 9:12

Naga Mlungu akusumula cindu, pangali jwa mpaka amlekasye jwalakwejo. Pangali soni jwa mpaka amwusye Mlungu kuti, “Ana akutenda cici?”

Masalimo 107:43

Mundu jwalijose jwalunda ayisamalile yeleyi, akwenela ŵandu kuganicisya ya cinonyelo cangamala ca AMBUJE.

Masalimo 8:3

Pingukuwona kwinani masengo ga magasa gawo, mwesi ni ndondwa siŵasiŵisile kweleko,

Jwak 1:15

Ngaŵa mkomboleka kucijongola soni cindu cepindice; soni ngaŵa mkuŵalanjila cindu camkanicipagwa.

Jwak 3:11

Jwalakwejo ŵapanganyisye cindu cilicose kuti ciŵe cambone mu ndaŵi jakwe. Atupele soni uweji lunda lwakuti tumanyilileje ya msogolo, nambo uweji ngakomboleka kuti tuyimanyilile yosope yene.

Jwak 8:17

Nagaweni masengo gosope ga Mlungu. Pangali mundu jwa mpaka apakombole kugamanyilila masengo gosope gagakutendekwa pa cilambo capasi pano. Atamose mundu alinjilile camtuli kuti ayimanyilile yeleyi, ngasapakombola. Atamose mundu jwalunda aŵecete kuti akumanyilila yindu, nambo kuli kwangakomboleka kuti jwalakwejo ayimanyilile.

Yesaya 14:27

AMBUJE Ŵamaciligosope asimicisye kuti yeleyi yitendekwe, ana ŵani mpaka amlekasye jwalakwejo? Ligasa lyakwe lili lyetambasukuce ana ŵani soni mpaka aliwusye?

Yesaya 43:13

Une ndili Mlungu nipo tinjitama masiku gosope. Pangali jwampaka apakombole kutila mu mkono wangu, pangali jwampaka apakombole kucenga yitendo yangu.”

Yesaya 5:12

Akusajimba yida yakwimbila ya ngonji, ngoma, ni yitolilo, ni kumwaga finyo pa yindimba yawo. Nambo ŵangagasamala masengo ga AMBUJE, ŵangalola soni masengo gakugakamula ni makono gakwe.

Daniele 4:35

Ŵandu wosope ŵa pacilambo capasi nganaŵa kandu kose pameso pakwe. Pangali atamose jumo jwampaka ŵalekasye kutenda yakuyisosa, kapena kwawusya yele yakutenda.

Luka 12:26

Naga mkulepela kutenda kamnono kamti myiyi, nambi cakudandawulila yindu yine ni cici?

Ŵaloma 9:15

Paja jwalakwejo ŵamsalile Mose* kuti, “Tinjimtendela canasa jwalijose jungusaka kumtendela canasa, tinjimtendela yambone jwele jungusaka kumtendela yambone.”

Ŵaloma 9:19

Ana kapena jwine jwa jemanja mpaka ambusye une kuti, “Naga yili myoyo, ana ligongo cici Mlungu akusimanape yakulemwa mwa ŵandu? Ana ŵani mpaka amlekasye Mlungu kutenda lisosa lyakwe?”

Ŵaefeso 1:11

Pakuti Mlungu akusajongolela yindu yosope mwakusosela msyene. Jwalakwe ŵatusagwile mwa Klistu kuti tuŵe ŵakweŵakwepe, nipo ŵayitesile kuti yiŵe myoyo.