Jwak 7:12 - Chiyawo Bible

¹² Lunda tilucimcinjilicisya m'mwejo mpela musikusamcinjilicisya mundu mbiya. Nambo umanyilisi wa yindu uli wakupunda ligongo lyakuti lunda lukusilucinjilicisya umi wa mundu jwakwete umiwo.

Jwak 7:12 Iomraidhean Croise

Yobu 1:10

Wawo aŵele ali kumcinjilicisya jwalakwe jula, pamo ni liŵasa lyakwe ni yindu yosope yakwete. Wawo soni ŵajaliwasisye yosope yakusatenda jwalakwejo, nipo yilangwa yakwe yili yejinji mcilambomo.

Masalimo 57:1

Andendele canasa ŵalakwe Mlungu, andendele canasa, pakuŵa umi wangu ukutilila kwa ŵalakwe, ni tinjitilila ku mbwilili wa mapapiko gawo, mpakana mbungo jakonanga yindu jili jipite.

Misyungu 11:4

Cipanje cangakamucisya kose pa lisiku lya kukutumbilila Mlungu, nambo cilungamo ni cikusamkulupusya mundu ku ciwa.

Misyungu 14:20

Mundu jwakulaga atamose acimjakwe ngakusamnonyela, nambo mundu jwakusicila akusakola acimjakwe ŵajinji.

Misyungu 2:11

Ganicisya cilepe ya msogolo tikucimsunga m'mwejo soni kupikanicisya cenene yindu, tikucimcenjela.

Misyungu 2:7

Mlungu akusapeleka lunda lusyesyene kwa ŵandu ŵa cilungamo, soni jwalakwejo ali mpela cida cakwacenjelela ŵandu ŵakusajenda matala gagoloka.

Misyungu 3:18

Lunda luli mpela citela cakupeleka umi kwa ŵandu ŵakusalukamulisya masengo. Ŵana upile ŵele ŵakusalukamulisya masengo mnope lundalo.

Misyungu 8:35

Pakuŵa mundu jwakusimana une, asimene umi, soni akusapata upile kutyocela kwa AMBUJE.

Misyungu 9:11

Pakuti kupitila mwangune, masiku genu tigacitupa soni yaka tiyicijonjecesyedwa pa umi wenu

Jwak 10:19

Cindimba cikusasangalasyaga ŵandu, nipo finyo ali jwakusangalasya umi. Nambo yosopeyo yikusasaka mbiya kuti uyitende.

Jwak 2:13

Nipo nayiweni kuti, “Lunda luli lwambone kulekangana ni cipi.

Jwak 7:19

Lunda lukusilupeleka macili kwa mundu kupunda macili ga mpaka apegwe ni acimlongola likumi ŵa mu msinda.

Jwak 9:16

Nambo une nguti lunda luli lwambone kulekangana ni macili, atamose kuti ŵandu ŵanyosisye lunda lwa mundu jwakulagajo, soni nganagakamulisya masengo maloŵe gakwe.

Jwak 9:18

Lunda luli lwambone kulekangana ni yida yakuputila ngondo, nambo mundu jumo jwakulemwa akusakomboleka konanjisya yindu yejinji yambone.

Yesaya 30:2

Akusajawula ku Iguputo kuja kuŵenda cikamucisyo, ngambusya Une. Akusatilila kwa Mwenye jwa ku Iguputo kuti ŵatetele, akusaja kusosa malo gakukulupucila ku Iguputo.

Yesaya 32:2

Jwalijose taciŵa mpela malo gakutilila mbepo soni kulijuŵisya ku cimbunga. Taciŵa mpela sulo mcilambo cejumu, nipo mpela mbwilili ku luŵala lwekulungwa mcipululu.

Yesaya 33:6

Mu ndaŵi jenumwe timciŵa yilimbilimbi jakutamilicika. Tacimpa soni cikulupusyo cekulungwa, lunda lwejinji ni umanyilisi wejinji. Kwajogopa AMBUJE ni litala lyakupatila cipanje celeci.

Yohana 12:50

Nipo ngumanyilila kuti yalamwile jwalakwe yikwatendesya ŵandu kuti aŵe umi mpaka kalakala. Myoyo, yingusala une, ni yandumile Atati kuti nayisale.”

Yohana 17:3

Nipo umi wangamala ugopolela kuti ŵandu ŵamanyilile ŵalakwe ŵali Mlungu jikape ŵakuwona, nipo soni am'manyilile Yesu Klistu* juŵamtumile wawojo.

Detulonomo 32:47

Maloŵega nganigaŵa maloŵe gangali mate. Nambo maloŵe gelega ni gali umi wenu. Mkagapikanileje malamusi gelega kuti mkatamilicice mcilambo cimkuja kutama pesi pa Yolodani.”

Ŵafilipi 3:8

Kusyene, yosope nguyiwona kuti yili yangapindulisya pakuyiwanicisya ni kum'manyilila Yesu Klistu, ŵele ŵali Ambuje ŵangu. Ligongo lya Klistu nakundile kuleka yosope yene, ni kuyiwona mpela ya pacitutu, kuti cakupata cangu ciŵe Klistu,

Ŵakulamula 9:15

Kacitekete ka miŵa kajanjile kuti, ‘Naga akusosa kuti andende une kuŵa mwenye jwawo, ni ayice ajuŵe mu m'bwilili wangu. Naga ngakwika, moto tiwucikolela kutyocela mu nyambi syangu sya miŵa ni kocajoca mikungusa ja ku Lebanoni.’