Jwak 6:9 - Chiyawo Bible

⁹ Kuli kwambone gambaga kuyilola yinduyi ni meso kulekangana ni kuyisakaga mu mtima. Yeleyi yili yangali mate.

Jwak 6:9 Iomraidhean Croise

Yobu 31:7

Naga ndesile kwenda mu litala lyakwe, soni naga mtima wangu ukukumbila yindu mu litala lyakulemwecekwa, soni naga mbanganyisye cindu cakusakala cilicose,

Jwak 1:14

Nayiweni yindu yosope yayikutendekwa pa cilambo capasi pano, nipo ngumsalila kuti yosope yili yangali mate, soni kuyisosa yeleyo kuli mpela kwamba kulisawusya.

Jwak 1:17

Nalinjile kulijiganya soni kulekangana kwakwe kwa umanyilisi ni kuloŵela, lunda ni masoka. Nambo nayiweni kuti kutenda myoyo kwaliji kwamba kulisawusya.

Jwak 1:2

Yangali mate, yangali mate, Jwakulalicila jwatite myoyo. Umi uli wangali mate, yosope yili yangali mate.

Jwak 11:9

Acacanda, msangalaleje ni ucanda wenu. Mitima jenu jisangalaleje ndaŵi josope ja ucanda wenu. Elo, mkuyeje yiwukusaka mtima wenu ni yigakulola meso genu. Nambo mkwenela kumanyilila kuti Mlungu tacimlamula jemanja pa yimkutendayi.

Jwak 2:11

Sambano natandite kuyiganisya yosope yinatesile, masengo gosope gakusitopesya ginakamwile, nayiweni kuti yosope yeneyo yaliji yangali mate, soni kwaliji kwamba kulisawusya. Pa cilambo capasi pangali cindu cakuti mundu ni kupindula naco.

Jwak 4:4

Kaneko namanyilile soni kuti uwe tusakamula masengo ni kutenda yindu yakusimonjesya ligongo lyakuti tukusatendelanaga wiwu. Yeleyi yili yangali mate, soni kuti uyipikanicisye kuli kwamba kulisawusya.

Jwak 5:18

Apano pana cindu cinaciweni kuti cili cambone nambo soni cakwenela: kuli kwambone kuti mundu alyeje, amweje, ni kusangalala pa masengo gakwe gosope gakusakamula pa cilambo capasi cino. Celeci ni cele mundu akukomboleka kuŵeceta kuti cakwe.

Jwak 6:2

Mlungu akusampa jwine jwakwe yipanje ni ucimbicimbi ni yosope yakusayisaka pa umi wakwe, nambo jwangapeleka upile wakuti usangalale nayo yinduyo, m'malo mwakwe jwakusasangalala ni yinduyo akusaŵa mundu jwine jwa cilendo. Yeleyi yili yangali mate, nipo ngaŵa yambone.

Yelemiya 2:20

AMBUJE Mlungu akuŵeceta kuti, “Kutyocela kalakala jemanja Aisalaeli mwanganile une, ni kukasa mkamulano uwapali sikati ja jemanja ni une. Jemanja mwatite kuti, ngitumtumicila; jemanja mŵele mpela jwamkongwe jwa lilama, mkujilambila milungu jine pakutenda ya lilama petumbi lililyose soni pasi pa citela cakutenjela cilicose.