Jwak 6:3 - Chiyawo Bible

³ Mundu akusakomboleka kuŵeleka ŵanace 100 ni kutama ni umi ndaŵi jelewu. Nambo atamose kuti yakweyo yitupe camtuli, naga ngakusangalala ni yindu yambone pa umi wakwe, ni kungapocela ucimbicimbi wa malilo gakwe pambesi pakwe, une nguti mbundumuko jili cenene kulekangana ni mundujo.

Jwak 6:3 Iomraidhean Croise

Genesesi 33:5

Esawu piŵalolite, ŵaweni acakongwe ni ŵanace ŵala, nipo ŵawusisye kuti, “Ana ŵandu ŵimli nawoŵa ŵaceni?” Yakobo ŵajanjile kuti, “Ŵeleŵa, ambuje ni ŵanace ŵambele uneji Mlungu mwa cinonyelo cakwe.”

Genesesi 47:9

Yakobo ŵajanjile kuti, “Yaka ya umi wangu wakwendajenda yikwanile 130. Yaka yeleyi yili yamnono soni ya yisawusyo yejinji, yangalandana kose ni yaka ya acinangolo ŵangu, pa ndaŵijawo josope piŵaliji ni umi.”

2 Ayi 10:1

Ahabu ŵakwete yisukulu 70 yayilume yiyatamaga mu msinda wa Samaliya. Yehu ŵalembile yikalata, ni ŵayitumisye ku Samaliya kwa ŵandu ŵakulamulila msindawo, kwa ŵandu ŵacikulile, ni kwa ŵandu ŵiŵalelaga yisukulu ya Ahabu. Yikalatayo yakwete maloŵe gakuti,

2 Ayi 9:35

Nambo ŵandu ŵiŵakopwece m'nyumba mula, kuti akamsice m'malembe jwamkongwejo, nginawusimana mtembowo, akaŵe cikalakasa ca mtwe, sajo ni magasa basi.

1 Mbi 28:5

Pakuŵa AMBUJE ŵambele une ŵanace ŵajinji nipo mwa ŵanace ŵeleŵa, AMBUJE ŵamsagwile Solomoni kuti alamulile cilambo ca Isalaeli.

2 Mbi 11:21

Lehobowamu ŵanonyelaga mnope Maaka mwanace jwamkongwe jwa Abisalomu kwapunda aciŵamkwakwe wosope. Ŵalombele acakongwe ŵakwana 18, nambo soni ŵakwete acakongwe ŵane ŵapambali ŵakwana 60, nipo ŵakwete ŵanace ŵacalume ŵakwana 28, ni ŵacakongwe ŵakwana 60.

Esitele 5:11

Hamani ŵasalile jemanjajo ya kusicila kwawo, ciŵalanjilo ca ŵanace ŵacalume wiŵakwete, muŵamkwecesye mwenye jwalakwejo, ni muŵaŵelele kwapunda acakulungwa ni ŵakutumicila ŵa mwenye.

Esitele 7:10

Kaneko mwenye ŵalamwile kuti, “Jawulani mkakolece Hamani pelepo.” Myoyo ŵanduwo ŵamkolece Hamani pa yitela yiŵapanganyisye Hamani kuti amkolecepo Modekayi. Kaneko lutumbilo lwa mwenye lwamasile.

Yobu 3:11

Yikaliji yambone kuti ngawilile mcitumbo mwa mama ŵangu pemo kapena kuwa ndili napagwapejo.

Yobu 3:16

kapena ngaliji mpela mbundumuko, jimkanijiwoneje lilanguka lya lyuŵa.

Masalimo 58:8

Aŵe mpela ngonokono jajikusungunukula mesi pajikwenda, akaliwona lyuŵa mpela mwanace jwapite panapitape.

Misyungu 17:6

Yisukulu ni ucimbicimbi wa ŵandu ŵacekulupe, soni ucimbicimbi wa ŵanace ni acinangolo.

Jwak 4:3

Nambo ŵapundile mnope ni ŵimkinapagwe, ligongo lyakuti nganayiwona yitendo yosope yayikutendekwa pa cilambo capasi pano.

Jwak 6:4

Likandi lyewelyo likusagamba kupelenganya kwinjila mu cipi, mwele likusaliŵalicika.

Yelemiya 22:19

Tacimsika mpela bulu, kutenda yakumkwekwelemya ni kuja kumjasa kusyeto kwa yipata ya Yelusalemu.”

Yelemiya 36:30

Sambano, Une AMBUJE nguŵeceta kuti, ngasipasimanikwa cisukulu cine cakwinjila m'malo mwakwe pa mpando wa ucimwene wa Daudi.* Pitaciwa jwalakwejo, mtembo wakwe tiwuciŵa pa lyuŵa ndaŵi ja musi, nipo ndaŵi ja cilo tiwuciŵa pa mbepo.

Yelemiya 8:2

Tacigamwasanya maupago pa mkuli mwakulolegana ni lyuŵa, mwesi ni ndondwa syosope yiŵayinonyelaga ŵandu ŵeleŵa, ŵayitumicilaga, ŵayiŵendaga lunda ni kuyilambila. Maupa gelego ngasagasonganya pampepe, nambo m'malo mwakwe tigaciŵa mpela cajila penani pa litaka.

Matayo 26:24

Mwanace jwa Mundu akuja kukuwulajidwa mpela yigatite Malemba pakusala ya jwalakwe. Nambo akwete likungu mundu jwele jutacimpeleka Mwanace jwa Mundujo. Kukaliji kwambone mnope kwa jwele mundujo akaŵe ngapagwa.”