Jwak 6:2 - Chiyawo Bible

² Mlungu akusampa jwine jwakwe yipanje ni ucimbicimbi ni yosope yakusayisaka pa umi wakwe, nambo jwangapeleka upile wakuti usangalale nayo yinduyo, m'malo mwakwe jwakusasangalala ni yinduyo akusaŵa mundu jwine jwa cilendo. Yeleyi yili yangali mate, nipo ngaŵa yambone.

Jwak 6:2 Iomraidhean Croise

1 Ayi 3:13

Konjecesya pelepo tinimpe soni yindu yimkanimŵenda. Tinimpe cipanje ni ucimbicimbi, pangali mwenye jutacilandana ni m'mwejo pa masiku gosope ga umi wenu.

1 Mbi 29:25

Ŵandu wosope ŵa mcilambo ca Isalaeli ŵaliji mkusimonga ni mwele AMBUJE muŵamtendele Solomoni kuti aŵe jwakupikanika. Mlungu ŵamtesile Solomoni kuŵa jwakupikanika soni jwamacili kupunda ayimwene ŵane wosope ŵene ŵaŵalamulilaga mcilambomo, Solomoniwo mkanajinjile ucimwene.

1 Mbi 29:28

Ŵaliji jwakusicila nipo ŵawile ali acekulwipe mnope, nipo Solomoni mwanace jwakwe ni juŵajinjile ucimwene m'malo mwa babagwe.

2 Mbi 1:11

Nipo Mlungu ŵamjanjile Solomoni kuti, “Msagwile cenene. M'malo mwakuŵenda katundu, yipanje, ucimbicimbi, ciwa ca amagongo ŵenu, kapena umi welewu, m'mwejo mŵendile lunda ni umanyilisi kuti mwalamulile ŵandu ŵangu cenene, ŵinampele m'mwejo kuŵa mwenye jwawo.

Masalimo 17:14

Ŵalakwe AMBUJE, angulupusye kwa amagongo ŵangu ni mkono wawo. Kwa ŵandu ŵele umi wawo ukwamba kusamalila ya pa cilambo. Ŵape yisawusyo ni yipwetesi yiŵasunjile jemanjajo, nombe yiŵe yakwanila kwa ŵanace ŵawo, mpaka tayilecele yisukulu yawo.

Masalimo 39:6

Kusyene, mundu akwenda mpela ciwilili, akulaga ni yindu yangali mate kose, mundu akusasalasya cipanje, nambo ŵitacilya cele cipanjeco, ngakumanyika.

Masalimo 73:7

Meso gawo gayimbile ni kwimbala. Mitima jawo jigumbele ni nganisyo syakusaka kutenda yakusakala.

Jwak 4:4

Kaneko namanyilile soni kuti uwe tusakamula masengo ni kutenda yindu yakusimonjesya ligongo lyakuti tukusatendelanaga wiwu. Yeleyi yili yangali mate, soni kuti uyipikanicisye kuli kwamba kulisawusya.

Jwak 4:8

Jwapali mundu juŵaliji jikape, nganakola mwanace kapena mlongo mjakwe, nambo jwalakweju jwapitilisye kukamula masengo gakwe nipo nganajikutila ni yipanje yiŵakwete. Myoyo nganaliwusya kuti, “Ana masengo gosope gingukamulaga ni kulikanya kusangalala namsyene ngwakamulila ŵani?” Yeleyitu yili yangali mate soni yili yakutesya canasa.

Jwak 5:13

Pa cilambo capasi pano pana cindu cine cakogoya kwejinji cinaciweni une: ŵandu akusasunga mbiya nambo kaneko mbiyasyo sikusisyapweteka acimsyenewo,

Jwak 5:16

Yeleyi nganiyiŵa yambone kuti mundu ajawuleje ku malembe mpela muŵayicile. Ana cakupindulisya cakwe ni cici pakuti jwalakwejo ŵakamwile masengo gamtega?

Jwak 5:18

Apano pana cindu cinaciweni kuti cili cambone nambo soni cakwenela: kuli kwambone kuti mundu alyeje, amweje, ni kusangalala pa masengo gakwe gosope gakusakamula pa cilambo capasi cino. Celeci ni cele mundu akukomboleka kuŵeceta kuti cakwe.

Jwak 5:19

Naga Mlungu amsicilisye mundu pakumpa jwalakwejo yipanje ni katundu kuti asangalaleje nayo, mundu akwenela kuyipocela yeleyi ni kusangalalilaga masengo gakwe, pakuti welewu uli mtuka wa Mlungu.

Yesaya 55:2

Ana ligongo cici mkonanga mbiya syenu kusuma yindu yangalya? Ana ligongo cici malipilo genu mkusuma yindu yangaŵa kwikutisya? Mpikane, ni kutenda yinguŵeceta Une, mlyeje yakulya yambone, mlinonyelesyeje ni yakulya yakunakana.

Malilo 5:2

Yindu yetu yili m'myala mwa acalendo; ŵandu ŵakwika akutama m'nyumba syetu.

Daniele 5:18

“Wawo AMBUJE ŵangu mwenye, Mlungu Jwakupunda yosope ŵapele Nebukadinesa baba ŵawo macili, ucimbicimbi ni ucimwene.

Hoseya 7:9

Acalendowo akwamala jemanjajo macili acimsyenewo ali ngakumanyilila kandu. Atandite kumela wuli nambo acimsyenewo ngamanyilila cilicose.

Detulonomo 28:33

Ŵandu wa lukosyo lwa cilendo tacimsumula yosope yimlasile nayo kulima mu mgunda. Soni taciŵa ali mkumlagasya masiku gosope.

Detulonomo 28:43

“Ŵandu ŵa cilendo ŵitakatame mcilambo mwenu takaŵe ŵandu ŵakusicila ni ŵamacili, nambo jemanja timkaŵe ŵandu ŵakulaga ni ŵakulopotoka.

Ŵakulamula 18:10

Pitakayice kweleko, takasimane kuti ŵanduwo ngakusamala kandu. Cilamboco cili cacikulungwa, cikwete yosope yene yakusayisosaga mundu, ni Mlungu acipelece kwa jemanja.”