Jwak 6:12 - Chiyawo Bible

¹² Ana mundu mpaka amanyilile uli yindu yakumnonyelesya mundu kwa ndaŵi ja panandi pali cijumi jwalakwejo? Ana mundu mpaka amanyilile uli yitiyicitendekwa pa cilambo capasi cino jwalakwejo pitaciwa?

Jwak 6:12 Iomraidhean Croise

1 Mbi 29:15

Ŵalakwe AMBUJE, akumanyilila kuti uwe tuli acalendo pa cilambo capasi pano, tuli ŵandu ŵagamba kutama nawo mcilambomu mpela muŵatendele acinangolo ŵetu. Masiku getu gakutama mcilambo muno gali mpela ciwulili, nipo uwe ngakomboleka kucitila ciwa.

Yobu 14:2

Jwalakwejo akusasipuka mpela maluŵa, kaneko akusanyala, nipo jwangatamilisya, akusatila mpela mucikusatendela ciwilili.

Yobu 14:21

Ŵandu akusiŵacimbicisya ŵanace ŵa jwakuwajo, nambo jwalakwejo akusaŵa ali jwangamanyililila kane kalikose. Ŵandu ŵane pakwatendesya jemanjajo soni, ŵelewo ŵangayiwona.

Yobu 8:9

Umi wetu ukusaŵa wawujipi mwakuti ngatukusamanyilila kandu. Masiku getu pa cilambo capasi pano gakusapita mpela mucikusapitila ciwilili.

Masalimo 102:11

Masiku gangu gali ciŵandika kumala, mpela mbwilili wa ndaŵi jegulo, nipo nyasile mpela manyasi.

Masalimo 109:23

Sigele panandi kusimilila mpela ciwilili ca ligulo, andopwele mpela sombe.

Masalimo 144:4

Mundu ali mpela lipuje, masiku gakwe gali mpela ciwilili cangatamilisya.

Masalimo 16:5

AMBUJE, ali cipanje cangu, soni ŵalakwe akusamba yingusoŵa; sogolo jangu jili myala mwa ŵalakwe.

Masalimo 17:15

Nambo une tinjawona ŵalakwe, ligongo une nganindenda kose cakulemwa, patinjimuce tinjiŵa mundu jwakusengwa pakuwonegana ni ŵalakwe.

Masalimo 4:6

Apali ŵajinji ŵakusati, “Conde AMBUJE atupe yambone yejinji. Atulole AMBUJE ni kututendela canasa.”

Masalimo 47:4

Ŵatusagulile uwe cilambo citukutamaci kuti ciŵe cetu. Ŵatupele uwe ŵandu ŵa Yakobo* cilambo camboneci pakuti akusatunonyela.

Masalimo 89:47

Akumbucile kuti masiku ga umi ŵangu gali gamnono. Elo, ŵapanganyisye ŵandu wosope kuti akole umi wawujipi mnope.

Jwak 10:14

Jwakuloŵela akusagamba kuculuya maloŵe, ana ŵani ŵitacimanyilila yitiyicitendekwa msogolo pitaciwapo?

Jwak 12:13

Basi, yosope yipikanice, cindu cine cili cakuti: Mumpikanileje Mlungu, nipo mgasunjeje malamusi gakwe, pakuti ali ni ligongo lyakwe jwalakwejo ŵatupanganyisye.

Jwak 2:24

Pangali cindu cine cambone campaka mundu akombolece kutenda pa masengo gakwe kupunda kulya, kumwa ni kwikutila pa masengo gakwego. Namanyilile soni kuti welewu uli upile wakutyocela kwa Mlungu.

Jwak 2:3

Nalinjile kulisangalasya ni finyo, nambo nayiweni kuti kweleko kwaliji kuloŵela. Naganisyaga kuti mwine mwakwe litala mpela lyeleli komboleka kuŵa lyambone lyakusalikuya ŵandu ŵane pakusaka kusangalala kwa masiku ga panandi ni umi wawo.

Jwak 3:22

Myoyo nayiweni kuti pangali cindu cambone cakupunda kuti mundu asangalalileje masengo gakwe, pakuti cakwe cisyesyene ni celeci. Ana ŵani mpaka apakombole kumanyilila yitiyicimtendekwela pitaciwa?

Jwak 6:11

Maloŵe naga gakutupa, nombe nayo yangali mate yikusatupa. Nambi mundu tapindulepo cici?

Jwak 7:15

Pa umi wangu wangali matewu nayiweni yindu yosope. Naweni kuti ŵandu ŵambone akusawa mwacitema ligongo lyakutenda yindu yambone, nipo naweni ŵandu ŵangalumbana ali mkutama ni umi kwa ndaŵi jelewu, yakusakalayo ali mkutendape.

Jwak 8:13

Nambo ŵa ulemwa* yindu ngasiyajendela cenene, pakuti umi wawo tiwuciŵa wangatamilisya mpela ciwilili, pakutipo ali ŵangampikanila Mlungu.”

Jwak 8:7

Pangali mundu jwakusamanyilila yitiyitendekwe, soni pangali mundu jwa mpaka atusalile mutiyiciŵela.

Jwak 9:6

Cinonyelo cawo, uŵengani wawo ni wiwu wawo wosope yamasile kala. Nipo ngasapocela cilicose pa yosope yayikutendekwa pa cilambo capasi pano.

Jwak 9:9

Msangalaleje ni ŵakongwe ŵamkusimwanonyela pa masiku umi wenu wangali matewu, uŵampele Mlungu pa cilambo capasi pano. Pakuti yeleyi ni yenu pa umi awuno, ni pa masengo genu gakupweteka gimkusakamulaga pa cilambo capasi pano.

Mika 6:8

Iyayi, AMBUJE ŵamlosisye kala, m'mwe mundu, cicili cambone. Yakusaka jwalakwejo kuti uwe tuyitendeje ni ayi: kutenda yayili yakulungamika, kulosya cinonyelo ni kutama mwakulinondiya pameso pa Mlungu jwenu.

Yakobo 4:14

pelepo jemanja ya malaŵi ngamkuyimanyilila. Ana umi wawo uli wamti uli? Pajatu jemanja mli mpela lyosi, lyalikusawoneka mwakatema, ni kusimilila mwangakaŵa.