Jwak 5:8 - Chiyawo Bible

⁸ Mkasimsimonga pimkuwona kuti boma jikwaliŵatila ŵandu ŵakulaga ni kwakanya cilungamo. Nduna jilijose jikusaloleledwa ni nduna jijakwe jajikwete ukumu ŵelewo, nambo wosopewo akusaloleledwa soni ni jwamkulungwa jwine kwapunda jemanjajo.

Jwak 5:8 Iomraidhean Croise

2 Mbi 26:10

Ŵataŵile soni sanja mu cipululu, soni ŵasokwele yisima yejinji pakuti ŵakwete yilangwa yejinji mungulugulu mwa matumbi ni ku yiŵata. Ŵalakwewo ŵanonyelaga kulima myoyo ŵalembile ŵamasengo kuti asamalileje migunda ja mipeleya jijaliji ku matumbi ga cajila mnope.

Yobu 24:23

Mlungu akusiŵacinjilicisya ŵandu ŵakusakala ni kwapa mtendele, nambo jwalakwejo akusaŵa ali mkulolecesya litala lya ŵakusakalawo.

Masalimo 12:5

Ligongo lyakuti ŵakulaga ŵasumwile yindu yawo, ni ŵakulaga akudandawula. AMBUJE akuti, “Tindendepo kandu sambano, tinakulupusye mpela mwakusacila jemanjajo.”

Masalimo 55:9

Ŵalakwe AMBUJE,* asokonesye yiŵeceto ya amagongo ŵangu! Pakuŵa nguwona ŵandu ali mkukangana ni kutenda njojo mu msindamo,

Masalimo 82:1

Mlungu ali pa malo pakwe kulongolela msongano wakwinani, akulamula pasikati pa milungu.

Masalimo 83:18

Amanyilile kuti ŵalakwe jika ŵele lina lyawo lili AMBUJE, ali Ŵakwinani Mnope ni ŵakulamulila pa cilambo cosope capasi.

Masalimo 95:3

Pakuŵa AMBUJE ali AMBUJE ŵakulungwa; ali mwenye jwamkulungwa jwakujipunda milungu jine josope.

Misyungu 22:16

Mundu jwakusiŵatendela ngalwe ŵandu ŵakulaga ni cakulinga cakuti ajonjecesye yipanje yakwe, soni jwakusagamba kupeleka mituka kwa ŵasicile kala, wosopewo taciŵa ŵakulaga acimsyene jika.

Misyungu 24:12

Naga mkuti, “Uwe nganitumanyililaga yeleyi,” Ana jwakusamulika ya mu mtima, ngakuyiwona yeleyi? Ana jwakusalolela umi wenu ngakumanyilila? Ana ngasamwucisya mundu yitendo yakwe malinga ni masengo gakwe?

Misyungu 8:17

Ngusinanonyela ŵakusanonyela une, Soni ŵandu ŵakusosasosa une mwakulimbika, tacisimana.

Jwak 3:16

Cindu cine cinaciweni pa cilambo capasi pano cili cakuti, papakwenela kuŵa cilungamo pakusimanikwaga kuti pangali cilungamo.

Jwak 4:1

Naweni soni ŵandu ali mkulagasidwa pa cilambo capasi pano. Jemanjajo ŵaliji mkulila, nambo paliji pangali jwalijose jwakuti ŵanyalasye jemanjajo, ligongo lyakuti ŵiŵaliji mkwalagasya jemanjajo ŵaliji ŵamacili mnope.

Jwak 5:9

Ŵandu wosope akusajigala yindu yagowola ya ku migunda, nambo mwenye ni ŵakusapindula mnope ni migundajo.

Jwak 7:7

Naga mundu jwalunda akumlambusya jwine jwakwe, yeleyi yikusamtendekasya jwalakwejo kuŵa mpela mundu jwakuloŵela. Kupocela mbote ja cilo kukusajonanga mtima.

Jwak 8:9

Nayiweni yosope yeneyi pa ndaŵi jinaganisyaga mu mtima mwangu yindu yosope yayikutendekwa pacilambo capasi pano. Pana ŵandu ŵakusiŵalamulilaga acimjawo mwa ngalwe.

Yesaya 10:12

AMBUJE akuti, “Pitinjimalisya masengo gawo gosope pa Litumbi lya Siyoni,* ni ku Yelusalemu AMBUJE tacipeleka cilango kwa mwenye jwa ku Asiliya, ligongo lyakulikwesya ni kulilumba kwakwe.”

Yesaya 3:15

Mkwalagasya ŵandu ŵangu ligongo cici? Ana ligongo cici mkwalila ŵandu ŵangune masuku pa mtwe?” Akuti myoyo AMBUJE Mlungu Jwamaciligosope.

Yesaya 37:36

Nipo cilo cakwe lilayika lya AMBUJE lyajawile ku masakasa ga Asilikali ŵa ngondo ŵa ku Asiliya ni ŵawuleje asilikali 185,000. Nipo kundaŵi kwakwe ŵandu ŵagambile kwawona asilikali ŵa ngondo ŵa ku Asiliya ali ngundangunda, ali awile.

Yesaya 5:7

Mgunda wa mpeleya wa AMBUJE* Ŵamaciligosope uli ŵandu ŵa cilambo ca Isalaeli. Ŵandu ŵa cilambo ca Yuda ali mpeleya wakupandidwa ni AMBUJE. Ŵajembecelaga kuti ŵandu ŵeleŵa tatendeje yambone, nambo m'malo mwakwe ŵagambaga kuwulaga. Ŵajembecelaga cilungamo, nambo ŵagambile kupikana kulila kwa ŵandu ŵakulagasidwa.

Yesaya 57:15

Ŵalakwe ŵele ali Ŵakulungwa ni Ŵamaciligosope, ŵele ali ciŵela ndaŵi syosope, nipo lina lyawo ni Jwamswela jula, akuŵeceta kuti, “Ngusindama malo ga ucimbicimbi, gamaswela. Nambo soni ngusindama ni ŵandu ŵakulinondiya ni ŵakusangulupilila une, kuti ŵakulinondiyawo natyosye woga, ni kwalimbisya ŵakulupililawo.

Esek 18:18

Nambo babagwe, pakuti ŵalemwisye pakwalagasya ŵandu ŵane ni kumjiŵila mlongo mjawo ni soni kumtendela yakusakala mundu jwalijose, myoyo taciwila ulemwa uŵawutesile asyene pewo.

Amosi 5:12

Une ngumanyilila winji wa ulemwa* wenu ni ukulu wa magambo genu. Jemanja mkusimwalagasya ŵandu ŵambone, ni kupocelaga yipupu ni kulamula mwangajenela magambo ga ŵandu ŵakulaga ku nganya sya magambo.

Amosi 6:12

Ana mahaci mpaka gawutuce pa maganga? Ana pana mundu jwalijose jwakusalima pa nyasa ni ng'ombe? Sambano cilungamo mcisandwisye kuŵa cindu cakogoya ca ukali, soni yakulungama myitesile kuŵa yakulemweceka.

Mika 2:9

Mkusimwakoposya acakongwe ŵa ŵandu ŵangu m'nyumba syawo syambone. Ŵanace ŵawo mkusimwasumula upile wangu.

Sakaliya 8:6

“Yeleyi tiyiciwoneka mpela yangakomboleka kwa ngosyo sisisigalile, nambo kwa uneji yili yakomboleka.

Mala 3:5

AMBUJE Ŵamaciligosope akuŵeceta kuti, “Tinjimyicila pakuŵandika kuti tinamjimbe magambo. Myoyo tinjiŵeceta maloŵe gakusisyana ni ŵakutenda ya matipwi, ŵandu ŵacikululu, ŵakupeleka umboni wa unami, ŵakwajiŵila malipilo ŵamasengo ŵawo, ŵakwasawusya acakongwe ni ŵanace ŵamasije, ni ŵakwatendela acalendo yindu yangalumbana nipo soni ŵele ŵangamjogopa Une.

Luka 1:32

Jwalakwejo taciŵa jwamkulungwa ni tacikolanjidwa kuti Mwanace jwa Mlungu jwakwinani Mnope. Ambuje Mlungu tacimtenda jwalakwejo kuŵa mwenye mpela muŵaŵelele nangolo jwakwe Daudi

Luka 1:35

Lilayika lila lyajanjile kuti, “Msimu Ŵaswela taciyika pa m'mwejo nipo macili gakwe tigaciŵa pa m'mwejo. Ali ni ligongo lyakwe kuti mwanace jutacipagwajo taciŵa jwamswela; tacikolanjidwa kuti Mwanace jwa Mlungu.

Luka 1:76

Sambano m'mwe mwanangu timcikolanjidwa ni Mlungu kuti mli jwakulocesya jwakwe, ligongo timcilongolela pasogolo pa Ambuje kukolosya cile matala gakwe.

Masengo 12:23

Papopo lilayika lya Ambuje, lyamputile Helodi ni ŵagwile pasi ligongo nganapeleka ulemu kwa Mlungu. Mbisu syamlile nipo ŵawile.

Ŵaloma 11:33

Cipanje ca Mlungu cili cekulungwa nditu. Lunda ni umanyilisi wakwe yili yakusokoka mnope. Pangali ŵa mpaka alondesye nganisyo syakwe, pangali ŵa mpaka agapikanicisye matala gakwe.

Yakobo 2:13

Mundu jwalijose jwakulamula mwa ngalwe, Mlungu soni tacimlamula mwa ngalwe. Nambo jwalijose jwakusatendaga canasa akasajogopa kulamula kwa Mlungu.

1 Petulo 4:12

Acalongo acimjangu ŵakunonyelwa, mkasimonga pa yipwetesi yimkulinjidwa nayo, mpela kuti cine cakwe ca cilendo cikutendecekwa kwa jemanja.

1 Yohana 3:13

Acalongo acimjangu mwa Ambuje, mkasimonga naga ŵandu ŵakwegamila ya pacilambo capasi pano akumŵenga jemanja.