Jwak 5:4 - Chiyawo Bible

⁴ Myoyo pamkulumbila kwa Mlungu, mcitendeje cinduco mwacitema, ligongo Mlungu jwangasangalala ni ŵandu ŵakuloŵela. Myitende yindu yimlumbileyo.

Jwak 5:4 Iomraidhean Croise

Genesesi 28:20

Kaneko Yakobo ŵalumbile kwa Mlungu kuti, “Naga akutama ni une ni kunjinjilicisya pa ulendo wanguwu ni kuja kusunga kungwawulaku, ni soni kumba yakulya ni yakuwala,

Genesesi 35:1

Myoyo Mlungu ŵamsalile Yakobo* kuti, “Nyakukani citemacitema, mjawule ku Beteli, mkatameje kweleko. Mkataŵe kweleko malo gakupelecela mbopesi kwa une, Mlungu jwenu junamwonecele pa ndaŵi jimwatilaga Esawu akulu ŵenu.”

Genesesi 35:3

Uweji citutyoce akuno kwawula ku Beteli, kwele kutingataŵe malo gakupelecela mbopesi kwa Mlungu juŵangamucisye une mu ndaŵi ja yisawusyo yangu. Jwalakwejo ni Mlungu juŵaliji ni une kulikose kunaliji.”

Masalimo 116:14

Tinayitende yinalumbile kwa AMBUJE; pameso pa ŵandu ŵakwe wosope.

Masalimo 119:106

Nalumbile, ni kusimicisya, kuti tinjigasunga majiganyo gawo gagoloka.

Masalimo 22:25

Tinjalumba ŵalakwe pa msongano wawukulungwa ligongo lya yosope yandendele une. Yilanga yinaŵisile tinjiyitenda pameso pa ŵandu wosope ŵakwajogopa ŵalakwe.

Masalimo 50:14

Nambo mpelece kwa Mlungu, mbopesi syenu syakutogolela; ni mtende yimwalumbile kwa Ŵakwinani Mnope.

Masalimo 76:11

Lumbilani kwa AMBUJE* Mlungu jwenu, ni kuyitenda yele yimlumbilileyo; jemanja ŵa ngosyo ŵimŵandicile mjigale mituka jenu kwa jwalakwe jwakwenela kumjogopa.

Misyungu 20:25

Mganicisye cenene mkanimtende cilanga* cakupeleka mbopesi kwa Mlungu, ligongo mwine mtakucenga nganisyo syenu panyuma pakwe kutendaga mli mlumbile kala.

Yesaya 19:21

AMBUJE tacililosya jika kwa Aiguputo, nipo jemanja tacamanyilila AMBUJE pa lisiku lyelelo. Tacalambila AMBUJE pakutaga mbopesi soni kupeleka yakupeleka. Tacitenda cilanga cacikulungwa ni AMBUJE nipo taciyilondesya ya mcilangaco.

Yona 2:9

Nambo une tinjipeleka mbopesi kwa ŵalakwe ni maloŵe gakutogolela, yinatesile cilanga* kwa ŵalakwe tinjiyitenda nditu. Cikulupusyo cikusatyocela kwa ŵalakwe.”

Mala 1:10

Myoyo AMBUJE Ŵamaciligosope akupitilisya kuŵeceta kuti, “Yikaliji cenene mnope kuti jumo jwa jemanja awugale matanga ga Nyumba jangu, kogopela kuti jine jwa jemanja akapamba moto wangali mate pa malo gangu gakupelecela mbopesi. Ngingusengwa ni jemanja; ngisimbocela yakupeleka yenu yimkwika nayo kwa une.

Numeli 30:2

kuti naga mundu jwamlume alumbile kuti tacipeleka cindu kwa AMBUJE* kapena alumbile kuti tacitendadi cindu akakasa kulumbila* kwakweko. Nambo kuti atende yosope yiŵalumbileyo.

Matayo 5:33

“Mwapikene soni kuti ŵandu ŵakala ŵala ŵalamwile kuti, ‘Mkalumbila mwa unami, nambo myitendeje mpela yimwatite pakutenda cilanga* kwa Ambuje pakulumbila kwenu.’

Ŵaeblania 10:6

Ŵalakwe nganasangalala ni mbopesi syakoca syambumbu kapena mbopesi syakutyosya ulemwa.

Ŵakulamula 11:35

Piŵagambile kumwona, ŵapapwile yakuwala yakwe mwacanasa ni ŵatite, “Ha! Mwanangu! M'mwe mkasile mtima wangu! Ligongo cici yili myoyo kuti ni m'mwejo ŵimkumbwetekasya une? Une ndesile kala cilanga kwa AMBUJE, ni ngaŵa mkomboleka soni kucenga!”