Jwak 5:2 - Chiyawo Bible

² Mtandeje kuganisya mkaniŵecete, soni mkalumbilaga mwacitema kwa Mlungu. Pakuti jwalakwejo ali kwinani, nipo m'mwejo mli pa cilambo capasi pano, myoyo mkaculuyaga yakuŵeceta.

Jwak 5:2 Iomraidhean Croise

Genesesi 18:27

Abulahamu ŵajanjile kuti, “Nginguŵajilwa kuŵeceta ni ŵalakwe AMBUJE une ndili mundu wamba.

Genesesi 18:30

Abulahamu ni ŵatite, “Conde, AMBUJE mkasimundumbilila, patimbecete soni kuti, nambi naga ŵandu 30 ŵangalemwa mli mwasimene mu msindamo?” Mlungu ni ŵatite, “Nganjakuwujonanga msindawo naga ndili nasimene ŵandu 30 ŵangalemwa.”

Genesesi 18:32

Abulahamu ŵatite, “Conde, AMBUJE mkatumbila, timbecete soni kampepe, nambi naga mlimwasimene ŵandu ŵangalemwa likumi?” Mlungu ŵajanjile kuti, “Naga ngasimane ŵandu ŵangalemwa likumi nginjakonanga msindawo.”

Genesesi 28:20

Kaneko Yakobo ŵalumbile kwa Mlungu kuti, “Naga akutama ni une ni kunjinjilicisya pa ulendo wanguwu ni kuja kusunga kungwawulaku, ni soni kumba yakulya ni yakuwala,

Genesesi 28:22

Liganga lya cikumbukumbu linalijimice apanoli, tiliciŵa nyumba jenu, une tinjipeleka kwa ŵalakwe mbuwa ja ca likumi pa yindu yiliyose yitacimba uneji.”

Masalimo 115:3

AMBUJE ŵetu ali kwinani; akusatenda cilicose cakusaka.

Misyungu 10:19

Mkutupa kwa maloŵe, ngaŵa mkusoŵa yakulemweceka, nambo mundu jwakutaŵa pakamwa ni jwalunda.

Misyungu 20:25

Mganicisye cenene mkanimtende cilanga* cakupeleka mbopesi kwa Mlungu, ligongo mwine mtakucenga nganisyo syenu panyuma pakwe kutendaga mli mlumbile kala.

Jwak 10:12

Maloŵe ga mundu jwalunda gakusasangalasya, nambo maloŵe ga mundu jwakuloŵela gakusajonanga.

Jwak 10:13

Jwakuloŵela akusatanda kuŵeceta maloŵe gakuloŵela, pambesi pakwe maloŵe gakwe gakusagamba kuŵa ga masoka basi.

Jwak 5:3

Naga mkupunda kudandawula mu mtima mwenu kudandawulako kukusayika ni sagamisi syakusakala, soni kuculuya yakuŵeceta kukusaloŵesya.

Jwak 5:7

Sagamisi naga situpile yakuŵeceta ya ŵandu nombe nayo yikusaŵa yejinji. Nambo m'mwejo mumjogopeje Mlungu.

Yesaya 55:9

Muyiŵelele kuti, kwinani kuli kwakutalicilana ni cilambo capasi myoyo soni kuti matala gangu gali gakutalicilana ni ga jemanja soni nganisyo sya Une ni sya jemanja.

Lefitiko 5:4

Naga mundu akulemwa pakulumbila mwangaganicisya cenene, kuti tacitenda cindu cakusakala kapena cambone, kulumbila* kwa mtundu uliwose wakusatenda ŵandu, ni pakulumbilapo ngakumanyilila yisawusyo yakwe yakuyicisya, naga mundujo panyuma pakwe akumanyilila kuti alemwisye, soni mundujo ali jwamsakale.

Matayo 6:7

“Pimkupopela, kasimgambaga kuwilisyawilisya mpela mwakusatendelaga ŵandu ŵakusa. Jemanjajo akusaganisyaga kuti naga akuculuya maloŵe iyoyo, ni kuti Mlungu tiŵapikane.

Matayo 6:9

Pandaŵi jimkupopela mjileje myi: ‘Atati ŵetu ŵakwinani: Lina lyawo licimbicikwe.

Maliko 6:23

Soni ŵaŵecete mwakulumbila kuti, “Cilicose citimumbende une, tinampe, atamose kumkatila pacilikati cilambo cangu cino.”

Yakobo 3:2

Wosopewe tukusalemwa mu yindu yejinji. Naga pana jwine jwangalemwa pakuŵeceta, ni kuti jwalakwejo aŵele jwakulungama, soni kuti jwele komboleka kucilamula cilu cakwe cosope.

Ŵakulamula 11:30

Yefita ŵatesile cilanga* kwa AMBUJE kuti: “Naga tambundisye pakwapunda Aamoni,