Jwak 5:13 - Chiyawo Bible

¹³ Pa cilambo capasi pano pana cindu cine cakogoya kwejinji cinaciweni une: ŵandu akusasunga mbiya nambo kaneko mbiyasyo sikusisyapweteka acimsyenewo,

Jwak 5:13 Iomraidhean Croise

Genesesi 19:14

Loti ŵakopwece kusa ni ŵajawile kwa acacanda ŵiŵasakaga kulombela ŵanace ŵakwe ŵacakongwe, ni ŵasalile kuti, “Janguyani, kwende tukopoce amuno, ligongo pasigele panandi kuti AMBUJE agajonanje malo agano.” Nambo jemanjajo ŵaliji mganicisya kuti Loti ŵaliji mkwelegula.

Luka 16:19

“Jwapali mundu jwine jwakusicila juŵawalaga yakuwala yakusalala ni ya mtengo wapenani, jwalakweju jwaliji mkusangalala pa kulya yakunong'a ndaŵi syosope.

Sefaniya 1:18

Silifa kapena golidi* jwawo ngasakombola kwakulupusya jemanjajo pa lisiku lya lutumbilo lwa AMBUJE. Ukali wakwe wa moto tiwucijoca cilambo cosope. Mwacisisimucisya tacamasya wosope ŵakutama mcilamboco.

Jwak 8:9

Nayiweni yosope yeneyi pa ndaŵi jinaganisyaga mu mtima mwangu yindu yosope yayikutendekwa pacilambo capasi pano. Pana ŵandu ŵakusiŵalamulilaga acimjawo mwa ngalwe.

Jwak 4:8

Jwapali mundu juŵaliji jikape, nganakola mwanace kapena mlongo mjakwe, nambo jwalakweju jwapitilisye kukamula masengo gakwe nipo nganajikutila ni yipanje yiŵakwete. Myoyo nganaliwusya kuti, “Ana masengo gosope gingukamulaga ni kulikanya kusangalala namsyene ngwakamulila ŵani?” Yeleyitu yili yangali mate soni yili yakutesya canasa.

Misyungu 11:4

Cipanje cangakamucisya kose pa lisiku lya kukutumbilila Mlungu, nambo cilungamo ni cikusamkulupusya mundu ku ciwa.

Misyungu 1:32

Ŵandu ŵakuloŵela akusawulajidwa ligongo lya kungapukana kwawo. Yisilu yikusalijonanga yisyenepe ligongo lya kulikwesya kwawo.

Misyungu 1:19

Jeleji ni mbesi ja umi wa ŵandu ŵaciswamba ŵakusapata yipanje mwa ngondo. Cipanjeco cikusicawulaga acimsyenepewo ŵakusacisonganya.

Genesesi 14:16

ŵasumwile yindu yawo yosope. Ŵawusile najo Loti, pamo ni yindu yakwe yosope, ni acakongwe ni ŵandu ŵane wosope ŵiŵakamwilwe mu ukayidi.

Luka 19:8

Nambo Sakeyo ŵajimi ni ŵamsalile Yesu kuti, “Ambuje, tinjipeleka hafu ja yipanje yangu kwa ŵandu ŵakulaga. Naga najigele kandu kalikose kwa mundu mwakulambusya tinjimwucisya jwalakwejo kacece.”

Yesaya 2:20

Pa lisiku lyelelo ŵandu tacijasa milungu jakupanganyidwa ja golidi ni silifa, yele ŵayipanganyisye kuti ayilambileje. Taciyijasa kugapa namfuko ni mileme.

Genesesi 19:26

Nambo ŵamkwawo Loti ŵagalawice kulola munyuma ni ndema jijojo ŵasandwice kuŵa lisugulu lya njete.

Yobu 20:20

Pakuti ŵakudodoloka, ngasakombola kusunga cilicose cakusasengwa naco.

Jwak 5:14

kaneko mbiyasyo sikusamala nipo mundujo akusasoŵa cakuti ŵape ŵanace ŵakwe.

Misyungu 23:4

Mkasimlipesya mwasyene kusosasosa cipanje, mlijiganye kutenda yindu mwa lunda soni kuwusimana mtima.

Misyungu 27:24

Pakuŵa cipanje cikusamala. Ana ucimwene ngawukusasamala mpaka mipago josope ja pasogolo?