Jwak 5:11 - Chiyawo Bible

¹¹ Naga yipanje yitupile, nombe ŵakulya nawo akusatupa. Nambi msyene akusapindula cici, eti gambaga kuyilola ni meso basi?

Jwak 5:11 Iomraidhean Croise

Genesesi 12:16

Mwenye jwa ku Iguputo ŵamtendele Abulamu yindu yambone yejinji ligongo lya jwamkongwejo, ŵampele ngondolo, ng'ombe, acibulu, ngamila* ni kwisa soni acikapolo ŵacalume ni ŵacakongwe.

Genesesi 13:2

Ndaŵi jeleji Abulamu ŵasicile kwejinji. Ŵakwete ngondolo, mbusi ni ng'ombe syejinji, nambo soni silifa* ni golidi* jwamjinji.

Misyungu 23:5

Pakwamba kupisya panandipe, basi tiwusimane kuti cipanje cipite, pakuŵa cikusatenda mpela cigambile kumela mapapiko mwacisisimucisya, ni kutanda kuguluka ulendo wa kwinani mpela nyanga.

Jwak 11:9

Acacanda, msangalaleje ni ucanda wenu. Mitima jenu jisangalaleje ndaŵi josope ja ucanda wenu. Elo, mkuyeje yiwukusaka mtima wenu ni yigakulola meso genu. Nambo mkwenela kumanyilila kuti Mlungu tacimlamula jemanja pa yimkutendayi.

Jwak 2:9

Myoyo naŵele mundu jwakupikanika mnope, kwapunda ayimwene wosope ŵaŵalamulilaga ku Yelusalemu kalakala, nambo naliji ciŵelape mundu jwalunda.

Jwak 5:12

Jwamasengo akusagona lugono lwambone atamose kuti alye panandi kapena kwejinji. Nambo ŵakusicila ŵangagona lugono ligongo lya yipanje.

Jwak 6:9

Kuli kwambone gambaga kuyilola yinduyi ni meso kulekangana ni kuyisakaga mu mtima. Yeleyi yili yangali mate.

Yelemiya 17:11

Mundu jwakusapata mbiya pakwajiŵila ŵandu ŵane, ali mpela cijuni cacikusawutamila ni kusosola mandanda gimkanigaŵa gakwe. Masiku mkanigatupe, yipanjeyo yikusiyim'malila, pambesi pakwe akusaŵa mpela jwakuloŵela.

Habakuku 2:13

Ana ngaŵa AMBUJE Ŵamaciligosope ni ŵiŵasimicisye kuti yele yiŵakamulisyaga ŵandu masengo yili mpela sasu pa moto, ŵandu ŵa mitundu josope ŵagambaga kulilagasya pangali cakupata.

1 Yohana 2:16

Pakuti yosope ya pasi pano, yilakolako ya mcilu, yindu yayikusakumbila meso, nambo soni kupocela ya umi awuno, yosopeyi nganiyiŵa yakutyocela kwa Atati, nambo yili yakutyocela ku ndamo jakusakala ja cilambo capasi.