Jwak 5:10 - Chiyawo Bible

¹⁰ Jwalijose jwakusanonyela mbiya jwangajikutila ni mbiyasyo, yalumo soni jwalijose jwakusanonyela yipanje jwangajikutila ni congola yala. Yeleyitu yili yangali mate.

Jwak 5:10 Iomraidhean Croise

Masalimo 52:1

Ligongo cici mkupoka ni masengo genu gakusakala m'mwe mundu jwamacili? Canasa ca Mlungu cili cangamala.

Masalimo 52:7

“Mumlole mundu jwangasaka kutilila kwa Mlungu, nambo ŵakulupilile winji wa cipanje cakwe, ŵalimbicile kutenda yakusakala.”

Masalimo 62:10

Mkakulupilila kuti ya ukoleko tiyimkamucisye. Mkasiganicisya kuti kwiŵa tikumpindulile, naga mkwete cipanje cejinji mkaŵika mtima wenu pa yeleyo.

Jwak 1:17

Nalinjile kulijiganya soni kulekangana kwakwe kwa umanyilisi ni kuloŵela, lunda ni masoka. Nambo nayiweni kuti kutenda myoyo kwaliji kwamba kulisawusya.

Jwak 1:8

Yindu yosopeyi yakupesya; mwakuti mundu ngaŵa mkupakombola kusala kupesya kwakwe; meso gangajikutila ni kulola, nombe nago mapikanilo gangajikutila ni kupikana.

Jwak 2:10

Nakwete cilicose cinasakaga. Nganinalijima namsyene yakusangalasyayo, pakuti mtima wangu ŵasangalalaga ni masengo gangu gosope ginagakamwile, nipo jeleji jaliji mbote jangu.

Jwak 2:11

Sambano natandite kuyiganisya yosope yinatesile, masengo gosope gakusitopesya ginakamwile, nayiweni kuti yosope yeneyo yaliji yangali mate, soni kwaliji kwamba kulisawusya. Pa cilambo capasi pangali cindu cakuti mundu ni kupindula naco.

Jwak 2:26

Mlungu akusapeleka lunda, umanyilisi ni lukondwa kwa mundu jwakusamsangalasya jwalakwejo. Nambo kwa mundu jwa ulemwa, Mlungu akusampa masengo ga kusonganya ni kusunga kuti yapatileyo yipelecedwe kwa mundu jwakumsangalasya Mlungu. Yeleyi soni yili yangali mate, nambo soni kuti uyipikanicisye kuli kwamba kulisawusya.

Jwak 3:19

Yindu yayikusatendekwa kwa ŵandu iyoyo soni yikusatendekwa kwa yinyama. Mundu akusaŵaga mucikusaŵela cinyama, soni yosopeyi yikusapumula mpweya umpepe, nipo pangali cakupunda cijakwe. Yosopeyi yili yangali mate.

Jwak 4:16

Mwenye komboleka kwalamulila ŵandu ŵajinji ŵangaŵalanjika, nambo jwalakwejo naga ali awile, pangali jwalijose jutacimtogolela jwalakwejo pa masengo gosope giŵatesile jwalakwejo. Yeleyitu yili yangali mate soni kuli kwamba kulisawusya.

Jwak 4:4

Kaneko namanyilile soni kuti uwe tusakamula masengo ni kutenda yindu yakusimonjesya ligongo lyakuti tukusatendelanaga wiwu. Yeleyi yili yangali mate, soni kuti uyipikanicisye kuli kwamba kulisawusya.

Jwak 4:8

Jwapali mundu juŵaliji jikape, nganakola mwanace kapena mlongo mjakwe, nambo jwalakweju jwapitilisye kukamula masengo gakwe nipo nganajikutila ni yipanje yiŵakwete. Myoyo nganaliwusya kuti, “Ana masengo gosope gingukamulaga ni kulikanya kusangalala namsyene ngwakamulila ŵani?” Yeleyitu yili yangali mate soni yili yakutesya canasa.

Jwak 5:9

Ŵandu wosope akusajigala yindu yagowola ya ku migunda, nambo mwenye ni ŵakusapindula mnope ni migundajo.

Jwak 6:7

Mundu akusakamula masengo kuti apate cakulya, nambo jwalakwejo ngayikusamkwanila.

Matayo 6:19

“Mkasiliwunjicila yipanje pa cilambo capasi pano, payili yijosolo ni mkuwo wakonanga yipanje yenu, nipo soni ŵawiyi akusapacukulanya ni kwiŵa.

Matayo 6:24

“Mundu ngaŵa mkupakombola kwatumicila acambuje ŵaŵili, pakuti pane taciŵengana ni jumojo ni kumnonyela jwinejo. Pane tacilipeleka mnope kwa jumojo ni kumnyosyaga jwinejo. Ngaŵa mkupakombola kutumicila wosope ŵaŵili, Mlungu ni yipanje.

Luka 12:15

Kaneko Yesu ŵapitilisye kuŵeceta ni ŵandu ŵala kuti, “Mkalamuce, soni mligose pakukumbila yindu yiliyose, pakuti atamose mundu akole yipanje yejinji, yeleyo ngaŵa mkukulupusya umi wa mundujo.”

1 Timoseo 6:10

Pakuti kunonyela mbiya uli mciga wa yakusakala yosope. Ligongo lyakwika mtima pa mbiya, ŵandu ŵane ŵasocelele, ni kuleka litala lya cikulupusyo, nipo m'malo mwakwe ŵalijigalile yipwetesi m'mitima mwawo.