Jwak 5:1 - Chiyawo Bible

¹ Msamaleje wende wenu pa ndaŵi jimkwawula ku Nyumba ja AMBUJE.* Kuli kwambone kwawula kweleko kukulijiganya kulekangana ni kupeleka mbopesi ja ŵandu ŵakuloŵela ŵingakumanyilila kuti yakutendayo yili yakusakala.

Jwak 5:1 Iomraidhean Croise

2 Mbi 26:16

Usiya ŵatandite kulinonyela ligongo lya macili giŵakwete, yeleyi yatendesye kuti alepele. Ŵalakwewo ŵaliji ŵangakulupicika kwa AMBUJE, Mlungu jwawo, lyuŵa line ŵajinjile m'Nyumba ja AMBUJE kukutinisya ubani* pa malo gakutinicisya ubani.

Yobu 22:12

Ana eti Mlungu akusatama kwinani kwanawula? Mlole ndondwa sili mwinani mnopesyo, mlole kutalika kwakwe pa malo pasilipo.

Masalimo 89:7

AMBUJE ni jwakwenela kumjogopa mu msongano ŵa ŵandu ŵaswela mtima, nijo jwamkulungwa ni jwakucimbicikwa pasikati pa wosope ŵakumsyungulila.

Ekisodo 3:5

Mlungu ni ŵatite, “Mkaŵandicila akuno, wulani sapato sili ku sajo syenu, pakuŵa malo gamjimigo gali gamaswela.”

Ekisodo 30:18

Mkapanganye libeseni lya kunaŵila lya cisyano ca kopa,* ni cakutamicila libesenilyo ca cisyano ca kopa. Mkaliŵice pasikati pa citenti cakusimanilana ni malo gakupelecela mbopesi, nipo mkateje mesi.

Misyungu 10:19

Mkutupa kwa maloŵe, ngaŵa mkusoŵa yakulemweceka, nambo mundu jwakutaŵa pakamwa ni jwalunda.

Misyungu 15:8

Mbopesi ja ŵandu ŵakusakala jikusijanyalaya AMBUJE, nambo lipopelo lya ŵandu ŵakulungama likusilyasangalasya.

Misyungu 21:27

Mbopesi ja ŵandu ŵakusakala jikusijanyalaya AMBUJE, mnopemnope pati ajipelece ni cakulinga cakusakala.

Yesaya 66:3

“Nambo pana ŵane ŵakusagamba kutenda yakwanonyela jika. Kwa jemanjajo nganiyiŵa yakulekangana kupeleka ng'ombe jajilume mpela mbopesi kapena kuwulaga mundu, kuwulaga mwanace jwangondolo kuti apelece mbopesi kapena kuwulaga m'mbwa, kupeleka cakupeleka ca yakulya kapena kupeleka miasi ja liguluŵe, kupeleka mbopesi ja ubani* ja cikumbukumbu mwine kujilambila milungu jakupanganyidwa ni ŵandu. Ŵandu ŵeleŵa umi wawo wukusanonyela yindu yakusakala.

Lefitiko 10:3

Papopo Mose* ŵamsalile Aloni kuti, “Ayi ni yiŵasasile AMBUJE yila kuti, ‘Wosope ŵakundumicila Une mpela ŵakutaga mbopesi awucimbicisye uswela wangu. Ni tinjiŵa jwakucimbicikwa pameso pa ŵandu ŵosope.’ ” Nambo Aloni ŵatemi jii ngaŵeceta kandu.

Masengo 10:33

Ni ligongo lyakwe namŵilasile, nipo atesile cenene pa kwikapa. Sambano wosope tuli apano pameso pa Mlungu kuti tupikane yosope yele Ambuje yiŵatumile ŵalakwe kuti atusalile.”

Masengo 17:11

Ŵandu ŵa kweleko ŵaliji ŵawuguce nganisyo kupunda ŵandu ŵa ku Atesalonika. Jemanjajo ŵapikanicisyaga maloŵe ga Mlungu ni lung'wanu, mwakuti lisiku ni lisiku ŵaliji mkuŵalanga Malemba kuti alole naga yaliji yakuwona yele Paulo ni Sila ŵalalicilaga.

1 Akoli 11:22

Ana nginimkola majumba gakuti mkalileje ni kumwelamo? Ana kapena mkusosa kuwucembulusya mpingo wa Mlungu ni kwatesya soni ŵandu ŵele ŵali ŵakusoŵa? Ana mkwembecela kuti mbecete cici ya yeleyi? Ana nimlumbe jemanja? Pa yeleyi une ngaŵa kumlumba.

Ŵaeblania 10:26

Pakuti pangali mbopesi jele jimpaka jikombole kutyosya soni ulemwa wetu naga tukupitilisya soni kulemwa mwamelepe, tulimkumanyilila yakuwona yisyesyene.

Yakobo 1:19

Acalongo acimjangu ŵakunonyelwa, mundu jwalijose akwenela kuŵa jwacitema kupikana, jwakokoŵa kuŵeceta, soni jwangatumbila citema,

Yoswa 5:15

Nipo jwakulamulila jwa ŵa ngondo ŵa AMBUJE ŵamsalile kuti, “Ulani sapato syenu; pakuti pimjimipo gali malo geswela.” Nipo Yoswa ŵatesile mpela muŵamsalililemo.