Jwak 4:8 - Chiyawo Bible

⁸ Jwapali mundu juŵaliji jikape, nganakola mwanace kapena mlongo mjakwe, nambo jwalakweju jwapitilisye kukamula masengo gakwe nipo nganajikutila ni yipanje yiŵakwete. Myoyo nganaliwusya kuti, “Ana masengo gosope gingukamulaga ni kulikanya kusangalala namsyene ngwakamulila ŵani?” Yeleyitu yili yangali mate soni yili yakutesya canasa.

Jwak 4:8 Iomraidhean Croise

Genesesi 2:18

Kaneko AMBUJE Mlungu ŵatite, “Nganiciŵa cindu cambone kuti mundu aŵe jika. Tinampanganyicisye mjakwe jwakuti amkamucisyeje.”

Masalimo 39:6

Kusyene, mundu akwenda mpela ciwilili, akulaga ni yindu yangali mate kose, mundu akusasalasya cipanje, nambo ŵitacilya cele cipanjeco, ngakumanyika.

Masalimo 39:7

AMBUJE, ana sambano ngulindilila cici? Cikulupi cangu cili pa ŵalakwe.

Misyungu 27:20

Ciwa ni malembe yangajikuta, nombe nago soni meso ga mundu ngigakusajikutila.

Jwak 1:13

Mu mtima mwangu nasacile kupikanicisya mnope yosope yene yayikusatendekwa pa cilambo capasi pano. Aga ni masengo gakusawusya giŵatupele Mlungu kuti tutendeje.

Jwak 1:8

Yindu yosopeyi yakupesya; mwakuti mundu ngaŵa mkupakombola kusala kupesya kwakwe; meso gangajikutila ni kulola, nombe nago mapikanilo gangajikutila ni kupikana.

Jwak 2:21

Ndaŵi sine pakusasimanikwa kuti mundu jwakamwile masengo mwakulajilila ni mwa lunda lwakwe, akusamlecela yosope yeneyo mundu jwine jwanganayikamulila masengo. Yeleyitu yili yangali mate, nambo soni nganiyiŵa yambone.

Jwak 2:23

Pa masiku gakwe gosope gakusaŵaga ga yipwetesi soni gakudandawulisya. Atamose cilo mtima wa mundujo ŵangapumula ligongo lya masengo. Yeleyi soni yili yangali mate.

Jwak 4:7

Naciweni soni cindu cine cacili cangali mate pa cilambo capasi pano.

Jwak 5:10

Jwalijose jwakusanonyela mbiya jwangajikutila ni mbiyasyo, yalumo soni jwalijose jwakusanonyela yipanje jwangajikutila ni congola yala. Yeleyitu yili yangali mate.

Jwak 5:9

Ŵandu wosope akusajigala yindu yagowola ya ku migunda, nambo mwenye ni ŵakusapindula mnope ni migundajo.

Yesaya 5:8

Likungu kwa jemanja ŵimkusagamba kusuma nyumba ŵele ŵakusagamba konjecesya migunda, mpaka kusumula malo gosope, kuti cilambo cosope ciŵe ca jemanjape.

Yesaya 55:2

Ana ligongo cici mkonanga mbiya syenu kusuma yindu yangalya? Ana ligongo cici malipilo genu mkusuma yindu yangaŵa kwikutisya? Mpikane, ni kutenda yinguŵeceta Une, mlyeje yakulya yambone, mlinonyelesyeje ni yakulya yakunakana.

Matayo 11:28

“Myice kwangune, jemanja wosope ŵakupela ni ŵakusitopelwa, nipo tinampumusye.

Luka 12:20

Nambo Mlungu ŵamsalile jwalakwejo kuti, ‘Ŵakuloŵela m'mwe! Umi wenu tiniwusose cilo cino. Ana nambi yindu yosope yimwalisunjileyi tiyiŵe ya ŵani?’ ”

1 Yohana 2:16

Pakuti yosope ya pasi pano, yilakolako ya mcilu, yindu yayikusakumbila meso, nambo soni kupocela ya umi awuno, yosopeyi nganiyiŵa yakutyocela kwa Atati, nambo yili yakutyocela ku ndamo jakusakala ja cilambo capasi.