Jwak 4:4 - Chiyawo Bible

⁴ Kaneko namanyilile soni kuti uwe tusakamula masengo ni kutenda yindu yakusimonjesya ligongo lyakuti tukusatendelanaga wiwu. Yeleyi yili yangali mate, soni kuti uyipikanicisye kuli kwamba kulisawusya.

Jwak 4:4 Iomraidhean Croise

Genesesi 26:14

Jwalakwe ŵakwete ngondolo, ng'ombe ni ŵamasengo ŵajinji mwakuti Afilisiti ŵamtendele litima.

Genesesi 31:1

Yakobo* ŵapikene kuti ŵanace ŵacalume ŵa Labani ŵaliji mkudandawula kuti, “Yakobo sambano asicile, nipo acipatile cipanje cosope kutyocela mcipanje ca baba wetu.”

Misyungu 27:4

Kutumbila kukusakutendekasya ugwe kuŵa jwa ngalwe, kupya mtima kukusakutendekasya yindu yakogoya.

Jwak 1:14

Nayiweni yindu yosope yayikutendekwa pa cilambo capasi pano, nipo ngumsalila kuti yosope yili yangali mate, soni kuyisosa yeleyo kuli mpela kwamba kulisawusya.

Jwak 1:17

Nalinjile kulijiganya soni kulekangana kwakwe kwa umanyilisi ni kuloŵela, lunda ni masoka. Nambo nayiweni kuti kutenda myoyo kwaliji kwamba kulisawusya.

Jwak 2:21

Ndaŵi sine pakusasimanikwa kuti mundu jwakamwile masengo mwakulajilila ni mwa lunda lwakwe, akusamlecela yosope yeneyo mundu jwine jwanganayikamulila masengo. Yeleyitu yili yangali mate, nambo soni nganiyiŵa yambone.

Jwak 2:26

Mlungu akusapeleka lunda, umanyilisi ni lukondwa kwa mundu jwakusamsangalasya jwalakwejo. Nambo kwa mundu jwa ulemwa, Mlungu akusampa masengo ga kusonganya ni kusunga kuti yapatileyo yipelecedwe kwa mundu jwakumsangalasya Mlungu. Yeleyi soni yili yangali mate, nambo soni kuti uyipikanicisye kuli kwamba kulisawusya.

Jwak 4:16

Mwenye komboleka kwalamulila ŵandu ŵajinji ŵangaŵalanjika, nambo jwalakwejo naga ali awile, pangali jwalijose jutacimtogolela jwalakwejo pa masengo gosope giŵatesile jwalakwejo. Yeleyitu yili yangali mate soni kuli kwamba kulisawusya.

Jwak 6:11

Maloŵe naga gakutupa, nombe nayo yangali mate yikusatupa. Nambi mundu tapindulepo cici?

Jwak 6:9

Kuli kwambone gambaga kuyilola yinduyi ni meso kulekangana ni kuyisakaga mu mtima. Yeleyi yili yangali mate.

Matayo 27:18

Ŵatite myoyo ligongo Pilato ŵamanyilile kuti acakulungwa ŵa Ayudawo agambile kumpeleka Yesu ligongo lya wiwu basi.

Masengo 7:9

“Acinangolo ŵetuwo ŵamtendele wiwu Yosefe mpwawojo nipo ŵamsumisye kuti akaŵe kapolo ku Iguputo. Nambo Mlungu ŵaliji najo,

Yakobo 4:5

Ana mkupela kuti yiyalembedwe m'maloŵe ga Mlungu yili yangali mate, yayikuti, “Mlungu akusawusosa ni wiwu, msimu wele Ŵalakwewo ŵawuŵisile kuti utameje mwa uweji?”

1 Yohana 3:12

Tukaŵa mpela Kaini juŵaliji jwakusakala jula, soni ŵawuleje mlongo mjakwe. Ana ligongo cici Kaini ŵamwuleje mlongo mjakwe Abele? Ŵamwuleje ligongo lyakuti yitendo ya mlongo mjakwe yaliji yakulungama, nambo ya jwalakwejo msyene yaliji yakusakala.