Jwak 3:8 - Chiyawo Bible

⁸ Pana ndaŵi jakunonyelana ni ndaŵi jakuŵengana, pana ndaŵi ja ngondo ni ndaŵi ja mtendele.

Jwak 3:8 Iomraidhean Croise

1 Ayi 5:4

Nambo sambano AMBUJE Mlungu jwangu ambele une mtendele kumbali syosope sya malile ga cilambo cangu. Nganingola amagongo ŵaliwose kapena cakusawusya cilicose.

2 Ayi 9:22

Yolamu ŵamwusisye Yehu kuti, “Ana mkwika kukunguluka ni uneji mwa mtendele?” Jwalakwejo ŵajanjile kuti, “Ana mtendele mpaka upatikane uli, pakuŵa ŵandu ali ciŵela kujipopela milungu ja cilendo ni kutenda yindu ya usaŵi, yiŵayitandite mama ŵenu Yesebele.”

2 Mbi 19:2

Jwakulocesya* Yehu, mwanace jwa Hanani ŵajile kuwonegana nawo nipo ŵasalile mwenyewo kuti, “Ana akuganisya kuti cili cindu cambone kwakamucisya ni kuŵa nawo mbali jimo ŵandu ŵakusakala ni ŵakuŵengana ni AMBUJEŴA? Ligongo lya yeleyi lutumbilo lwa AMBUJE* tiluŵe pa wawo.

Masalimo 101:3

Ngasindola kose cindu cakusakala pameso pangu. Ngusaŵengana ni yitendo ya ŵandu ŵakwaleka ŵalakwe, ngayikunonyela kose.

Masalimo 105:25

AMBUJE ŵajijumwisye mitima ja amagongo ŵawo kuti aŵengane ni Aisalaeli; pakwatendela upandu ŵakutumicila ŵakwe.

Masalimo 139:21

Ana nganguŵengana nawo ŵandu ŵakwaŵenga ŵalakwe AMBUJE? Ana ngati akunyalaya ŵandu ŵakwajimucila ŵalakwe?

Misyungu 13:5

Mundu jwakunonyela Mlungu akusaŵengana ni ya unami, nambo yakutenda ya ŵandu ŵakusakala yikusasakalisya nipo yikusatesya soni.

Esek 16:8

“Katema kinapitaga pimwaliji m'mwejo soni, nayiweni kuti ndaŵi jenu jakuŵa peŵasa jikwanile. Namwunicile mkanjo wangu kusisa umakonope wenu. Natesile namwe cilanga* ca ulombela, ni mwaliji ŵa une. Ayi ni yiŵatite AMBUJE Mlungu.

Luka 14:26

“Naga jwalijose akusaka kuŵa jwakulijiganya jwangu, akwenela kunonyela une kwapunda babagwe ni mamagwe, ŵamkwakwe ni ŵanace ŵakwe, acakulugwe ni acalumbugwe, soni kuwupunda atamose umi wakwe.

Ŵaefeso 3:19

Kusyene ngupopelela kuti m'manyilile cinonyelo ca Klistu cakupunda lunda lwa ŵandu, kuti mgumbalilwe mnope ni umi wa Mlungu msyene.

Ŵaefeso 5:25

Jemanja acalume, mwanonyeleje aciŵamkwenu, mpela muŵawunonyelele Klistu mpingo, ni ŵalipelece ligongo lya mpingowo.

Tito 2:4

kuti pakutenda myoyo apakombole kwajiganya acakongwe ŵacanandi kuti ŵanonyeleje aciŵamkwawo ni ŵanace ŵawo,

Yoswa 11:23

Yoswa ŵasumwile cilambo cosope, mpela muŵamlamulile AMBUJE, Mose. Yoswa ŵacipelece kwa Aisalaeli kuŵa cawocawope nipo ŵacigaŵenye m'maupande, upande umo ku lukosyo lululose. Pakumalicisya pakwe mwaliji mwana mtendele mcilambomo.

Chunukuko 2:2

Ngumanyilila yosope yimtesile. Ngumanyilila kuti mŵele mli mkukamula masengo mwakulimbangana ni yimtesile pakupimilila. Ngumanyilila soni kuti ngimwalecelela ŵandu ŵa ulemwa. Mwalinjile kala ŵandu ŵakusalikolanga kuti ndumetume nambo ali nganaŵa, nipo asimanikwe kuti ali ŵa unami.