Jwak 3:7 - Chiyawo Bible

⁷ Pana ndaŵi jakupapula ni ndaŵi jakutota, pana ndaŵi jakutama jii ni ndaŵi jakuŵeceta.

Jwak 3:7 Iomraidhean Croise

Genesesi 37:29

Lubeni piŵawujile ku cisima kula, ŵasimene kuti Yosefe mwaliji mwangali, nipo ŵapapwile yakuwala yakwe ligongo lya canasa.

Genesesi 37:34

Yakobo ŵapapulenye yakuwala yakwe, ni ŵawete ciguduli mciwunu, ligongo lya canasa. Ŵalisile malilo ga mwanagwawo kwa masiku gamajinji.

Genesesi 44:18

Papopo Yuda ŵasejelele kuŵaliji Yosefe ni ŵamsalile kuti, “Pepani ambuje, conde angunde une kuti mbecete ni wawo. Conde akambila mtima, pakuŵa ŵalakwe akwete ulamusi mpela mwaŵelele Mwenye jwa ku Iguputo kuno.

Genesesi 44:34

Ana une komboleka uli kwawula kwa baba ŵangu ndili jwangali mcandaju? Uneji ngakomboleka kupilila kuti naliwone likungu lyalikulungwa mnope lili mkwagwila baba ŵangu.”

2 Sam 1:11

Papopo Daudi ŵapapwile yakuwala yakwe. Nombe nawo ŵandu ŵaŵaliji nawo ŵatesile iyoyopeyo.

2 Sam 3:31

Ni Daudi ŵamsalile Yowabu ni ŵandu wosope ŵiŵaliji nawo kuti, “Papulani yakuwala yenu, ni m'wale yiguduli, kuti mlile malilo ga Abinele.” Mwenye Daudi msyene ŵakuyaga ŵandu ŵiŵanyakwile mtembowo.

1 Ayi 21:27

Ahabu piŵagapikene gele maloŵego, ŵapapwile yakuwala yakwe, ni ŵawete yiguduli, ŵakanile kulya, ni ŵagonile pa yiguduliyo. Nipo ŵajesile mwakudandawula ni mwakulinondiya.

2 Ayi 18:36

Nambo ŵandu ŵagambile kutama jii, ngajanga kandu mpela muŵasalilile Mwenye Hesekiya, kuti akajanga kandu kalikose.

2 Ayi 5:7

Mwenye jwa ku Isalaeli piŵamasile kuŵalanga cikalataco, ŵapapwile yakuwala yakwe ligongo lya canasa, ni ŵatite, “Ligongo cici mwenye jwa ku Siliya akunembela une cikalata cakuti namposye aju munduju? Ana akupela uneji Mlungu, jwakwete macili ga kuwulaga ni kupeleka soni umi? Yacimanyicile kuti jwalakweju akusosa magongo gakusaka kutandana ni uneji.”

2 Ayi 6:30

Mwenye piŵapikene maloŵe ga jwamkongwejo, ŵapapwile yakuwala yakwe ligongo lya canasa, ŵandu ŵiŵaŵandicile lipupa liŵajendaga mwenye lila, ŵam'weni jwalakwejo kuti ŵawete ciguduli mkati mwa yakuwala yakwe.

Esitele 7:4

Pakuti mundu jwine atusumisye, une pamo ni ŵandu ŵangu kuti tuwulajidwe. Akatusumisye mpela acikapolo, ngamkanimbeceta cilicose, pakuti yisawusyo yetu ngimkiniyiŵa yakuti wawo mwenye alajeje nayo.”

Yobu 2:13

Jemanjajo ŵatemi ni Yobu kwa masiku msano ni gaŵili cilo ni musi wakwe, nambo pangali juŵaŵecete ni Yobu liloŵe lililyose pa jele ndaŵiji ligongo lyakuti jemanjajo ŵaliji mkumanyilila kuti Yobu ali pa yipwetesi yekulungwa.

Masalimo 39:2

Natemi jii ngaŵeceta kandu kalikose, natemi pee, nambo pangali cakupata, ligongo yisawusyo yangu yagambaga kulilakulila,

Jwak 3:6

Pana ndaŵi jakusosasosa ni ndaŵi jakwasa mwa ngosi, pana ndaŵi jakusunga ni ndaŵi jakwasa.

Yesaya 36:21

Nambo ŵandu ŵagambile kutama jii, nganajanga kandu kalikose, ligongo Mwenye Hesekiya ŵasalile kuti, “Mkasimumjanga iyayi.”

Yelemiya 36:24

Nambo mwenye kapena jwine jwalijose mwa nduna syakwe sisyapikene maloŵe gelega, nganatenda woga kapena kupapula yakuwala yawo.

Yelemiya 8:14

Ŵandu ŵa Mlungu akusawusya kuti, “Ana ligongo cici tugambile kutama?” “Kwende pampepe tutilile ku misinda kucinjilicisidwa ni mapupa, kuti tukawile kukoko. AMBUJE Mlungu jwetu alamwile kuti tukwenela kuwa, atumwesisye mesi ga ululu pakuti tumlemwecesye.

Malilo 3:28

Katema katutuŵeje m'yisawusyo, tutameje mwakupimilila soni ngatenda lisegwe.

Yoweli 2:13

Mpapule mitima jenu, ngaŵa yakuwala yenupe basi kulosya canasa cenu.” Mwujile kwa AMBUJE, Mlungu jwenu, pakuti jwalakwejo ali jwa canasa ni jwambone mtima, jwangatumbila mwacitema ni jwa canasa cangacenga. Jwalakwejo ali jwa cile kululuka.

Amosi 5:13

Myoyo pa ndaŵi mpela jeleji, mundu jwakalamuka akaŵeceta cilicose ligongo jili ndaŵi jakusakala.

Amosi 8:3

Pa lisiku lyelelyo nyimbo sya m'majumba ga ucimwene tisicisanduka kulila. Mitembo ja ŵandu tijicitupa. Tacijasidwa mwa kacetecete.”

Mika 7:5

Jwine akakulupilila mwa mnasi jwakwe, akadalila mwa ajakwe ŵa pa mtima. Jwalijose akalamuce ni pakamwa pakwe, atamose pa ndaŵi jakuŵeceta ni ŵamkwakwe ŵene.

Masengo 4:20

Uwe ngatuleka kuŵeceta yele yitwayiweni ni kuyipikana.”

Masengo 9:39

Pelepo Petulo ŵalongene nawo pampepe. Piŵayice, ŵampecesye ku cipinda ca mwinani cila. Acakongwe ŵamasije* wosope, ŵamsyungulile acililaga ni mkulosyaga malaja ni yakuwala yine yiŵatotile Dolika ali cijumi.

1 Sam 10:16

Saulo jwatite, “Samuele atusalile uwe cenenepe kuti acibuluwo ŵasimanikwe.” Nambo Saulo nganamsalila mlongo mjawo jwa babagwe jula ya ngani jakwayana ni ya ucimwene jila jele Samuele ŵamsalile Saulojo.