Jwak 3:22 - Chiyawo Bible

²² Myoyo nayiweni kuti pangali cindu cambone cakupunda kuti mundu asangalalileje masengo gakwe, pakuti cakwe cisyesyene ni celeci. Ana ŵani mpaka apakombole kumanyilila yitiyicimtendekwela pitaciwa?

Jwak 3:22 Iomraidhean Croise

Yobu 14:21

Ŵandu akusiŵacimbicisya ŵanace ŵa jwakuwajo, nambo jwalakwejo akusaŵa ali jwangamanyililila kane kalikose. Ŵandu ŵane pakwatendesya jemanjajo soni, ŵelewo ŵangayiwona.

Jwak 10:14

Jwakuloŵela akusagamba kuculuya maloŵe, ana ŵani ŵitacimanyilila yitiyicitendekwa msogolo pitaciwapo?

Jwak 11:9

Acacanda, msangalaleje ni ucanda wenu. Mitima jenu jisangalaleje ndaŵi josope ja ucanda wenu. Elo, mkuyeje yiwukusaka mtima wenu ni yigakulola meso genu. Nambo mkwenela kumanyilila kuti Mlungu tacimlamula jemanja pa yimkutendayi.

Jwak 2:18

Masengo gangu gosope ginatesile pa cilambo capasi pano nganigambindulila une, ligongo namanyilile kuti ngwenela kwalecela ŵane ŵitaciyika ku kwinjila m'malo mwangu.

Jwak 2:24

Pangali cindu cine cambone campaka mundu akombolece kutenda pa masengo gakwe kupunda kulya, kumwa ni kwikutila pa masengo gakwego. Namanyilile soni kuti welewu uli upile wakutyocela kwa Mlungu.

Jwak 6:12

Ana mundu mpaka amanyilile uli yindu yakumnonyelesya mundu kwa ndaŵi ja panandi pali cijumi jwalakwejo? Ana mundu mpaka amanyilile uli yitiyicitendekwa pa cilambo capasi cino jwalakwejo pitaciwa?

Jwak 7:14

Naga yindu yikumjendela cenene, msangalaleje, nambo naga yikwika yisawusyo mgambeje kumbucila kuti, Mlungu akusatumisya lukondwa ni yisawusyo; kuti mkamanyilila yiticitendekwa msogolo.

Jwak 8:15

Myoyo nguganisya kuti kuli cenene mundu asangalaleje ni umi wakwe, pakuti mundu jwangali cindu cine soni cambone pa cilambo capasi pano kupunda kulya, kumwa ni kulisangalasyaga. Kaneko mundujo taciŵa jwakondwa pa masengo gakwe pa masiku ga umi wakwe, gele Mlungu gampele jwalakwejo pa cilambo capasi pano.

Jwak 8:7

Pangali mundu jwakusamanyilila yitiyitendekwe, soni pangali mundu jwa mpaka atusalile mutiyiciŵela.

Jwak 9:12

Mundu jwangamanyilila ndaŵi jitiyimtendecele yindu yine yakwe. Mpela musikusatanjilila somba mu likoka, soni mpela muyikusatanjilila yijuni mu lwawu, ŵandu soni ali yalumo, akusatenda mpela kutanjila mu lwawu pa ndaŵi ja yakusakala, pilyagwilile likungu mwakusisimucisya.

Jwak 9:6

Cinonyelo cawo, uŵengani wawo ni wiwu wawo wosope yamasile kala. Nipo ngasapocela cilicose pa yosope yayikutendekwa pa cilambo capasi pano.

Daniele 12:13

“Nambo m'mwe Daniele mŵe ciŵela ŵakulupicika mpaka pambesi. Kaneko timciwa, nambo pambesi timcijimuka ku ŵawe kuti timpocele mbote jenu.”

Matayo 6:34

Ni ligongo lyakwe mkaŵaga ŵakusingalilwa ni kuganisya ya malaŵi. Ya malaŵi ni ya malaŵi. Lisiku lili lyose lyana yakusawusya yakwe yakwepe.

Detulonomo 12:18

M'malo mwakwe jemanja, ŵanace ŵenu ŵamasengo ŵenu pamo ni Alefi ŵali m'misi mwenu, mkalyeje yakupeleka yosopeyi pameso pa AMBUJE Mlungu jwenu, pa malo gamo gitakaŵe ali agasagwile AMBUJE Mlungu jwenujo. Mkaŵeje ŵandu ŵakusangalala ku malo gelego ligongo amkwesisye jemanja pa yambone yosope yimkutenda.

Detulonomo 12:7

Soni kumalo gelego, jemanja pamo ni maŵasa genu timkalye mwakusengwa yindu yambone yitimkagowoleje mcilambomo, pameso pa AMBUJE Mlungu jwenu, ŵele ŵitakampe jemanja upile.

Detulonomo 28:47

AMBUJE ŵampele upile pa yindu yosope, nambo jemanja nganimwatumicila ni kwacimbicisya ni mitima jenu jakusengwa.