Jwak 3:2 - Chiyawo Bible

² Pana ndaŵi jakupagwa ni ndaŵi ja kuwa, pana ndaŵi ja kupanda ni ndaŵi ja kugowola yakupandayo.

Jwak 3:2 Iomraidhean Croise

Genesesi 17:21

Nambo tinjisunga cilanga cangu ni mwanace jwenu Isaki jutacipagwa mwa Sala ŵamkwenu, ndaŵi mpela jinojino caka ca malaŵi.”

Genesesi 47:29

Ndaŵi jilijisigele panandi kuti Yakobo awe, ŵamŵilasile Yosefe mwanagwawo ni kumsalila kuti, “Mŵice makono jenu cilikati ca yiga yangu ni mlumbile kuti timcimbikanila ni kundendela yindu yambone. Une mkuwamo, mkasimusika akuno ku cilambo ca Iguputo,

1 Ayi 13:2

Mwacisisimucisya mundu jwakulocesya* jwa Mlungu ŵayice ku Beteliko, kutyocela ku Yuda mpela muŵandamulile AMBUJE.* Nipo ŵagalwesile malo gakupelecela mbopesigo, pakusala maloŵe ga ŵamlamwile AMBUJE, ŵatite, “Malo gakupelecela mbopesi agano, malo gakupelecela mbopesi agano, mpikane maloŵe ga AMBUJE, akusala kuti, ‘Mwanace jwamlume tacipagwa mwiŵasa lya Daudi,* lina lyakwe tiliciŵa Yosiya. Jwalakwejo, tacimwulajila jemanja ŵakutaga mbopesi, ŵele ŵakutumicila ni kupeleka mbopesi pa malo agano, nipo mawupa ga ŵandu tacigajoca pa malo gakupelecela mbopesi gelega.’ ”

2 Ayi 4:16

Elisha ŵamsalile jwamkongwejo kuti, “Ndaŵi ja mpela jinojino caka ca malaŵi, timciŵa mli kulolosya mwanace jwenu jwamlume myala mwenu.” Jwamkongwejo jwajanjile kuti, “Conde ambuje ŵangu, akasalambusya une, ŵalakwe ali mundu jwa Mlungu.”

Yobu 14:14

Naga mundu awile ana akusasyuka kuŵa soni cijumi? Nambo tinjijembeceya mu umi wangu ŵa yipwetesiwu mpaka pitijicikwana ndaŵi jakugopoledwa kwangu.

Yobu 14:5

Masiku ga mundu gakutama pa cilambo capasi pano gali gapanandi, soni ciŵalanjilo ca miesi jakwe jakutama pa cilambo capasi ŵalakwe akujimanyilila.

Yobu 7:1

Umi wa mundu pa cilambo capasi uli mpela masengo gakusawusya ga usilikali, masiku gakwe gali mpela ga mundu jwa ganyu.

Masalimo 113:9

Akusampa liŵasa jwamkongwe jwangaŵeleka, akusamtenda kuŵa jwam'masyeto jwa kusangalala jwana ŵanace. Mwalumbe AMBUJE!

Masalimo 52:5

Nambo Mlungu tacimswanya kwangaleceka, tacimtyosya ni kumkoposya kusa kwa nyumba jenu, tacimcuŵa mcilambo ca ŵandu ŵacijumi.

Misyungu 24:27

Mtande kupanganya cilepe masengo genu gosope, ni mlolecesye soni kuti mgunda wenu uli welinganye cilepe, panyuma pakwe sambano ni mtandeje kutaŵa nyumba jenu.

Yesaya 28:24

Ana mundu jwakusosa kupanda mbeju akusagamba kupitilisya kulimape? Ana akusagamba kulima ni kutenda cikasila mu mgundawo?

Yesaya 38:1

Gele masikugo Hesekiya ŵalwasile mnope, nipo ŵasigele panandi kuwa. Jwakulocesya* Yesaya mwanace jwa Amosi, ŵajile kukumsonda, ni ŵamsalile kuti, “AMBUJE* akusala kuti, myikolosye yindu yenu cenene, pakuti ngimpola cilwele cenuci, mjembeceleje kuwa.”

Yesaya 38:5

mjawule soni kwa Hesekiya mkamsalile kuti, “Une AMBUJE Mlungu jwa nangolo jwenu Daudi,* mbikene lipopelo lyenu, nipo misosi jenu najiŵeni. Ni ligongo lyakwe tinjimjonjecesya yaka likumi ni msano pa umi wenu

Yesaya 54:1

M'mwe Yelusalemu mjimbe ni lukondwa, m'mwe ŵimli mpela ŵakongwe ŵangaŵeleka, m'mwe ŵimkanimŵeleka mwanace citandile, mjimbe mwakusangalala, m'mwe ŵimkinimyipikanepo yipwetesi ya ucembele. Pakuti sambano timcikola ŵanace ŵajinji timcapunda ŵakongwe ŵakwete ŵalume, AMBUJE* aŵecete myoyo.

Yelemiya 1:10

Ngumŵika lelo jino kuti mŵe ni ulamusi pa yilambo yosope ni pa ma ucimwene gawo, kuti mkacuŵe ni gwisya, kuti mkajonanje ni gumula, kuti mkataŵe ni kupanda.”

Yelemiya 45:4

“Nambo une AMBUJE mbecete maloŵega kwa m'mwejo Baluki, cele cinataŵile ni kucigwisya. Cinapandile ni kucicuŵa. Amu ni mutinjitendela ni cilambo cosope capasi.

Matayo 13:41

Mwanace jwa Mundu tacigatuma malayika gakwe kwisa kukwatyosya mu ucimwene wakwe ŵandu wosope ŵakwalemwekasya acimjawo, ni ŵandu wosope ŵakutenda yakusakala,

Matayo 15:13

Yesu ŵatite, “M'mela uliwose umkiniwupandidwa ni Atati ŵangu ŵakwinani, tiwucitupulidwa.”

Luka 1:13

Nambo lilayikalyo lyamsalile jwalakwejo kuti, “Sakaliya, mkajogopa! Mlungu alipikene lipopelo lyenu, mwakuti ŵamkwenu Elisabeti tacimwelecela m'mwejo mwanace jwamlume ni timumpe lina lyakwe Yohane.

Luka 1:20

Nambo sambano mpikane, pa ligongo lyakuti nganimkulupilila maloŵe gimbecete, myoyo timciŵa ŵangapakombola kuŵeceta mpaka pa lisiku litiyicitendekwa yinimsalileyi. Nambo yosope tiyicitendekwa pa ndaŵi jakwe.”

Luka 1:36

Mkumbucile ya alongo ajenu Elisabeti, ŵiŵatiji ŵangaŵeleka ŵala, nombe nawo akwete cilu ca miesi msano ni umo mwakuti apano akwembeceya kuŵeleka mwanace jwamlume mu ucekulu wakwe.

Yohana 16:21

Pati ŵakongwe asigele panandi kuŵeleka mwanace, akasalaga ni ululu ligongo ndaŵi jakupweteka jiyice, nambo pati mwana apagwile, akasaliŵalilaga kupweteka kwakwe kula, ligongo akuŵa ŵakusengwa kuti kupagwile mundu ku cilambo capasi.

Yohana 7:30

Myoyo ŵandu ŵane pelepo ŵatiji amkamule, nambo pangali juŵapakombwele kumkamula jwalakwe, ligongo ndaŵi jaliji mkanijikwane jakuti amkamule.

Masengo 7:17

“Pijaŵandicile ndaŵi jele Mlungu jiŵatesile cilanga ni Abulahamu, mtundu ŵetu ŵatupile ku Iguputo.

Masengo 7:20

Ndaŵi jeleji ni jiŵapagwile Mose,* soni jwaliji mwanace jwakusalala mnope. Ŵamlelite miesi jitatu acinangolo ŵakwe,

Ŵagalatia 4:4

Nambo pijakwanile ndaŵi, Mlungu ŵamtumisye Mwanace jwakwe. Jwalakwejo jwapagwile mwa ŵakongwe ni jwayice kutama pasikati pa ŵandu ŵele uŵapikanilaga Malamusi ga Ciyuda,

Detulonomo 34:5

Myoyo Mose, jwakutumicila jwawo AMBUJE ŵawile kweleko, mcilambo ca Mowabu, mpela mwele AMBUJE ŵamsalilile.

Ŵaeblania 9:27

Mundu jwalijose akwenela kuwa kampepe basi, panyuma pakwe ni kulamulidwa ni Mlungu.

1 Sam 2:5

Ŵandu ŵiŵajikutaga kala, sambano akulimisya yakulya, nambo ŵiŵaliji ŵasala kala sambano akwikuta. Jwamkongwe jwamjumu aŵelece ŵanace msano ni ŵaŵili, nambo ŵakuŵeleka ŵanace ŵajinji asigele jikape.