Jwak 3:13 - Chiyawo Bible

¹³ Wosope ŵene tukwenela kulya ni kumwa ni kusangalala pa masengo gosope gitukusatenda, pakuti welewu uli mtuka wa Mlungu.

Jwak 3:13 Iomraidhean Croise

Masalimo 128:2

Timcilya yimyimtendele masengo ni makono genu; timcisangalala, soni yindu tiyicimjendela cenene.

Masalimo 34:12

Ŵani mwa jemanja akuwusosa umi, ni kusosa kutama masiku gamajinji; kuti asangalale ni yindu yambone?

Jwak 2:24

Pangali cindu cine cambone campaka mundu akombolece kutenda pa masengo gakwe kupunda kulya, kumwa ni kwikutila pa masengo gakwego. Namanyilile soni kuti welewu uli upile wakutyocela kwa Mlungu.

Jwak 2:3

Nalinjile kulisangalasya ni finyo, nambo nayiweni kuti kweleko kwaliji kuloŵela. Naganisyaga kuti mwine mwakwe litala mpela lyeleli komboleka kuŵa lyambone lyakusalikuya ŵandu ŵane pakusaka kusangalala kwa masiku ga panandi ni umi wawo.

Jwak 6:2

Mlungu akusampa jwine jwakwe yipanje ni ucimbicimbi ni yosope yakusayisaka pa umi wakwe, nambo jwangapeleka upile wakuti usangalale nayo yinduyo, m'malo mwakwe jwakusasangalala ni yinduyo akusaŵa mundu jwine jwa cilendo. Yeleyi yili yangali mate, nipo ngaŵa yambone.

Jwak 8:15

Myoyo nguganisya kuti kuli cenene mundu asangalaleje ni umi wakwe, pakuti mundu jwangali cindu cine soni cambone pa cilambo capasi pano kupunda kulya, kumwa ni kulisangalasyaga. Kaneko mundujo taciŵa jwakondwa pa masengo gakwe pa masiku ga umi wakwe, gele Mlungu gampele jwalakwejo pa cilambo capasi pano.

Jwak 9:7

M'mwe mkajogopa, mlyeje yakulya yenu ni mtima ŵakusengwa, pakuti Mlungu ajiticisye kala yimkusatenda.

Detulonomo 12:7

Soni kumalo gelego, jemanja pamo ni maŵasa genu timkalye mwakusengwa yindu yambone yitimkagowoleje mcilambomo, pameso pa AMBUJE Mlungu jwenu, ŵele ŵitakampe jemanja upile.

Detulonomo 26:11

Mkatogolele AMBUJE Mlungu jwenu, pakuŵa jemanja pamo ni ŵa m'maŵasa mwenu ampele yindu yambone. Mkasangalale pamo ni Alefi ni acalendo ŵamkutama nawo pasikati penu.