Jwak 3:11 - Chiyawo Bible

¹¹ Jwalakwejo ŵapanganyisye cindu cilicose kuti ciŵe cambone mu ndaŵi jakwe. Atupele soni uweji lunda lwakuti tumanyilileje ya msogolo, nambo uweji ngakomboleka kuti tuyimanyilile yosope yene.

Jwak 3:11 Iomraidhean Croise

Genesesi 1:31

Mlungu ŵayiweni kuti yosope yiŵayipanganyisyeyo yaliji yambone mnope. Nipo kwaswele soni ni kwacele, ali lyaliji lisiku lya msano ni limo.

Yobu 11:7

Ana mpaka mpakombole kuyipikanicisya yindu yakusisika ya ukulungwa ni macili ga Mlungu yayili yakusawusya mnope kuti ŵandu ayipikanicisye?

Yobu 37:23

Macili ga Mlungu gali gakogoya mwakuti uwe ngaŵa mkupakombola kumŵandicila jwalakwejo. Jwalakwejo ali jwakulungama ni jwa cilungamo pa ŵandu.

Yobu 5:9

Uwe ngaŵa mkupakombola kupikanicisya masengo gekulungwa gakusatenda Mlungu nipo yakumasya lunda yakwe yili yangali mbesi.

Masalimo 104:24

Ŵalakwe AMBUJE, masengo gawo gali gamajinji, ŵagapanganyisye gosope mwa lunda; ni cilambo capasi cigumbele ni yindu yiŵayipanganyisye.

Misyungu 16:4

AMBUJE ŵapanganyisye kandu kalikose malinga ni magongo gakwe, atamose ŵandu ŵakusakala, kuti asimangane ni lisiku lya yisawusyo.

Jwak 1:13

Mu mtima mwangu nasacile kupikanicisya mnope yosope yene yayikusatendekwa pa cilambo capasi pano. Aga ni masengo gakusawusya giŵatupele Mlungu kuti tutendeje.

Jwak 11:5

Muwukusajinjilila msimu mcilu mwa mwanace mcitumbo mwa mamagwe, jemanja ngamkumanyilila. Myoyo jemanja ngaŵa mkupakombola kumanyilila masengo ga Mlungu, mkupanganya jwa yosope.

Jwak 7:13

Mganicisye ya masengo gapanganyisye Mlungu. Ana ŵani ŵampaka apakombole kongola cindu ciŵapanganyisye jwalakwejo cili cepindice?

Jwak 7:23

Yosopeyi nayipimile ni lunda lwangu. Natiji kuti timbe jwalunda, nambo lundalo lwaliji kwakutalicila mnope ni une.

Jwak 7:29

Nalijiganyisye cindu cimo cakuti, Mlungu pakumpanganya mundu, ŵampele mtima wambone, nambo uwe tukusakuya matala getu gakusakala.

Jwak 8:17

Nagaweni masengo gosope ga Mlungu. Pangali mundu jwa mpaka apakombole kugamanyilila masengo gosope gagakutendekwa pa cilambo capasi pano. Atamose mundu alinjilile camtuli kuti ayimanyilile yeleyi, ngasapakombola. Atamose mundu jwalunda aŵecete kuti akumanyilila yindu, nambo kuli kwangakomboleka kuti jwalakwejo ayimanyilile.

Matayo 11:27

“Atati ŵangu ambele yindu yosope yene, ŵelewo ni ŵakum'manyilila Mwanace. Ŵane soni ŵakwamanyilila Atati ali Mwanace. Nambo mwanace akusaka kwasalila ŵandu ŵane kwambaga ya Atati, kuti nombe nawo jemanjajo ŵamanyilile ŵelewo.

Matayo 13:22

Mbeju sisyagwilile pa mawukutu ga miŵa sila, sili mpela mundu jwakusapikana maloŵe ga Mlungu, nambo akusatanda kudandawula ni yakusosekwa ya umi awuno, soni kunonyela mnope yipanje mwakuti pambesi pakwe yeleyi yikusanyolosya maloŵe gala, ni ngasogosya cisogosi cilicose.

Maliko 7:37

Ŵandu ŵasimonjile mnope ni ŵatite kuti, “Jwalakweju akusatenda yindu yosope cenene. Atamose ŵandu ŵangapikana akwaposya ni kupakombola kupikana, soni ŵangaŵeceta akwaŵecetekasya.”

Ŵaloma 1:28

Pakuti jemanjajo nganayitendela masengo ya kumpikanila Mlungu, Mlungujo ŵalesile jemanjajo mu nganisyo syawo syakusakalasyo, pakuti ŵatendaga yangasosekwa.

Ŵaloma 11:33

Cipanje ca Mlungu cili cekulungwa nditu. Lunda ni umanyilisi wakwe yili yakusokoka mnope. Pangali ŵa mpaka alondesye nganisyo syakwe, pangali ŵa mpaka agapikanicisye matala gakwe.

Detulonomo 32:4

“AMBUJE ni ŵali ŵakumcenjela ŵenu ŵamacili, yitendo yawo yosope yili yagoloka ni ya cilungamo. Mlungu jwenu ali jwakulupicika ni jwa kuwona, akusatenda yindu yakwenela ni ya mtendele.