Jwak 2:8 - Chiyawo Bible

⁸ Nasunjile silifa* ni golidi* nambo soni cipanje cakutyocela kwa ayimwene ŵa m'misi ŵinalamulilaga une. Nakwete acalume ni acakongwe ŵakunjimbila une nyimbo. Nakwete soni acakongwe ŵane ŵajinji ŵakusamsangalasya mundu mwakusacila mundujo.

Jwak 2:8 Iomraidhean Croise

2 Sam 19:35

Sambano jino yaka yangu yikwanile makumi msano ni yitatu. Ana mpaka ngombole kulekanganya yakunonyelesya? Ana jwakutumicila jwawone mpaka ngombole kumanyilila kunong'a kwa yakulya kapena yakumwa? Ana une mpaka ngombole kupikanila kwimba kwa acalume ni kwa acakongwe? Ana ligongo cici une jwakutumicila jwawo ngaŵe msigo wakusitopa wakwapwatika ŵalakwe, ambuje ŵangu?

1 Ayi 10:10

Ali amasile kuŵeceta mwenye jwamkongwejo, ŵapelece kwa Mwenye Solomoni golidi jwa usito wa makilogalamu 4,000, yakununjila yakutaga mu yakulya yejinji yamitundumitundu, ni maganga ga mtengo wapenani mnope. Yakununjila yakutaga mu yakulya yiŵapelece mwenye jwamkongwe jwa ku Sheba yaliji yejinji, yele yimkanapoceleje ni kalakose Mwenye Solomoni.

1 Ayi 10:14

Caka cilicose Mwenye Solomoni ŵapocelaga golidi jwakwanila makilogalamu 23,000,

1 Ayi 10:21

Migawo josope jiŵamwelaga Mwenye Solomoni jaliji jakupanganyikwa ni golidi. Yida yosope yakamulila masengo yiŵaŵisile mcipinda cakolanjidwa kuti, Ukweti ŵa Lebanoni, nombe nayo yaliji yakupanganyidwa ni golidi msyesyene. Paliji pangali yida ya kupanganyidwa ni silifa,* pakuŵa silifa nganaŵa jwa mtengo wa penani mnope pa ndaŵi ja Solomoni.

1 Ayi 11:3

Mwenye Solomoni ŵalombele ŵanace ŵa ayimwene 700 ni acakongwe wamba 300. Nipo Solomoni, ŵamsokonesye mtwe acakongwewo.

1 Ayi 14:27

Mwenye Lehobowamu ŵapanganyisye yakucijila ya bulonsi m'malo mwakwe, ni ŵayipelece m'makono mwa asilikali ŵakulondela yipata ya nyumba ja mwenye.

1 Ayi 9:14

Hilamu ŵaliji ali amtumicisye Solomoni golidi jwakupunda makilogalamu 4,000.

1 Mbi 25:1

Mwenye Daudi* pamo ni acimlongola ŵa ci Lefi ŵasagwile ŵandu ŵane ŵa mwiŵasa lya Alefi ŵakuyicisyaŵa kuti alongoleleje mapopelo m'Nyumba ja AMBUJE:* Asafu, Hemani ni Yedutuni. Jemanjaji ŵaliji mkulalicila utenga wa AMBUJE kupitila mu kwimba nyimbo pakukamulisya masengo yida yakwimbila ya ngonji ni micekece. Mena ga ŵandu ŵaŵatendaga masengo m'Nyumba ja AMBUJE pamo ni mtundu wa masengo gawo ni aŵa:

1 Mbi 25:6

Ŵanace wosopeŵa ŵajimbaga micekece ni yida yakwimbila ya ngonji ku Nyumba ja AMBUJE. Ŵakulongolela ŵawo ŵaliji baba ŵawo. Nipo Asafu, Yedutuni ni Hemani ŵalamulwaga ni mwenye.

2 Mbi 9:11

Mwenye Solomoni ŵakamulisye masengo matabwago pakupanganyicisya masitepe ga matabwa ga ku Nyumba ja AMBUJE ni ku nyumba jakwe, soni ŵakamulisye masengo matabwago pakupanganya yida yakwimbila ya ngonji. Kutyocela kala, yeleyi kwaliji kwangali ku cilambo ca Yuda.

Jwak 1:2

Yangali mate, yangali mate, Jwakulalicila jwatite myoyo. Umi uli wangali mate, yosope yili yangali mate.

Daniele 3:15

Naga mli cile kuti pitimpikane kulila kwa lipenga, yitolilo, micekece ni kwimba kwa mtundu wine uliwose, timligwisye camakuku, nipo timumlambile mlungu junamjimice, cambone. Nambo naga ngakumlambila, cimponyedwe mu ng'aso jamoto. Nipo pangali mlungu jwine jwalijose jwampaka amkulupusye myala mwangu.”

Daniele 3:5

pitimpikane kulila kwa lipenga, yitolilo, micekece ni kwimba kwa mtundu wine uliwose, timligwisye camakuku, nipo timumlambile mlungu jwakupanganya jwa golidi jwamjimice Mwenye Nebukadinesajo.

Daniele 3:7

Myoyo ŵandu wosope piŵapikene kulila kwa yida yakwimbila yila, ŵaligwisisye camakuku, nipo ŵamlambile mlungu jwakupanganya jwa golidi juŵamjimice Mwenye Nebukadinesajo.

Amosi 6:5

Mkusanonyela kupeka nyimbo, mpela muŵatendelaga Daudi,* ni kusijimba pakamulisya masengo yida yakwimbila ya ngonji.