Jwak 2:7 - Chiyawo Bible

⁷ Nasumile acikapolo ŵacalume ni ŵacakongwe, nambo soni nakwete acikapolo ŵane ŵiŵapagwile m'nyumba mwangu. Nakwete yilangwa yejinji kwapunda ayimwene wosope ŵiŵalamulilaga ku Yelusalemu kalakala.

Jwak 2:7 Iomraidhean Croise

Genesesi 13:2

Ndaŵi jeleji Abulamu ŵasicile kwejinji. Ŵakwete ngondolo, mbusi ni ng'ombe syejinji, nambo soni silifa* ni golidi* jwamjinji.

Genesesi 14:14

Abulamu piŵapikene kuti mlongo mjawo akamwilwe, ŵasongenye ŵandu ŵakwe ŵakumanyilila kuputa ngondo. Ŵaliji ŵandu 318 pamo, nipo ŵakuyisye acayimwene mcece ŵala mwitala liŵapitile mpaka ŵajile kwika ku Dani.

Genesesi 15:3

AMBUJE nganimumba une ŵanace, myoyo jumo jwa acikapolo ŵangu ni jutacipocela cipanje cangu ni kwinjila lina lyangu.”

1 Ayi 4:23

Ng'ombe likumi syakwimbala cenene, syakulicisya mwicinga, ng'ombe 20 syakulicisya kwitinji, ngondolo 100, pangaŵalanjila mbaŵala, ngolombwe, njati, ni yijuni yakunakana yakulanga.

2 Ayi 3:4

Kwa yaka yejinji cilambo ca Mowabu caliji pasi pa ulamusi wa cilambo ca Isalaeli, nipo ŵandu ŵa cilambo celeco ŵakomaga msongo kwa ayimwene ŵa ku Isalaeli. Mesha mwenye jwa ku Mowabu ŵalangaga ngondolo, nipo caka ni caka ŵapelekaga msongo wa ŵanace ŵangondolo ŵakwanila 100,000, ni manyunya ga ngondolo sya mkambako 100,000 kwa mwenye jwa ku Isalaeli.

2 Mbi 26:10

Ŵataŵile soni sanja mu cipululu, soni ŵasokwele yisima yejinji pakuti ŵakwete yilangwa yejinji mungulugulu mwa matumbi ni ku yiŵata. Ŵalakwewo ŵanonyelaga kulima myoyo ŵalembile ŵamasengo kuti asamalileje migunda ja mipeleya jijaliji ku matumbi ga cajila mnope.

Esala 2:55

Maŵasa ga ŵakutumicila ŵagigawusile kutyocela ku ukapolo: Liŵasa lya Sotayi, Hasofeleti, Peluda, Yaala, Dalikoni, Gidele Shefatiya, Hatili, Pokeleti Hasebaimu, ni Ami

Esala 2:58

Ciŵalanjilo ca ŵamasengo wosope ŵa ku Nyumba ja AMBUJE pamo ni ŵamasengo ŵa Solomoni ŵiŵawusile kutyocela ku ukapolo caliji 392.

Nehemiya 7:57

Aga ni maŵasa ga ŵamasengo ŵa Solomoni ŵiŵawusile kutyocela ku ukapolo: Liŵasa lya Sotayi, Hasofeleti, Pelida, Yaala, Dalikoni, Gidele, Shefatiya, Hatili, Pokeleti Hasebaimu, ni Amoni.

Yobu 1:3

Jwalakwejo ŵakwete ngondolo 7,000, ngamila* 3,000, ng'ombe 5,000, ni acibulu 5,000. Ŵakwete soni ŵandu ŵamasengo ŵajinji pakuti ŵaliji jwakusicila mnope kwapunda ŵandu wosope ŵa ku yilambo ya kungopoko lyuŵa.

Yobu 42:12

Myoyo AMBUJE ŵampele upile Yobu pa masiku gakwe gakumalisyaga kupunda pandanda pala. Sambano jwalakwejo jwakwete ngondolo 14,000, ngamila* 6,000, ng'ombe sya mikambako 2,000 ni acibulu ŵa mikambako 1,000.

Luka 12:45

Nambo naga jwamasengojo akuŵeceta jikape mu mtima mwakwe acitiji kuti, ‘Ambuje ŵangu akucelewa kuwuja,’ ni kaneko kutanda kwaputa ŵamasengo ŵanewo ŵacalume ni ŵacakongwe ŵakwe, jwalakwejo ni kulyaga ni kumwaga mpaka kolelwa.