Jwak 2:5 - Chiyawo Bible

⁵ Nalimile matimbe ni migunda ja yitela, nipo napandilemo yitela ya yisogosi yakulekanganalekangana.

Jwak 2:5 Iomraidhean Croise

Nehemiya 2:8

Naŵendile soni kuti ambe cikalata kuti ngapelece kwa Asafu kapitawo jwakulolela ukwete wa mwenye kuti ŵelewo akambe une yitela yakuti ngalinganyicisye yipata ya pa mapupa gakucinjilicisya Nyumba ja AMBUJE, lipupa lya msinda ni nyumba jitingatameje une. Myoyo mwenye ŵambele yindu yosope yinaŵendileyo pakuti Mlungu jwaliji ni une.

Nyimbo ja Solomoni 4:12

M'mwe ŵapamtima wangu, ŵamkwangu, mli mpela mgunda wakusisika, mgunda wawuli mkati mwa lutenje, cisima cakuŵa mlutenje;

Nyimbo ja Solomoni 4:13

kweleko mbeju sikusakula cenene. Mbejusyo sikula mpela litimbe lya yitela ya yisogosi ni yikusogola yisogosi yambone mnope. Soni kwana maluŵa gakulekanganalekangana, ga hena ni nadi

Nyimbo ja Solomoni 4:16

Mjimuce, m'mwe mbungo ja kumpoto. Mbungo ja kum'mwela, jikupuga ku mgunda wangu; liwungo lyawo lyakununjila likwanile posepose. Jwakunonyelwa jwangu ajinjile mu mgunda wakwe kuti alye yisogosi yambone mnope.

Nyimbo ja Solomoni 5:1

Njinjile mu mgunda wangu, m'mwe ŵapamtima ŵangu, ŵamli ŵamkwangu. Ngugungula yakununjilisya yakulya ni mule* jwangu, ngulya uci wangu pampepe ni masyega gakwe, Ngumwa finyo jwangu ni mkaka wangu. Jemanja ŵakunonyelwa ŵangu, mlye ni kumwa mpaka mkolelwe ni cinonyelo!

Nyimbo ja Solomoni 6:2

Ŵakunonyelwa ŵangu apite ku mgunda wawo, kwajikupandidwa mbeju jakununjilisya yakulya. Akulicisya yilangwa yakwe ku mgundako nambo soni akulokotanya maluŵa ga kakombo.

Yelemiya 39:4

Pandaŵi jele Sedekiya, mwenye jwa ku Yuda ŵaweni jemanjajo, jwalakwejo pamo ni asilikali ŵakwe ŵa ngondo ŵatisile mu msindamo ndaŵi ja cilo kupitila ku mgunda wa mwenye, kupelenganya pa cipata capasikati pa mapupa gaŵili. Ŵatilile ku Alaba.