Jwak 2:4 - Chiyawo Bible

⁴ Natesile masengo gekulungwa. Nataŵile nyumba soni napandile mipeleya.

Jwak 2:4 Iomraidhean Croise

Genesesi 11:4

Ni ŵatite, “Kwende sambano tutaŵe msinda wetu, nipo sanja jakwe jilewupe mpaka kwinani. Naga tukutenda yeleyi tuciŵa ŵandu ŵakupikanika nditu, nipo ngasitubalalika soni pa cilambo capasi.”

2 Sam 18:18

Abisalomu piŵaliji umi, ŵalitaŵile cipilala m'Ciŵata ca Mwenye, pakuti ŵatiji ŵangali mwanace jwamlume jwa mpaka aŵilanjidweje ni lina lyangu kuti ŵandu angumbucileje. Ni ŵacipele cipilalaco lina lyawo. Nipo mpaka sambano jino cikuŵilanjidwa cakumbusya ca Abisalomu.

1 Ayi 15:19

“Kwende tukamulane m'mwejo ni une, mpela muŵatendelaga baba ŵangu ni baba ŵenu. Namtumicisye silifa ni golidi kuti yiŵe mtuka kwenumwe. Sambano, conde mkase mkamulano wenu ni Mwenye Basha jwa ku Isalaeli, naga mkutenda myoyo jwalakwe tacileka kumenyana ngondo ni une.”

1 Ayi 9:1

Solomoni ali amalisisye kutaŵa Nyumba ja AMBUJE* ni nyumba ja mwenye, ni yindu yosope yiŵasacile jwalakwe kutaŵa,

1 Mbi 27:27

Shimeyi ŵa ku Lama ŵaliji ŵakulolela migunda ja mipeleya. Sabidi ŵa ku Shefamu ŵalolelaga finyo kuti usunjice cenene m'malo mwakwe.

2 Mbi 26:10

Ŵataŵile soni sanja mu cipululu, soni ŵasokwele yisima yejinji pakuti ŵakwete yilangwa yejinji mungulugulu mwa matumbi ni ku yiŵata. Ŵalakwewo ŵanonyelaga kulima myoyo ŵalembile ŵamasengo kuti asamalileje migunda ja mipeleya jijaliji ku matumbi ga cajila mnope.

2 Mbi 8:11

Solomoni ŵajigele ŵamkwakwe mwanace jwamkongwe jwa Mwenye jwa ku Iguputo,* kutyoka nawo ku msinda wa Daudi ni kwika nawo ku nyumba jiŵamtaŵile jwamkongwejo. Solomoni ŵatite kuti, “Ŵamkwangu akatamaga ku nyumba ja Mwenye Daudi jwa ku Isalaeli, ligongo lyakuti pa malo paliŵicile Libokosi lya Cilanga ca AMBUJE pakusaŵaga peswela.”

Masalimo 49:11

Ku malembe ni kumangwawo kwa kutama yaka yosope gali malo gakutama ŵandu ŵitacipagwa msogolo, atamose kuti piŵaliji cijumi yilambo yapikanikaga ni mena gawo.

Nyimbo ja Solomoni 1:14

Ŵakunonyelwa ŵangu ali mpela cipukutu ca maluŵa gecejewu ga mu mgunda wa mpeleya wa ku Enigedi.

Nyimbo ja Solomoni 7:12

Tutulaŵilile kundaŵindaŵipe kuti tukalole mipeleya kuti naga jatandite kusipuka, soni naga uluŵa usipwice ni naga yitela ya makangasa yisipwice uluŵa. Kweleko tingamlosye cinonyelo cangu.

Yesaya 5:1

Mumbikanile pingwimba nyimboji, nyimbo ja mjangu ni mgunda wakwe wa mpeleya: Mjangu jwakwete mgunda wa mpeleya wele uwaliji pa litumbi lya cajila.

Daniele 4:30

Nipo ŵaŵecetaga kuti, “Mlole ukulu wa msinda wa Babiloniwu! Nawutaŵile kuti uwe msinda wekulungwa wakulosya macili gangu ni ucimbicimbi wa ucimwene wangu.”