Jwak 2:3 - Chiyawo Bible

³ Nalinjile kulisangalasya ni finyo, nambo nayiweni kuti kweleko kwaliji kuloŵela. Naganisyaga kuti mwine mwakwe litala mpela lyeleli komboleka kuŵa lyambone lyakusalikuya ŵandu ŵane pakusaka kusangalala kwa masiku ga panandi ni umi wawo.

Jwak 2:3 Iomraidhean Croise

Genesesi 47:9

Yakobo ŵajanjile kuti, “Yaka ya umi wangu wakwendajenda yikwanile 130. Yaka yeleyi yili yamnono soni ya yisawusyo yejinji, yangalandana kose ni yaka ya acinangolo ŵangu, pa ndaŵijawo josope piŵaliji ni umi.”

Yobu 14:14

Naga mundu awile ana akusasyuka kuŵa soni cijumi? Nambo tinjijembeceya mu umi wangu ŵa yipwetesiwu mpaka pitijicikwana ndaŵi jakugopoledwa kwangu.

Masalimo 104:15

Akusapata finyo jwakusangalasya mtima wakwe, mawuta gakupakala kuti cilu cakwe citipitile, ni mkate kuti apate macili.

Misyungu 20:1

Ŵandu ŵakukolelwa finyo akusiŵanyosya acimjawo, ŵandu ŵakumwa ya ukali akusatandisya njojo, jwalijose jwakusokonecela ni yeleyi jwangali lunda.

Jwak 1:17

Nalinjile kulijiganya soni kulekangana kwakwe kwa umanyilisi ni kuloŵela, lunda ni masoka. Nambo nayiweni kuti kutenda myoyo kwaliji kwamba kulisawusya.

Jwak 10:19

Cindimba cikusasangalasyaga ŵandu, nipo finyo ali jwakusangalasya umi. Nambo yosopeyo yikusasaka mbiya kuti uyitende.

Jwak 12:13

Basi, yosope yipikanice, cindu cine cili cakuti: Mumpikanileje Mlungu, nipo mgasunjeje malamusi gakwe, pakuti ali ni ligongo lyakwe jwalakwejo ŵatupanganyisye.

Jwak 2:24

Pangali cindu cine cambone campaka mundu akombolece kutenda pa masengo gakwe kupunda kulya, kumwa ni kwikutila pa masengo gakwego. Namanyilile soni kuti welewu uli upile wakutyocela kwa Mlungu.

Jwak 5:18

Apano pana cindu cinaciweni kuti cili cambone nambo soni cakwenela: kuli kwambone kuti mundu alyeje, amweje, ni kusangalala pa masengo gakwe gosope gakusakamula pa cilambo capasi cino. Celeci ni cele mundu akukomboleka kuŵeceta kuti cakwe.

Jwak 6:12

Ana mundu mpaka amanyilile uli yindu yakumnonyelesya mundu kwa ndaŵi ja panandi pali cijumi jwalakwejo? Ana mundu mpaka amanyilile uli yitiyicitendekwa pa cilambo capasi cino jwalakwejo pitaciwa?

Jwak 7:18

Kuli kwambone kuti mkuye litala limpepe, nambo soni mkasimleka kwenda litala linelyo. Naga mkumjogopa Mlungu timcipindula ni matala gaŵili gosopego.

Jwak 7:25

Myoyo naŵisilepo mtima wangu kuti manyilile, wungunye ni kusosasosa lunda ni muyikusaŵela yindu. Nasacile soni kuti mbikanicisye kusakala kwakwe kwa kuloŵela, kuloŵela kwakwe kwa masoka.

Jwak 8:15

Myoyo nguganisya kuti kuli cenene mundu asangalaleje ni umi wakwe, pakuti mundu jwangali cindu cine soni cambone pa cilambo capasi pano kupunda kulya, kumwa ni kulisangalasyaga. Kaneko mundujo taciŵa jwakondwa pa masengo gakwe pa masiku ga umi wakwe, gele Mlungu gampele jwalakwejo pa cilambo capasi pano.

Matayo 6:24

“Mundu ngaŵa mkupakombola kwatumicila acambuje ŵaŵili, pakuti pane taciŵengana ni jumojo ni kumnonyela jwinejo. Pane tacilipeleka mnope kwa jumojo ni kumnyosyaga jwinejo. Ngaŵa mkupakombola kutumicila wosope ŵaŵili, Mlungu ni yipanje.

Ŵaefeso 5:18

Kasimkolelwa ni finyo, jwele jwampaka amjonanje, nambo m'malo mwakwe mgumbalilwe ni Msimu Ŵaswela.

Ŵakulamula 9:13

Nambo mpeleya watite kuti, ‘Naga kuti une nalamulile jemanja, tinjiŵajilwa kuleka koposya finyo, jwakusasangalasya milungu ni ŵandu ŵakwe.’

1 Sam 25:36

Abigelo ŵawujile kwa Nabala, juŵaliji kumangwakwe ni kutendaga cindimba mpela ca mwenye. Ŵaliji ali akolelwe nipo ŵasangalele. Myoyo ŵamkwawowo nganiŵasalila cilicose mpaka kundaŵi.