Jwak 2:23 - Chiyawo Bible

²³ Pa masiku gakwe gosope gakusaŵaga ga yipwetesi soni gakudandawulisya. Atamose cilo mtima wa mundujo ŵangapumula ligongo lya masengo. Yeleyi soni yili yangali mate.

Jwak 2:23 Iomraidhean Croise

Genesesi 3:17

Nipo Mlungu ŵamsalile Adamu kuti, “Ligongo m'mweji mwapikanile ŵamkwenu, mpaka mlile yisogosi yinamgombelecesye kuti mkamlya. Litaka tiliŵe lyakulweseka ligongo lya yimtesileyi. Mkwenela kukamula masengo ga citukuta, ndaŵi ja umi wenu wosope, kuti mpate yakulya yakwanila.

Genesesi 47:9

Yakobo ŵajanjile kuti, “Yaka ya umi wangu wakwendajenda yikwanile 130. Yaka yeleyi yili yamnono soni ya yisawusyo yejinji, yangalandana kose ni yaka ya acinangolo ŵangu, pa ndaŵijawo josope piŵaliji ni umi.”

Esitele 6:1

Cilo cicoco mwenye nganagona lugono, nipo ŵalamwile kuti ayice najo buku jiŵalembagamo mbili ja yindu yiyatendedwaga kala.

Yobu 14:1

Mundu jwapagwile mwa jwamkongwe akusatama masiku gapanandi, nambo soni masiku gakwe gakusaŵa ga yisawusyo.

Yobu 5:7

Ŵandu tacikola yisawusyo kutyocela pa ndaŵi japegwile mpela muwukusatatasicila moto kwawula mwinani.

Masalimo 127:2

Mkulisawusya kulaŵa kundaŵindaŵipe ni kugona mwakucelewa, kamula masengo mwakulajila kuti mpate yakulya, pakuŵa AMBUJE akwapa ŵakunonyelwa ŵakwe yikwasoŵa, jemanjajo ali mlugono.

Masalimo 32:4

Pakuŵa cilo ni musi mkono wakwe wawusito ŵasajice nawo pa une, kwakuti macili gangu gamasile, mpela mugakunyalila masamba ni lyuŵa lya ndaŵi ja cawu.

Masalimo 90:15

Atusengwasye malinga ni masiku gamajinji gaŵatusawisye gala; ni yaka yejinji mpela yaka yitwatemi myisawusyo yila.

Jwak 1:13

Mu mtima mwangu nasacile kupikanicisya mnope yosope yene yayikusatendekwa pa cilambo capasi pano. Aga ni masengo gakusawusya giŵatupele Mlungu kuti tutendeje.

Jwak 1:18

Pakuti lunda lwejinji lukusayicisya canasa, mundu pakonjecesya lunda ni kuti akonjecesya canasa.

Jwak 2:11

Sambano natandite kuyiganisya yosope yinatesile, masengo gosope gakusitopesya ginakamwile, nayiweni kuti yosope yeneyo yaliji yangali mate, soni kwaliji kwamba kulisawusya. Pa cilambo capasi pangali cindu cakuti mundu ni kupindula naco.

Jwak 5:12

Jwamasengo akusagona lugono lwambone atamose kuti alye panandi kapena kwejinji. Nambo ŵakusicila ŵangagona lugono ligongo lya yipanje.

Jwak 5:17

Masiku gakwe gosope umi wakwe waliji wegumbale ni cipi, canasa, yisawusyo, yilwele ni kudandawula.

Jwak 8:16

Nalinjililaga kuti manyilile lunda ni masengo gosope gagakutendekwa pacilambo capasi pano, ngagona cilo ni musi.

Daniele 6:18

Mwenye jwawujilile ku nyumba jakwe, nipo jwatemi cilo cosope ngalya kandu, nganajiticisya soni yakusangalasya yiliyose. Cilo celeci nganagona.

Masengo 14:22

Ŵalimbisye mitima ŵakulijiganya ŵala ni ŵasalile kuti akajasa cikulupi cawo. Ŵasalile kuti, “Kuti tukajinjile mu Ucimwene wa Mlungu* tukwenela kupilila yisawusyo yejinji.”