Jwak 2:22 - Chiyawo Bible

²² Ana mundu akusapindula cici pa masengo gakwe gosope gakamwile jwalakwejo pacilambo capasi pano?

Jwak 2:22 Iomraidhean Croise

Masalimo 127:2

Mkulisawusya kulaŵa kundaŵindaŵipe ni kugona mwakucelewa, kamula masengo mwakulajila kuti mpate yakulya, pakuŵa AMBUJE akwapa ŵakunonyelwa ŵakwe yikwasoŵa, jemanjajo ali mlugono.

Misyungu 16:26

Sala ja mundu jwamasengo jikusamkamucisya kulimbicila masengo, pakuŵa akusasaka kumasya sala jakwejo.

Jwak 1:3

Ana mundu akusapindula cici pa masengo gosope gakupesya gakusakamula pa cilambo capasi cino?

Jwak 2:11

Sambano natandite kuyiganisya yosope yinatesile, masengo gosope gakusitopesya ginakamwile, nayiweni kuti yosope yeneyo yaliji yangali mate, soni kwaliji kwamba kulisawusya. Pa cilambo capasi pangali cindu cakuti mundu ni kupindula naco.

Jwak 3:9

Ana tukusapindula cici pa masengo gosopega?

Jwak 4:6

Kuli kwambone kutama ni umi ŵa mtendele kulekangana ni kupicisikwa ndaŵi syosope ni kwamba kulisawusya.

Jwak 4:8

Jwapali mundu juŵaliji jikape, nganakola mwanace kapena mlongo mjakwe, nambo jwalakweju jwapitilisye kukamula masengo gakwe nipo nganajikutila ni yipanje yiŵakwete. Myoyo nganaliwusya kuti, “Ana masengo gosope gingukamulaga ni kulikanya kusangalala namsyene ngwakamulila ŵani?” Yeleyitu yili yangali mate soni yili yakutesya canasa.

Jwak 5:17

Masiku gakwe gosope umi wakwe waliji wegumbale ni cipi, canasa, yisawusyo, yilwele ni kudandawula.

Jwak 8:15

Myoyo nguganisya kuti kuli cenene mundu asangalaleje ni umi wakwe, pakuti mundu jwangali cindu cine soni cambone pa cilambo capasi pano kupunda kulya, kumwa ni kulisangalasyaga. Kaneko mundujo taciŵa jwakondwa pa masengo gakwe pa masiku ga umi wakwe, gele Mlungu gampele jwalakwejo pa cilambo capasi pano.

Matayo 16:26

Ana mundu tapindule cici naga akwete yindu yosope ya pa cilambo capasi pano, nambo pambesi pakwe ni kuwujasa umi wakwe? Ana mundu mpaka alipile cici cakuti awombolele umi wakwe?

Matayo 6:11

Atupe uwe lelo yakulya yetu ya lelo.

Matayo 6:25

“Ni ligongo lyakwe ngumsalila kuti mkasimdandawulaga ya umi wenu, kuti timlye cici, kapena tim'mwe cici, pane soni ya cilu cenu, kuti tim'wale cici. Ana umi wenu ngawukusapunda yakulya? Ana cilu ngacikupunda yakuwala?

Matayo 6:34

Ni ligongo lyakwe mkaŵaga ŵakusingalilwa ni kuganisya ya malaŵi. Ya malaŵi ni ya malaŵi. Lisiku lili lyose lyana yakusawusya yakwe yakwepe.

Luka 12:22

Yesu ŵasalile ŵakulijiganya ŵakwe kuti, “Sambano ngumsalila kuti, mkasimdandawula ni ya umi wenu kuti timlye cici, kapena tim'wale cici.

Luka 12:29

“Myoyo mkadandawulaga mciganisyaga kuti ana tindye kapena timwe cici?

1 Akoli 16:16

Myoyo, ngumŵenda jemanja acalongo acimjangu mwa Ambuje kuti jemanja soni mwapikanileje ŵandu ŵamti myiyiŵa, soni ni kwa jwalijose jwakukamula masengo ni kutumicila mwakulipeleka.

Ŵafilipi 4:6

Mkadandawula ni kandu kane kalikose, nambo pa ndaŵi jimkupopela mumŵendeje Mlungu yindu yayikumsoŵa, nipo ndaŵi syosope myiŵendeje yindu yeleyi ni mitima jakutogolela.

1 Timoseo 6:8

Naga tukwete yakulya ni yakuwala yeleyi yitukwanile.

1 Petulo 5:7

Mtule pa jwalakwejo yidandawulo yenu yosope, pakuti jwalakwejo ni jwakusamsamalila jemanja.