Jwak 2:16 - Chiyawo Bible

¹⁶ Pakuti mundu jwalunda, pamo ni jwakuloŵela jwakwe, wosopewo ŵangakumbucilidwa kwa ndaŵi jelewu naga ali awile. M'masiku gakwisago, wosopewo taciliŵalika. Mpela yakuti pakuŵa mundu jwakuloŵela ni m'momo soni mwakusawila mundu jwalunda.

Jwak 2:16 Iomraidhean Croise

2 Sam 3:33

Pakulila malilo ga Abinele Mwenye Daudi ŵatite, “Ana kuwa kwa Abinele kuli kwamti myiyi, kuwa mpela mucikusawila cisilu?

Masalimo 103:16

pakuŵa naga mbepo jikupuga liluŵalyo likusaŵa pangali, ngalikusawoneka soni pamalo pakwe.

Masalimo 49:10

Jwalijose akulola kuti atamose ŵalunda akuwa, myoyo soni ŵakuloŵela ni wangali lunda ŵakwe. Wosopeŵa akusiŵalecela ŵane yipanje yawo.

Masalimo 88:12

Ana yakusimonjeka yawo yikusawoneka ku malo ga cipi gala kapena umbone wawo ku cilambo ca ŵandu ŵakuliŵalika?

Ekisodo 1:6

Panyuma pakwe Yosefe ŵawile, acakulugwe ni ŵandu wosope ŵa mwiŵele mwawo ŵawile soni.

Ekisodo 1:8

Yili yipite yaka yejinji, ŵajinjile mwenye jwine jwasambano, mcilambo ca Iguputo, jwamkanamanyilila ya Yosefe.

Misyungu 14:8

Lunda lwa mundu jwakalamuka lugonile paganicisya cenene matala gakwe, nambo yisilu yikusaliloŵesya yisyene ni usilu wawo.

Jwak 1:11

Pangali jwakusakumbucila yindu yiyatendekwe kalakala, soni pangali mundu jutacikumbucila yayikutendekwa sambano jino.

Jwak 2:14

Ŵandu ŵalunda akusajenda acilolaga kusogolo, nambo ŵakuloŵela akusajenda mwangalimanyilila.” Nambo namanyilile kuti cindu cacimtendekwele mundu jwalundajo, cicoco ticicimtendekwela soni mundu jwakuloŵelajo.

Jwak 2:15

Kaneko une natandite kuganisya kuti, “Yele yayikusatendekwa kwa ŵandu ŵakuloŵela, iyoyo tiyicitendekwa kwa une soni. Ana mbatile cici pingwete lunda lwesope lwelelu?” Nalijanjile namsyene kuti, “Pangali cimbatile.”

Jwak 6:8

Ana mundu jwalunda ali jwambone camtuli kumpunda mundu jwakuloŵela? Ana mundu jwakulaga jwakwamba kumanyilila kutama cenene pameso pa acimjakwe apindwilepo cici?

Jwak 7:2

Kuli kwambone kwawula ku nyumba ja malilo kulekangana ni kwawula ku nyumba ja cindimba, pakuti ciwa cili mbesi ja ŵandu wosope, myoyo ŵandu ŵali cijumi akumbucileje yeleyi kuti ciwa cikutujembecela.

Jwak 8:10

Naweni ŵandu ŵakutenda yakusakala ali mkusicidwa m'malembe mwawo, nipo pakuwuja ku malembeko ŵandu ŵalumbaga jemanjajo ligongo lya yitendo yawo. Yeleyi soni yili yangali mate.

Jwak 9:15

Nambo mu msindamo mwaliji mwana mundu jumo jwalunda nambo jwakulaga, nipo ni lunda lwa jwalakwejo ŵawukulupwisye msindawo. Nambo paliji pangali ni jumo jose juŵamkumbucile mundu jwakulagajo.

Jwak 9:5

Ŵandu ŵali cijumi akusamanyilila kuti taciwa, nambo ŵawe ŵangamanyilila cilicose; nipo ŵangali soni mbote jine jilijose soni naga awile ŵangakumbucilika.

Mala 3:16

Sambano ŵandu ŵiŵajogopaga AMBUJE ŵatandite kuŵecetana, nipo AMBUJE ŵapikanilaga. Buku jacikumbukumbu jalembedwe pameso pakwe, jakusala ya ŵele ŵandu uŵajogopaga AMBUJE ni kulicimbicisya lina lyakwe.

Ŵaeblania 9:27

Mundu jwalijose akwenela kuwa kampepe basi, panyuma pakwe ni kulamulidwa ni Mlungu.