Jwak 2:14 - Chiyawo Bible

¹⁴ Ŵandu ŵalunda akusajenda acilolaga kusogolo, nambo ŵakuloŵela akusajenda mwangalimanyilila.” Nambo namanyilile kuti cindu cacimtendekwele mundu jwalundajo, cicoco ticicimtendekwela soni mundu jwakuloŵelajo.

Jwak 2:14 Iomraidhean Croise

Masalimo 19:10

Gali gakusosekwa kujipunda golidi,* kujipunda mnope golidi jambone; gakunong'a kupunda uci atamose uci wa masyega.

Masalimo 49:10

Jwalijose akulola kuti atamose ŵalunda akuwa, myoyo soni ŵakuloŵela ni wangali lunda ŵakwe. Wosopeŵa akusiŵalecela ŵane yipanje yawo.

Masalimo 49:11

Ku malembe ni kumangwawo kwa kutama yaka yosope gali malo gakutama ŵandu ŵitacipagwa msogolo, atamose kuti piŵaliji cijumi yilambo yapikanikaga ni mena gawo.

Misyungu 14:8

Lunda lwa mundu jwakalamuka lugonile paganicisya cenene matala gakwe, nambo yisilu yikusaliloŵesya yisyene ni usilu wawo.

Misyungu 17:24

Mundu jwakupikanicisya yindu cenene nganisyo syakwe akusasiŵika pa lunda basi, nambo cisilu cikusagambaga kuti meso mwalamwala pa cilambo cosope.

Jwak 2:16

Pakuti mundu jwalunda, pamo ni jwakuloŵela jwakwe, wosopewo ŵangakumbucilidwa kwa ndaŵi jelewu naga ali awile. M'masiku gakwisago, wosopewo taciliŵalika. Mpela yakuti pakuŵa mundu jwakuloŵela ni m'momo soni mwakusawila mundu jwalunda.

Jwak 3:19

Yindu yayikusatendekwa kwa ŵandu iyoyo soni yikusatendekwa kwa yinyama. Mundu akusaŵaga mucikusaŵela cinyama, soni yosopeyi yikusapumula mpweya umpepe, nipo pangali cakupunda cijakwe. Yosopeyi yili yangali mate.

Jwak 6:6

atamose kuti ŵatemi cijumi yaka yejinji ngayiwona yambone. Wosopewo akusajawula ku malo gampepe.

Jwak 6:8

Ana mundu jwalunda ali jwambone camtuli kumpunda mundu jwakuloŵela? Ana mundu jwakulaga jwakwamba kumanyilila kutama cenene pameso pa acimjakwe apindwilepo cici?

Jwak 7:2

Kuli kwambone kwawula ku nyumba ja malilo kulekangana ni kwawula ku nyumba ja cindimba, pakuti ciwa cili mbesi ja ŵandu wosope, myoyo ŵandu ŵali cijumi akumbucileje yeleyi kuti ciwa cikutujembecela.

Jwak 8:1

Ana ŵani ŵampaka alandane ni mundu jwalunda? Ana ŵani mpaka amanyilile kugopolela yindu? Mundu jwalunda lwakwe lukusilumpa lukondwa nipo sinya sikusatyoka pa ngope jakwe.

Jwak 9:11

Nayiweni soni kuti pa cilambo capasi pano kuti ŵakusawutuka mnope pa mpikisano wakuwutuka ŵangakangala kupunda pa mpikisanowo soni ŵakulimba mitima ŵangakangala kupunda pa ngondo. Ŵandu ŵakusakola yakulya ngaŵa ŵalunda, ni ŵakusasicila, soni afundi ŵangakwesyedwa ma ukumu ga pa masengo. Wosope ŵenewo upile ukusagamba kwagwila mu ndaŵi jakwe.

Jwak 9:16

Nambo une nguti lunda luli lwambone kulekangana ni macili, atamose kuti ŵandu ŵanyosisye lunda lwa mundu jwakulagajo, soni nganagakamulisya masengo maloŵe gakwe.

1 Yohana 2:11

Mundu jwakusaŵengana ni mjakwe, jwelejo ali mu cipi, soni akwenda mu cipi. Akusaŵa ali ngakumanyilila kwele kwakwawula, ligongo lyakuti cipi cimsiŵile m'meso.