Jwak 2:10 - Chiyawo Bible

¹⁰ Nakwete cilicose cinasakaga. Nganinalijima namsyene yakusangalasyayo, pakuti mtima wangu ŵasangalalaga ni masengo gangu gosope ginagakamwile, nipo jeleji jaliji mbote jangu.

Jwak 2:10 Iomraidhean Croise

Genesesi 3:6

Jwamkongwejo ŵaciweni citelaco kuti caliji cakusalala, ni soni kuti yisogosi yakwe yikomboleka kuŵa yakunong'a kulya. Nipo ŵatandite kuyikumbila yisogosiyo kuti alye, ni kuti aŵe jwalunda. Myoyo jwamkongwejo ŵakaŵile yisogosi yine ya mcitelaco ni ŵalile. Ni ŵajigele yine soni kuja kukwapa ŵamkwawo, nipo jwalakwejo ŵalile.

Genesesi 6:2

malayika ga Mlungu galolite kuti ŵanace ŵacakongwe ŵa ŵandu ŵaliji ŵakusalala, ni ŵatandite kulombela jwalijose juŵamsacile.

Yobu 31:1

Natesile Cilanga ni meso gangu kuti, ngapakombwele uli kumlolecesya jwamkongwe mwakumkumbila?

Masalimo 119:37

Agalekasye meso gangu kuti gakalola yindu yangali mate, ambe umi mpela mwa maloŵe ga cilanga cawo.

Masalimo 128:2

Timcilya yimyimtendele masengo ni makono genu; timcisangalala, soni yindu tiyicimjendela cenene.

Misyungu 23:5

Pakwamba kupisya panandipe, basi tiwusimane kuti cipanje cipite, pakuŵa cikusatenda mpela cigambile kumela mapapiko mwacisisimucisya, ni kutanda kuguluka ulendo wa kwinani mpela nyanga.

Jwak 11:9

Acacanda, msangalaleje ni ucanda wenu. Mitima jenu jisangalaleje ndaŵi josope ja ucanda wenu. Elo, mkuyeje yiwukusaka mtima wenu ni yigakulola meso genu. Nambo mkwenela kumanyilila kuti Mlungu tacimlamula jemanja pa yimkutendayi.

Jwak 2:1

Ndaŵi sine mu mtima mwangu natiji kuti, sambano linje yakulinonyelesya, nalisangalasye namsyene. Nambo nayiweni kuti yeleyi yaliji yangali mate.

Jwak 2:22

Ana mundu akusapindula cici pa masengo gakwe gosope gakamwile jwalakwejo pacilambo capasi pano?

Jwak 2:24

Pangali cindu cine cambone campaka mundu akombolece kutenda pa masengo gakwe kupunda kulya, kumwa ni kwikutila pa masengo gakwego. Namanyilile soni kuti welewu uli upile wakutyocela kwa Mlungu.

Jwak 3:22

Myoyo nayiweni kuti pangali cindu cambone cakupunda kuti mundu asangalalileje masengo gakwe, pakuti cakwe cisyesyene ni celeci. Ana ŵani mpaka apakombole kumanyilila yitiyicimtendekwela pitaciwa?

Jwak 5:10

Jwalijose jwakusanonyela mbiya jwangajikutila ni mbiyasyo, yalumo soni jwalijose jwakusanonyela yipanje jwangajikutila ni congola yala. Yeleyitu yili yangali mate.

Jwak 5:17

Masiku gakwe gosope umi wakwe waliji wegumbale ni cipi, canasa, yisawusyo, yilwele ni kudandawula.

Jwak 5:18

Apano pana cindu cinaciweni kuti cili cambone nambo soni cakwenela: kuli kwambone kuti mundu alyeje, amweje, ni kusangalala pa masengo gakwe gosope gakusakamula pa cilambo capasi cino. Celeci ni cele mundu akukomboleka kuŵeceta kuti cakwe.

Jwak 6:2

Mlungu akusampa jwine jwakwe yipanje ni ucimbicimbi ni yosope yakusayisaka pa umi wakwe, nambo jwangapeleka upile wakuti usangalale nayo yinduyo, m'malo mwakwe jwakusasangalala ni yinduyo akusaŵa mundu jwine jwa cilendo. Yeleyi yili yangali mate, nipo ngaŵa yambone.

Jwak 6:9

Kuli kwambone gambaga kuyilola yinduyi ni meso kulekangana ni kuyisakaga mu mtima. Yeleyi yili yangali mate.

Jwak 8:15

Myoyo nguganisya kuti kuli cenene mundu asangalaleje ni umi wakwe, pakuti mundu jwangali cindu cine soni cambone pa cilambo capasi pano kupunda kulya, kumwa ni kulisangalasyaga. Kaneko mundujo taciŵa jwakondwa pa masengo gakwe pa masiku ga umi wakwe, gele Mlungu gampele jwalakwejo pa cilambo capasi pano.

Jwak 9:6

Cinonyelo cawo, uŵengani wawo ni wiwu wawo wosope yamasile kala. Nipo ngasapocela cilicose pa yosope yayikutendekwa pa cilambo capasi pano.

Jwak 9:9

Msangalaleje ni ŵakongwe ŵamkusimwanonyela pa masiku umi wenu wangali matewu, uŵampele Mlungu pa cilambo capasi pano. Pakuti yeleyi ni yenu pa umi awuno, ni pa masengo genu gakupweteka gimkusakamulaga pa cilambo capasi pano.

1 Yohana 2:16

Pakuti yosope ya pasi pano, yilakolako ya mcilu, yindu yayikusakumbila meso, nambo soni kupocela ya umi awuno, yosopeyi nganiyiŵa yakutyocela kwa Atati, nambo yili yakutyocela ku ndamo jakusakala ja cilambo capasi.

Ŵakulamula 14:2

Jwalakwe ŵawujile kumangwakwe kukwasalila babagwe ni mamagwe kuti, “Ku Timuna kwana jwamkongwe jwa mtundu wa Afilisiti junimnonyele. Akanjigalile jwelejo kuti aŵe msonogwangu.”