Jwak 12:5 - Chiyawo Bible

⁵ Timcijogopaga kukwela pa malo gamwinani mnope, soni kwenda tikuciŵa kwakumsawusya. Mu mtwe mwenu timuciŵa wuli, timcilepela kwenda mwakuliwuta mwasyene, soni ngasimsosa cine cilicose. Wosope tukwawula kumalo kutucitamako mpaka kalakala, nipo pitucijawulaga, m'misewu mosope timuciŵa kulila.

Jwak 12:5 Iomraidhean Croise

Genesesi 42:38

Nambo Yakobo ŵajanjile kuti, “Mwanangu ngajawula pamo ni jemanja, pakuŵa mkulugwe ŵawile nipo jwalakwepeju ni jwasigele. Ni naga cindu cilicose cakogoya cili cimgwilile jwalakweju, une munjekulupililemu, tinjiwa ligongo lya canasa.”

Genesesi 44:29

Myoyo naga mkunjigalila ajuju, ni kuja kuwulajidwa soni, ni kuti une munjekulupilemu, tinjiwa ni canasa.’

Yobu 15:10

Sikati jetu jino tukwete ŵandu ŵakwete wuli mu mtwe soni ali ŵacekulupe ŵiŵapagwile kalakala kwapunda baba ŵenu.

Yobu 17:13

Cele cingwembecela cili ciwa, ni kuja kusicidwa m'malembe.

Yobu 30:23

Sambano ngumanyilila kuti ŵalakwe tacinjigalila une ku cilambo ca ŵandu ŵawe, kutacijawulako jwalijose.

Masalimo 71:18

Myoyo Ŵalakwe Mlungu akandeka jika, mpaka pitinjilalicila ya macili gawo kwa yisukulu yosope yakwisa msogolo. Atamose ndili jwa mcekulupe, uli sili mbuu.

Misyungu 16:31

Uli sili m'cisoti ca ucimwene ca ucimbicimbi, mundu akusasipata naga atemi ni umi wacilungamo.

Misyungu 20:29

Ucimbicimbi wa acacanda ugonile pa macili gawo, nambo ucimbicimbi wa ŵacekulupe ugonile pawuli syawo.

Jwak 9:10

Masengo galigose gimkuti mkamuleje, mgakamuleje ni macili genu gosope. Pakuti sampano timjawule ku malembe kukuli kwangali kukamula masengo, kwangali kuganisya, kwangali kumanyilila cilicose, soni kwangali lunda.

Yesaya 46:4

Mpaka timkalambale tinjiŵa Julajula, Mpaka tim'mele wuli tinjimsamala nditu. Nampanganyisye, nipo tinjimnyakula. Tinjimtwicila nipo tinjimkulupusya.”

Yelemiya 1:11

AMBUJE ŵandosisye cindu cine cakwe kupitila m'mesomkulola. Myoyo ŵambusisye kuti, “Yelemiya, ana mkuciwona cici?” Une najanjile kuti, “Nguluwona lunyambi lwa citela ca mtowo.”

Yelemiya 9:16

Tinjapwilinganya sikati ja mitundu ja ŵandu jele jemanjajo kapena acinangolo ŵawo nganajisimana. Tinjakuya ni asilikali ŵa ngondo mpaka kwajonanga wosope ŵene.”

Lefitiko 19:32

“Mpelece ucimbicimbi kwa ŵandu ŵacekulupe. Munjimbicisye ni kumbikanila une. Une ndili AMBUJE.

Ŵaeblania 9:27

Mundu jwalijose akwenela kuwa kampepe basi, panyuma pakwe ni kulamulidwa ni Mlungu.