Jwak 12:2 - Chiyawo Bible

² Ndaŵi ja ucekulu wenu, lyuŵa, lilanguka, mwesi, ndondwa, yosope tiyiciŵa cipi kwa m'mwejo, nipo mawunde ngasigatyoka.

Jwak 12:2 Iomraidhean Croise

Genesesi 27:1

Isaki ali acekulwipe ŵatatele meso gakwe, mwakuti nganapakombola kulola. Lisiku line, ŵamŵilasile Esawu mwanagwawo jwandanda ni ŵamsalile kuti, “Mwanangu!” Esawu ni ŵajanjile kuti, “Ndili apano baba.”

Genesesi 48:10

Ndaŵi aji, Yakobo ŵaliji ali acekulwipe mwakuti nganapakombolaga kulola. Yosefe ni ŵaŵandicisye ŵanace ŵawo ŵala, nipo Yakobo ŵakomasisye pangomo ni kwa kumbatila ŵanace ŵala

Masalimo 42:7

Mesi gakuŵilikuka mwamacili kuja kwakusokoka, kugungumila ni kulindima kwa mesi kukutesya woga. Matumbela genandi ni gamakulungwa gakunditimisya une.

Masalimo 71:20

Ŵalakwe ŵaŵambonesye yisawusyo yejinji, nambo ŵalakwe tacimba soni macili, ŵalakwe tacingoposya soni mwisimbo lyakusokoka.

Masalimo 77:16

Mesi pagalolite Ŵalakwe Mlungu gatesile woga; elo, nyasa jatetemele.

Masalimo 90:10

Yaka ya umi wetu yikusakwana makumi msano ni gaŵili, kapena naga kola macili yaka makumi msano ni gatatu, nambo ndaŵi josope jikwamba kuŵa ja yisawusyo ni kulaga; yakayo ngayikukaŵa kumala, ni tukuwa.

Yesaya 13:10

Ndondwa syosope sya kwinani ngisisilosya lilanguka. Lyuŵa tilicitenda cipi pakukopoka, nipo lwesi ngisiluŵala kose.

Yesaya 5:30

Pa lisiku lyelelo tacikokoma, mpela mujikusakokomela nyasa jijikusajigala cilicose cacili mwitala mwakwe ni kukokoma kwa mesi gamacili. Naga jwine akucilola cilamboco, tacigamba kulola cipi ni yisawusyo. Lilanguka tiliciŵa cipi ligongo lya mawunde.

Yoweli 3:15

Lyuŵa ni mwesi yiŵilile, soni ndondwa silesile kuŵala.

Matayo 24:29

“Patiyicimala yisawusyo ya gele masikugo, lyuŵa tiliciŵilila, mwesi tiwucileka kuŵala, ndondwa tisicigwa kutyocela kwinani, nipo macili ga kwinani tigacitenganyika.

1 Sam 3:2

Lisiku line cilo Eli ŵaliji mkugona mcipinda mwakwe, nambo meso gakwe gatandite kutatala.

1 Sam 4:15

(Jele ndaŵiji Eli ŵaliji ali ŵana yaka 98 nipo meso gakwe gatatele).

1 Sam 4:18

Mundujo piŵagambile kukolanga ya Libokosi lya Cilanga, Eli ŵagwile calugali kutyocela pa mpando pakwe ciŵandika ni cipata. Ŵatemangwice lukosi lwakwe pakuŵapo ŵaliji ŵakwimbala soni ŵakalambale, nipo ŵawile. Jwalakwe ŵaliji ali ŵalongolele Aisalaeli kwa yaka makumi mcece.